Tímarit Máls og menningar - 01.06.1968, Side 16

Tímarit Máls og menningar
En nú er oss borgið hvað sem á dynur
Vér höfum unnið í happdrætti
Hér er frelsið staðfest með gengisfeliingum
Hér ríkir fróðafriður
Bankamusteri dollaraguð víxlahjálpræði
2 Oræfi fortíðarinnar hindra oss ekki framar
Vér höfum lagt undir oss geiminn
Vér fljúgum ýmist heiman eða heim
Vér brunum í gljávögnum milli lystihalla
Umferðin beinist viðstöðulaust til hægri
Dag og nótt er skálað í veizlusölum
Framtíðin orðin sjálfvirk og kemur oss ekki við
3 Af tilviljun verður oss reikað
Framhjá litlu hrörlegu bakhúsi
Móðirin er horfin veg allrar veraldar
Einsetukona eitt sinn svífandi bóndadóttir
Situr þar grá og hokin á tröppu
Mænir á oss ókunna vegfarendur og spyr lágt
Er hreinsunareldurinn slokknaður
Er búið að frelsa heiminn
4 Vér lítum hver á annan
Drúpum síðan höfði í afkáralegri þögn
5 Ákæran flæðir sem myrkur
Ur þessum rauðsprengdu fölskvuðu sjáöldrum
Enn tröllauknir herbrestir í fjarska
Enn örkuml og harmkvæli landa og þjóða
Sögueyjan fótaskinn varnartrúðsins mikla
Ljóðaþjóðin sópari yfirtroðslunnar
Mál vort auglýsing menning vor afsal
Börn vor í æðisgenginni leit að sál og hjarta
Á flótta gegnum öskrandi tóm knæpunnar
Full af angist og viðbjóði
Allslaus í allsnægtum
6