Tímarit Máls og menningar - 01.06.1968, Page 46

Tímarit Máls og menningar
á sköpunarmætti skáldsins. Engin
kvikmynd er nökkurs virði nema bók-
menntaandi gefi henni kveik og ljós.
Utvarp og sjónvarp væru sem gjall-
andi málmur og dautt form nema
bókmenntir veki þeim líf og styrk.
Tónlist hefur á öllum tímum verið
nátengd skáldskap, og þessar tvær
listgreinir veitt hvor annarri.
En bókin sjálf heldur sínu fulla
gildi, þótt tímarnir breytist og ný
tækni komi til sögu. Hún stendur
óstudd með sínum lesanda. Sé hann
góður lesandi, skynjar hann áhrif
bókarinnar á sérstæðan, persónuleg-
an hátt, öðlast nýja reynslu við skiln-
ing á fólki og atburðum. Hann verð-
ur sjálfur skáld og könnuður með
bók sinni. Á slíkum lesanda byggist
bókmenntaáhugi og bókmenntaþroski
þjóðarinnar.
Megi það vera ósk mín á þessu af-
mæli Rithöfundasambands íslands,
að bók og bókmenntir verði ávallt
tengdar traustum böndum á íslenzk-
um ritvelli og bókmenntaiðja og bók-
menntalist verði ætíð gildandi afl í
lífi íslenzkrar þjóðar.

36