Tímarit Máls og menningar - 01.07.1982, Blaðsíða 10

Tímarit Máls og menningar
Atvinnufyrirtæki hættu að flýja borgina. Miðbærinn breyttist í lifandi vett-
vang. 12 dagheimili fyrir börn tóku til starfa. Málefnum aldraðra var sinnt af
meiri skörungsskap en nokkru sinni fyrr í sögu Reykjavíkur. B-álma
Borgarspítalans rís af grunni með undrahraða. Bæjarútgerð Reykjavíkur rekur
eitt besta frystihús á Islandi á sl. ári. A vettvangi landsstjórnarinnar hefur verið
gert verulegt félagslegt átak þrátt fyrir minnkandi hagvöxt og ytri erfiðleika.
Og svo var kosið. Og íhaldið vann kosningasigur. Það bætti við sig fylgi alls
staðar á þéttbýlissvæðinu. Kvennaframboð fór fram á völlinn; hafi það verið
tímabært nú — hvað þá um fyrri kosningar?! Hvað gerðist og hvað gerist?
Eg tel að það hafi verið skilningsskortur á nauðsyn samstöðunnar sem háði
okkur mest. Samstaðan í flokki okkar var og er góð. En það er ekki nóg. Allir
þeir sem keppa að sameiginlegu markmiði þurfa að standa saman. I stað þess
var engu líkara en ýmsir teldu það helst við hæfi að vanþakka og vanmeta
þann stuðning við gott málefni sem þrátt fyrir allt er unnt að fá fram. Þannig
þótti Böðvari Guðmundssyni ástæða til þess að taka ofan fyrir framsókn í
þessum dálkum, en svívirti jafnframt Alþýðubandalagið. Þó liggur það fyrir að
Alþýðubandalagið er eini flokkurinn sem vill eitthvað á sig leggja fyrir brottför
hersins — framsóknarforystan hefur aldrei viljað gefa því máli gaum. Olafur
Jóhannesson hefur á marga lund verið andsnúnari herstöðvaandstæðingum en
jafnvel Benedikt Gröndal var á sinni tíð, og er þá langt til jafnað. Það er
ennfremur ekki nokkur vafi á því að betur var unnið sl. fjögur ár að félagslegri
lausn margvíslegra vandamála en fyrr — samt kemur einmitt nú fram kvenna-
framboð. Kvennaframboðið studdi fjöldi þeirra sem áður studdi Alþýðubanda-
lagið í kosningum. Þar kom einnig fram skilningsskortur á nauðsyn samstöð-
unnar.
Nú — eftir kosningarnar — er brýn nauðsyn að skerpa þann skilning —
brýnni en nokkru sinni fyrr: Við stöndum frammi fyrir örlagaríkum átökum
ekki aðeins um lífskjör heldur einnig um sjálfstæði þessarar þjóðar. Það kann
að vera að einhverjir láti sér úrslit þeirra átaka í léttu rúmi liggja; þeir eru þá að
taka á sig ábyrgð og ég lýsi mikilli ábyrgð á hendur þeim sem aðhafast ekki og
láta vígvélar íhaldsins æða hér yfir akurinn á næstu vikum, mánuðum og árum.
Vinni íhaldið kosningasigur hér á landi í næstu alþingiskosningum gerist
þetta:
Mynduð verður ríkisstjórn Sjálfstæðisflokksins og annars hvors milliflokks-
ins. Hún mun þegar í upphafi gera eftirfarandi:
1. Hafnar verða framkvæmdir við byggingu flugstöðvar í Keflavík með banda-
rískum fjármunum.
2. Hafnar verða framkvæmdir í Helguvík fyrir herskipa- og olíuhöfn
bandaríska hersins.
3. Gerðir verða samningar við erlend fyrirtæki um orkusölu á sama hátt og um
er að ræða í Straumsvík.
4. Vísitölubætur á laun verða bannaðar.
256