Morgunblaðið - Sunnudagur - 28.12.2014, Blaðsíða 36

Græjur
og tækni
Sony hótar Twitter
*Sony hefur hótað samskiptamiðlinum Twitter málsókn leitisthann ekki við að koma í veg fyrir að notendur hans birti afrit afstolnum tölvupóstum Sony. Tölvupóstarnir voru hluti af lekanumstóra í kjölfar tölvuárásarinnar á fyrirtækið nú fyrir skemmstu. Lögmaður Sony sendi nýlega bréf til Twitter þar sem þess varkrafist að öllum reikningum sem birta leynilegar upplýsingar fráSony yrði lokað. Tölvupóstarnir hafa valdið miklu fjaðrafoki inn-
an Hollywood enda er þar talað af hispursleysi um mörg af
stærstu nöfnum kvikmyndaiðnaðarins.
U
pplýsingalekinn frá
Sony hefur haldið
áfram að vinda upp á
sig og nýlega birti
einn stofnenda Snapchat, Evan
Spiegel, opinbera yfirlýsingu á
Twitter vegna málsins þar sem
hann segist bæði reiður og mið-
ur sín vegna málsins. Leyni-
legar upplýsingar um fjárhag
og fyrirætlanir Snapchat voru
gerðar opinberar í lekanum.
Upplýsingarnar komu fram í
tölvupóstum sem Spiegel
sendi Michael Lynton, starfs-
manni Sony sem jafnframt situr
í stjórn Snapchat. Þar var meðal
annars ljósi varpað á fjárhagsleg
áform Snapchat og jafnframt fjallað
um yfirtökur fyrirtækisins sem ekki
hafði verið fjallað um áður.
„Langaði til að gráta“
Snapchat er samskiptamiðill
sem grundvallast á mynd-
skiptum. Notendur deila
með sér myndum og myndböndum sem eyðast
svo jafnharðan nema notendur vilji annað.
Yfirlýsing Spiegel var tilfinningaþrungin og
bar þess merki að vera skrifuð af manni sem
var í senn heitt í hamsi og mikið í mun að
segja eitthvað eftirminnilegt.
„Mig langaði til þess að gráta í allan morg-
un,“ sagði Spiegel snemma í yfirlýsingunni
sem bar titilinn „Að varðveita vandamál“.
„Ég fór í göngutúr og hugsaði mikið. Ég
rakst á einn af kennurunum mínum úr gaggó.
Hún faðmaði mig innilega. Ég þurfti á því að
halda. Það er ekki í lagi að stela leynd-
armálum af öðrum og gera þau opinber.“
Að lokum skrifað Spiegel að starfsmenn
Snapchat væru reiðir og sárir en væru um
leið staðráðnir í að halda áfram baráttu
sinni af tífalt meiri þrótti en áður. Tilkynn-
ingunni lauk svo á innblásnu loforði um að
Snapchat ætlaði sér að breyta heiminum því
þetta væri ekki sú veröld sem fyrirtækið vildi tilheyra.
Jolie „dekurrófa“, DiCaprio „fyrirlitlegur“
Tölvuárásin á Sony hefur valdið miklu fjaðrafoki, bæði
vegna þess upplýsingamagns sem gert var opinbert og
jafnframt vegna þess að fyrirtækið hefur hætt við að
setja kvikmyndina The Interview í sýningar, en talið er
að framleiðsla hennar hafi verið rót þess að ráðist var á
fyrirtækið. Í myndinni fá tveir sjónvarpsmenn, leiknir af
Seth Rogen og James Franco, það verkefni að ráða
Kim Jong-un, leiðtoga Norður-Kóreu, af dögum. Þá
hafa eftirköst árásarinnar smám saman eitrað út frá
sér og gárað gjörvallan kvikmyndaiðnaðinn í Hollywood. Í
einum innanhússtölvupósti sagði áhrifamaður innan fyr-
irtækisins leikkonuna Angelinu Jolie vera „dekurrófu sem
byggi yfir lágmarkshæfileikum“ og einnig var sú skoðun
á stórleikaranum Leonardo DiCaprio sett fram að hann
væri „fyrirlitlegur“ í ljósi þess að hann hefði dregið sig í
hlé frá aðalhlutverkinu í mynd um Steve Jobs.
Svartur Bond og kvendraugabanar
Þá varpa tölvupóstarnir og gögnin áhugaverðu ljósi á
þær stefnur og strauma sem virðast ráðandi í Hollywood
um þessar mundir. Í einum pósti frá Amy Pascal, vara-
stjórnarformanni Sony, kemur fram að leikarinn Idris
Alba eigi að taka við af Daniel Craig sem leyniþjón-
ustumaðurinn James Bond. Þá er væntanleg ný Ghost-
buster-mynd þar sem draugabananir fjórir verða allir
konur. Á hinn bóginn er mikill launamunur ríkjandi milli
kynja innan Sony og af þeim 17 starfsmönnum sem fá
meira en eina milljón dollara í árslaun er aðeins ein
kona.
Stofnandi Snapchat gráti næst
LEYNILEGAR UPPLÝSINGAR UM FJÁRHAG
OG VIÐSKIPTAMÓDEL SNAPCHAT ERU Á
MEÐAL ÞEIRRA GAGNA SEM STOLIÐ
VAR AF SONY. ÞÁ VARPA INNAN-
HÚSS-TÖLVUPÓSTAR FYRIRTÆKISINS
LJÓSI Á ROTIÐ SAMBAND MILLI
STJÓRNENDA ÞESS OG HOLLY-
WOOD-STJARNA.
Halldór A. Ásgeirsson haa@mbl.is
Kvikmyndin The Interview mun ekki fara í sýningar. Þeir gagnrýnendur sem hafa séð myndina hafa ekki bein-
línis ausið hana lofi. Fjölmagir hafa hins vegar krafist þess að myndin verði sýnd í nafni tjáningarfrelsis.
AFP
Mikill glundroði ríkti meðal unglinga sem
alþjóðlegra stórstjarna stuttu fyrir jól þeg-
ar myndskiptamiðillinn Instagram hreinsaði
út milljónir gervireikninga og róbota. Her-
ferðin hefur hlotið nafnið „Instagram
hreinsunin“ og hafði í för með sér að síð-
ur fólks glötuðu þúsundum, í sumum til-
vikum milljónum fylgjenda á einni nóttu.
Hreinsunin var mörgum stjörnum afar
þungbær og sem dæmi má nefna glataði
Justin Bieber um 3,5 milljónum fylgjenda
og hip hop-stjarnan Akon missti um 56%
fylgjenda sinna. Þá missti Kim Kardashian
meira en 1,3 milljónir fylgjenda.
Þeir reikningar sem eytt var af Instagram
voru reikningar sem í sífellu birtu hlekki og
auglýsingar og í flestum tilvikum var um að
ræða reikninga sem lutu stjórn róbota. Int-
ernet-róbotar eru hugbúnaðareiningar sem
framkvæma sjálfvirkt ýmsar aðgerðir og
sérfræðingar hafa haldið því fram að til séu
fleiri róbotar á netinu en fólk á plánetunni.
Vinsældir skapa vinsældir
Mörg netfyrirtæki veita notendum sínum
tækifæri til þess að kaupa sér mikinn fjölda
fylgjenda – að mestu leyti róbota – á sam-
skiptamiðlum á borð við Twitter, Instagram
og Vine til þess að líta út fyrir að vera vin-
sælli en þeir eru í raun. Undirliggjandi
hugsun þess að kaupa sér fylgjendur er að
gervi-vinsældir leiði af sér raunverulegar
vinsældir.
Þessi aðgerð Instagram þýðir að áhættu-
samt getur reynst að fjárfesta í gervi-
fylgjendum. Instagram, sem er í eigu Fa-
cebook, hefur áður viðurkennt að rusl-
póstur sé vandamál á miðlinum.
Talsmaður Instagram sagði að gripið
hefði verið til hreinsunarinnar í kjölfar
kvartana frá notendum. „Við lítum svo á
að upplifun notenda verði meira ekta fyrir
vikið og að samskipti raunverulegs fólks
muni endurspeglast á tærari hátt en áður.“
Það var hins vegar miðillinn sjálfur sem
missti flesta fylgjendur eða um 18 milljónir
talsins.
Instagram sem aðrir samskiptamiðlar
hefur mikla þýðingu fyrir frægt fólk enda
getur það þar að einhverju leyti stjórnað
ímynd sinni út á við gagnvart umheiminum
og aðdáendum sínum. Þá geta vinsælir not-
endur sem eiga marga fylgjendur einnig
fengið greitt fyrir að auglýsingar birtist á
síðum þeirra. Því er ljóst að hreinsunin
mikla á Instagram getur haft víðtæk áhrif
og ekki aðeins valdið því að margir not-
endur sitji eftir með sárt ennið fyrir fram-
an tölvuskjáinn og gráti sína töpuðu fylgj-
endur.
VÍÐTÆK HREINSUN Á INSTAGRAM
Fylgjendurnir hurfu
Instagram er einn stærsti samskiptamiðill heims
í dag með um 300 milljónir notenda.
AFP
Angelina Jolie
fær að finna til
tevatnsins í
tölvupóstunum
sem lekið var.