Morgunblaðið - Sunnudagur - 28.12.2014, Blaðsíða 57

28.12. 2014 MORGUNBLAÐIÐ SUNNUDAGUR 57
EMO1994 á Nýja sviði Borgarleikhússins bbbmn
Eftir Ole Martin Meland í flutningi Íslenska dansflokksins.
„Húmor var rauði þráðurinn í verkinu, en þrátt fyrir það var
alvarlegur undirtónn sem gerði danssmíðina enn áhugaverðari.
Verkið var vel uppbyggt, ólíkir kaflar tvinnuðust saman á ein-
stakan hátt, þar sem hljóðmyndin spilaði stórt hlutverk. Það
tók dálítinn tíma að koma sér inn í verkið sem hefði því jafnvel
mátt vera ögn lengra.“
ALVARLEGUR UNDIRTÓNN Í ÁHUGAVERÐU VERKI
„Verkið [var] kynnt sem fyrirlestur um jaðarsöngleiki, sem er það listform sem Shalala-hópurinn
hefur þróað,“ sagði Margrét m.a. í umsögn um dansverkið A Lecture on Borderline Musicals.
Ljósmynd/Jeaneen Lund
Danssýningar ársins
ÞEGAR LITIÐ ER Á ÞÁ GAGNRÝNI SEM DANSRÝNIR MORGUNBLAÐSINS,
MARGRÉT ÁSKELSDÓTTIR, HEFUR SKRIFAÐ Á LIÐNU ÁRI MÁ SJÁ AÐ
BESTU SÝNINGARNAR BJÓÐA UPP Á DJARFA HUGMYNDAFRÆÐI OG
EFNISTÖK AUK ÞESS SEM FJALLAÐ ER UM FIRRINGU NÚTÍMASAMFÉLAGS-
INS OG INNRI ÞJÁNINGU ÞÓ HÚMORINN SÉ ALDREI LANGT UNDAN.
Baldursbrá, ævintýraópera eftir Gunnstein Ólafsson
og Böðvar Guðmundsson í konsertuppfærslu í Lang-
holtskirkju 9. júlí bbbbm
Fjóla Nikulásdóttir s., Eyjólfur Eyjólfsson t., Jón Svavar Jósefsson
bar. og Davíð Ólafsson b. Stjórnandi Gunnsteinn Ólafsson.
„Það er sjaldgæft, svo ekki sé meira sagt, að heyra jafn-
augljóslega innblásið og heiðtært tónverk sem ber jafnsterka
vísbendingu um varanlegt endingargildi þegar við fyrstu heyrn.“
AF GRAS- OG DÝRBÍTUM
„Túlkunin var einfaldlega með því allra bezta sem ég man eftir úr 35 ára gagnrýnni reynslu.“
Morgunblaðið/Árni Sæberg
Klassískir tónleikar ársins
ÞEGAR HORFT ER YFIR ÞÁ GAGNRÝNI SEM KLASSÍSKUR TÓNLISTARRÝNIR
MORGUNBLAÐSINS, RÍKARÐUR ÖRN PÁLSSON, HEFUR SKRIFAÐ Á
ÁRINU SEM SENN ER AÐ LÍÐA FER EKKI MILLI MÁLA AÐ HARPA TREKKIR
AÐ FREMSTU TÓNLISTARMENN OG HLJÓMSVEITIR HEIMS.
Sinfóníuhljómsveit Torontoborgar í Hörpu 24. ágúst bbbbb
Tsjækofskíj: Fiðlukonsert í D Op. 35. Vivier: Orion (1979). Rakhmaninoff:
Sinfónískir dansar Op. 45. James Ehnes fiðla. Stjórnandi: Peter Oundjian.
„Fiðlukonsert Tsjækofskíjs […] var í framúrskarandi höndum kanadíska
einleikarans James Ehnes, er fór jafnt með fingurbrjótafjöldann sem syngj-
andi innileik verksins eins og að drekka vatn. [… hyllingu á fæti] hlutu
TSO og stjórnandi hennar síðan frá blístrandi þakklátum áheyrendum að
loknu verki Rakhmaninoffs eftir hlé, og ekki að sökum að spyrja“
KANADAMENN Í TOPPFORMI
Sinfóníutónleikar í Eldborg Hörpu á Listahátíð í Reykjavík
23. maí bbbbb
Mahler: Sinfónía nr. 3. Jamie Barton mezzós., Vox feminae og Stúlkna-
kór Reykjavíkur. Stjórnandi: Osmo Vänskä.
„Allt þetta sagði mér að Mahler ætti líklega meira erindi við mig
en ég hélt. Þ.e.a.s. í réttum höndum – og þar var Osmo Vänskä tví-
mælalaust fremstur meðal jafningja. Mér er satt að segja til efs hvort nokkur hafi skilað glæsi-
legri árangri í samanlagðri sögu hljómsveitar allra landsmanna. Enda var honum og flytjendum
fagnað að verðleikum með standandi lófataki.“
NÁTTÚRUSINFÓNÍA MAHLERS Í ÆÐSTA VELDI
Sinfóníutónleikar í Eldborg Hörpu 8. maí bbbmn
Rakhmanínoff: Dauðraeyjan. Mússorgskíj: Söngvar og dansar dauð-
ans. Brahms: Sinfónía nr. 1 í c. Ólafur Kjartan Sigurðarson bar. og Sin-
fóníuhljómsveit Íslands. Stjórnandi: Vladimir Ashkenazy.
„… var ekki annað að heyra en að [Ólafur Kjartan] nyti ómvist-
arinnar fram í fingurgóma. […] Heiðrík túlkun Ashkenazys sneiddi
blessunarlega hjá tízkuviðleitni til að sýna „nýja hlið“ á [verki
Brahms] með t.a.m. öfgakenndu hraðavali líkt og stundum heyrist.
Eftir stóð ómenguð perla öllum til óblandinnar ánægju.“
AF ÓDAUÐLEGUM DAUÐA
Einleikstónleikar í Eldborg Hörpu á Listahátíð í Reykjavík
29. maí bbbbm
Verk eftir Brahms, Ravel, Chopin og Stravinskíj. Khatia Buniatishvili píanó.
„Eiginlega var hvergi dauðan punkt að finna í gjörvallri dagskránni.
Buniatishvili hélt hlustendum sínum á stöðugum nálum frá byrjun til
enda […] ekki aðeins nutu dreymandi unaður jafnt sem drynjandi fít-
onskraftur sín til fullnustu af gagnkvæmum andstæðum, heldur gat einn-
ig að heyra gegnmúsíkalska mótun á jafnt söngrænum augnablikum sem
í trommusveiflandi hrynseið – og allt tandurskýrt, sama hvað á gekk!“
BLÍÐUHÓT OG BYLMINGSHÖGG
A Lecture on Borderline Musicals í Tjarnarbíói
Eftir Ernu Ómarsdóttur og Valdimar Jóhannsson sem skipa hópinn Shalala.
„Verkið byggðist á greiningu á fyrri verkum hópsins, sett fram á fyr-
irlestrarformi þar sem persónur og örsenur úr eldri verkum voru kynntar.
Hugmyndafræðin og efnistökin voru mjög djörf, verkið krafðist krappra
skiptinga þar sem tveir sýnendur brugðu sér í mörg gervi. Allt gekk þetta
þó fullkomlega upp og Erna Ómarsdóttir sýnir enn og aftur sínar mögn-
uðu hliðar.“
ERNA SÝNIR ENN OG AFTUR SÍNAR MÖGNUÐU HLIÐAR
Blind Spotting í Tjarnarbíói
Eftir Margréti Söru Guðjónsdóttur.
„Eins og í fyrri verkum Margrétar tekur verkið á tilfinningum,
firringu nútímasamfélags og innri þjáningu. Hæg framvindan og
samskiptaleysi dansaranna skapa innri spennu. Áhorfendur fá
að gægjast inn í persónulegt rými flytjendanna sem virðast þjak-
aðir af þögn. Þrátt fyrir krefjandi stöður virðast grannir lík-
amarnir þjakaðir af þyngslum og þreytu.“
SAMSKIPTALEYSI SKAPAR INNRI SPENNU
Wilhelm Scream í Kassa Þjóðleikhússins
Eftir Ingu Huld Hákonardóttur og Rósu Ómarsdóttur.
„Verkið fjallar um samband hljóðs og hreyfingar. Verkið hófst
í algjöru myrkri, furðuleg hljóð sem erfitt var að staðsetja bár-
ust frá sviðinu. Myrkrið var snjöll leið til þess að koma áhorf-
endum inn í þemað og fá þá til þess að veita hljóðunum athygli.
[…] Þetta var létt og skemmtilegt verk sem hæfir öllum aldurs-
hópum.“
FURÐULEG HLJÓÐ Í MYRKRI
Meadow á Nýja sviði Borgarleikhússins bbbmn
Eftir Brian Gerke í flutningi Íslenska dansflokksins.
„Það voru þó margar fallegar senur í verkinu sem vöktu lófa-
klapp viðstaddra og má þar nefna fyrsta sóló Katrínar Á. John-
son, enda gaman að sjá hana dansa með flokknum eftir nokk-
urra ára hlé. Tónlist verksins var vel valin og ýtti hún undir
súrrealíska stemningu þessa brenglaða ævintýralands sem
minnti helst á söguna um Lísu í Undralandi.“
SÚRREALÍSK STEMNING Í BRENGLUÐU ÆVINTÝRALANDI