Morgunblaðið - Sunnudagur - 28.12.2014, Blaðsíða 30

Matur
og drykkir
Granatepli færa gæfu
*Um víða veröld er því trúað að ýmiss konarfæða færi fólki gæfu og þá skiptir mestu máliað þessar ákveðnu fæðutegundir séu snædd-ar á gamlárskvöld. Í matarboðinu hér á næstusíðum eru granatepli notuð til skreytingar íýmsa rétti en í Tyrklandi er það að borðagranatepli talið færa fólki hamingju, ríkidæmi
og góða heilsu. Það síðastnefnda hefur
reyndar verið vísindalega sannað.
H
ópurinn sem ég bauð heim sam-
anstendur af vinkonum héðan
og þaðan, sumar okkar hafa
verið vinkonur til margra,
margra ára,“ segir Íris Guðmundsdóttir
flugfreyja en þar að auki á vinkvenna-
hópurinn það sameiginlegt að vera allur úr
Hafnarfirði.
Íris er þekkt fyrir stórkostlegar mat-
arveislur og það kemur í ljós að þótt hún
starfi ekki við það í dag er hún menntað-
ur heimilisfræðikennari.
„Mig langaði að hafa þetta standandi
boð og vann þetta svona út frá því en
þetta var áramótaboð með jólalegu ívafi.
Ég útbjó því ýmiss konar smárétti sem
henta vel til að hafa á borðum við þau
tímamót.“
Íris er fagurkeri fram í fingurgóma og
á eftirtektarvert jólaskraut sem setti
skemmtilegan svip á matarboðið. Þannig
má nefna að sashimi kvöldsins var borið
fram í eins konar jólasveinaglösum.
„Ég hafði alls ekki prófað alla þessa
rétti áður, en þegar ég setti saman mat-
seðilinn hafði ég ekki síður í huga að
maturinn liti fallega út en að réttirnir
brögðuðust vel en það kom á daginn að
þeir voru mjög ljúffengir.“
Íris segir erfitt að velja á milli hvaða
réttur hafi staðið upp úr en viðurkennir
þó að botninn á humarsúpupottinum hafi
nánast verið sleiktur.
„Vissulega er tímafrekara að bjóða upp
á marga rétti en mér fannst gaman að
búa þetta til, matseld er mitt jóga og ég
hef alltaf haft ótrúlega mikinn áhuga á
mat, og þá mat fremur en bakstri og eft-
irréttum sem ég er ekki eins gefin fyrir.“
Íris og systir hennar hafa skipst á að
bjóða heim á gamlárskvöld og skipta með
sér verkum þannig að það árið sem önnur
sér um matseðilinn við aðalborðhaldið tek-
ur hin að sér að útbúa snarlið og matinn
sem er borinn fram síðar um kvöldið með-
an verið er að horfa á Skaupið og hafa
gaman. Nú í ár sér Íris einmitt um par-
tímatinn svo að þetta var góð æfing að
gera eitt slíkt boð tveimur vikum áður en
kemur að stóra kvöldinu.
Á Íris að lokum góð ráð fyrir þá sem
langar að hafa svipað boð og hennar á
gamlárskvöld?
„Ég ráðlegg fólki að passa að hafa ekki
of margar tegundir. Mér finnst þá útlitið
líka alltaf skipta miklu máli. Maður borðar
ekki síður með augunum og þegar rétt-
irnir eru fallegir á að líta kemst maður
upp með ansi margt; fallega skreytt súpu-
skál gefur þá tilfinningu að maturinn sé
enn betri en hann er!“
Íris og vinkonur hennar voru fram eftir
öllu kvöldi í gleðinni og sagði Íris kvöldið
hafa heppnast með eindæmum vel.
Morgunblaðið/Árni Sæberg
Hópurinn samanstóð af hafnfirskum og afar hressum vinkonum.
ÓTAL SMÁRÉTTIR HJÁ ÍRISI GUÐMUNDSDÓTTUR
Standandi
áramótastuð í
Hafnarfirði
Gestir frá vinstri: Íris Guðmundsdóttir,
Ólöf Guðjónsdóttir, Berglind Guðmunds-
dóttir, Rannveig Klara Matthíasdóttir,
Unnur Lára Bryde, Andrea Magnúsdóttir,
Ólöf Baldursdóttir, Ebba Særún Brynj-
arsdóttir, Hrund Eðvardsdóttir, Erla Hjart-
ardóttir, Helena Björk Magnúsdóttir, Sig-
ríður Anna Sigurðardóttir og Þóra Lind.
ÍRIS GUÐMUNDSDÓTTIR KANN AÐ HALDA VEISLUR OG HÉLT
ÁN EFA EITT FLOTTASTA STANDANDI VEITINGAPARTÍ ÁRSINS.
Júlía Margrét Alexandersdóttir julia@mbl.is
* „Þetta var áramóta-boð með jólaleguívafi og ég útbjó því ýmiss
konar smárétti sem henta
vel til að hafa á borðum á
þeim tímamótum.“