Ský - 01.02.2007, Blaðsíða 49
Bríet Bjarnhéðinsdóttir
Klappið fyrir Bríeti Bjarnhéðinsdóttur sem 1887 varð fyrst kvenna
á Íslandi til að halda opinberan fyrirlestur um stöðu kvenna! Árið
1895 stofnuðu hún og maður hennar Kvennablaðið, mánaðarrit
sem undir ritstjórn Bríetar varð málgagn fyrir kosningarétti kvenna.
Bríet hélt áfram að ritstýra blaðinu eftir lát manns síns en sigldi
síðan til Kaupmannahafnar 1906 og komst í samband
við leiðandi kvenréttindakonur þar. Þegar hún kom
heim stofnaði hún Kvenréttindafélag Íslands. Í
bæjarstjórnarkosningunum 1908 skipulagði hún
fyrsta kvennalistann í Reykjavík sem vann fjögur
af fimmtán sætum. Bríet lést 1940 en fagnaði
örugglega í gröfinni þegar Vigdís Finnbogadóttir
var fyrst kvenna kjörin forseti Íslands – og fyrst
kvenna í heiminum til að vera kjörin forseti.
Kók
Þessi dísæta sæla í aflöngu flöskunni hefur seytlað um öll lönd heims. Og þökk sé Birni Ólafssyni þá lenti
Coca-Cola á skerinu 1. júní 1942 þegar fyrsta áfyllingarverksmiðjan var opnuð á Íslandi. Fjórtán manns
unnu í verksmiðjunni sem framleiddi 12 þúsund flöskur á dag. Drykkurinn var orðinn svo vinsæll 1949 að
verksmiðjan varð að fjárfesta í nýjum vélum og tvöfalda framleiðsluna. Tíu árum síðar var mögulegt að
tvöfalda framleiðsluna enn og unnu þar þá sextíu starfsmenn. Árið 1974 fór verksmiðjan að fylla á eins lítra
risaflöskur svo neytendur gætu drukkið enn meira af fljótandi sykrinum en áður. Í dag framleiðir verksmiðjan
um 70 þúsund flöskur á klukkustund - svo drekkið í botn!
Sykurmolarnir
Undir forsöng stelpulegu raddar-
innar hennar Bjarkar, sem
hefur síðan orðið að íslensku
lukkutrölli, komst íslensk tónlist
á stall um allan heim: skondnir
popphljómar Sykurmolanna
fóru fyrst að heyrast í Reykjavík
og síðan í útlöndum með fyrstu
smáskífunni þeirra, Afmæli.
Hljómsveitin leystist upp
1992 en plötufyrirtæki þeirra,
Smekkleysa, er enn að. Við
metaðsókn hrifinna áheyrenda
kom hljómsveitin aftur saman
í fyrsta sinn í nóvember síðast-
liðnum. Ágóðinn rann til
Smekkleysu sem er rekin til að
styðja íslenska listamenn en ekki
til að skila hagnaði.
ský 49
Hetjur