Ský - 01.02.2007, Blaðsíða 9
ský 9
Óhætt er að segja að heimildamyndin Þetta er ekkert mál, um Jón Pál Sigmarsson aflraunakappa, hafi
fallið vel í landsmenn. Myndin sló
aðsóknarmet í sínum kvikmyndaflokki og
nú er stefnt á erlendan markað með sögu
þessa frækna kappa sem vann sig inn í hug
og hjörtu þjóðarinnar.
Kvikmyndin um ævi sterkasta manns
heims var aðsóknarmesta heimildamynd sem
gerð hefur verið hér á landi. Hátt í tólf
þúsund manns sáu myndina í bíó og um sex
þúsund eintök hafa selst af henni á DVD-
mynddiski. Kvikmyndataka og leikstjórn var
í höndum Steingríms Jóns Þórðarsonar sem
sá einnig um handritagerð ásamt Hjalta
(Úrsusi) Árnasyni.
Ólst upp við Breiðafjörðinn
Í myndinni er lífshlaup Jóns Páls rakið, sem
lést langt um aldur fram eins og flestir vita,
en færri kunna skil á ævi kappans áður en
hann komst í sviðsljósið fyrir eftirtektarverð
afrek sín sem aflraunamaður.
Jón Páll Sigmarsson fæddist 28. apríl árið
1960 á Sólvangi í Hafnarfirði en foreldrar
hans höfðu slitið samvistum fyrir fæðingu
hans. Tveggja ára gamall flyst hann með
móður sinni og fósturföður í Stykkishólm en
var yfir sumartímann í Skáleyjum hjá
foreldrum fósturföður síns. Hann ólst upp
við Breiðafjörð og var ekki gamall þegar
hann tók þátt í flestum hefðbundnum
búnaðarstörfum í Skáleyjum en kunnugir
segja að umhverfið og hugsunarháttur þess
tíma hafi fljótt mótað drenginn.
Þegar Jón Páll komst á unglingsárin
fluttist fjölskyldan til höfuðborgarinnar og
árið 1975 sér Jón Páll auglýsingu frá sænska
frystihúsinu um lyftinganámskeið og þar
með hófst fræg ðarferill
hans sem vaxtarræktar-,
kraftlyftinga- og aflrauna-
manns.
Sterkur og sjarmerandi
Jón Páll vann sín fyrstu gullverðlaun í
ólympískum lyftingum á Meistaramóti KR
árið 1978. Árið eftir vinnur hann silfur-
verðlaun á Íslandsmótinu í kraftlyft ingum
og nokkrum árum síðar vinnur hann
gullverðlaun jafnt á Norðurlanda- sem og
Evrópumóti í kraftlyftingum. Þrisvar sinnum
varð hann Íslandsmeistari í vaxtarrækt og
vann sem kunnugt er keppnina um sterkasta
mann heims fjórum sinnum.
Hann komst einatt í fjölmiðla fyrir líflega
og hnyttna framkomu og fyrir það er hann
minnisstæður í hugum margra. Fáir vita
sennilega að hann lék aukahlutverk í
kvikmyndinni Bull´s Eye þar sem
stórstjörnurnar Roger
Moore og Michael Caine
fóru með aðalhlutverkin.
Jón Páll komst í heimsmetabók
Guinness fyrir að lyfta stærstu
viskíflösku í heimi í London sem
framleidd var í tilefni af 100 ára afmæli
Grant-fyrirtækisins.
Jón Páll lést 6. janúar árið 1993 úr
hjartabilun langt um aldur fram og varð
mörgum harmdauði. Á síðastliðnu ári var
hann kosinn íþróttamaður aldarinnar af
þjóðinni í Gallup-könnun svo ljóst er að Jón
Páll Sigmarsson lifir enn sterkt í hugum
þjóðarinnar.
„Sakna hans enn sem góðs
vinar“
Fyrrum sambýliskona Jóns Páls og
barnsmóðir, Ragnheiður Jónína Sverrisdóttir
(Jonna), minnist hans á hugljúfan hátt. Þó
Ekkert mál fyrir Jón Pál!
Texti: Erla Gunnarsdóttir Myndir: †msir
HETJAN
SEM GLEYMIST EKKI
Ekkert mál