Ský - 01.02.2007, Blaðsíða 59

ský 59
og í stað þess að skammast að vinna með
krökkunum og benda þeim á hætturnar. Það
á ekki að gefa upp símanúmer, ekki að gefa
upp hvaða skóla þau eru í og foreldrar þurfa
að vita við hvern þau eru í sambandi.“
Þegar blaðamaður hitti Sverri að máli var
staddur hjá EJS Eoin Ferrer, sérfræðingur
í öryggismálum hjá Websense, sem EJS er
í samstarfi við. Websense er langstærst í
heiminum í að skanna vefsíður á Netinu
og skannar rúmlega 600 milljónir vefsíðna
á viku hverri og hefur Websense hjálpað
EJS við að koma ákveðnum böndum á
netnotkunina og með hjálp þess er nú hægt
að loka á hættuleg svæði. Hugbúnaður frá
Websense gerir ráð fyrir því að hættan hafi
færst að miklu leyti úr tölvupósti, þar sem
fólk fær viðhengi sem smellt er á, sem getur
ógnað örygginu við það að fara í gegnum
Netið. Eoin Ferrer telur að miklar breytingar
hafi orðið á síðustu árum: „Áður fyrr voru
þeir tölvuþrjótar sem við eltumst við ungir
strákar, sem við kölluðum oft tölvunörda.
Í dag er umhverfið allt öðruvísi. Skipuleg
glæpastarfsemi á sér stað á Netinu, sem
getur verið mjög hættuleg, og hjá Websense
erum við með margt í gangi varðandi þessi
mál. Segja má að glæpabylgja gangi yfir og
mjög erfitt er að stöðva hana og átta sig á
hverjir standa á bak við slíka starfsemi. Það
er því nauðsynlegt að fólk geri sér grein fyrir
hættunni sem það er í þegar vafrað er um
netið. Þessi hætta á aðeins eftir að aukast og
það verður sífellt erfiðara fyrir einstaklinginn
að vita hvað er öruggt og hvað er ekki.“
Dulbúnar hættur
„Varðandi netsíður sem verið er að skoða,
þá geta þær reynst hættulegar án þess að
viðkomandi viti af því,“ segir Sverrir. „Þessi
starfsemi er á bak við tjöldin og það er verið að
nýta sér galla, meðal annars í Internet Explorer
sem mest er veist að, þar sem Microsoft er
langstærsti hugbúnaðarframleiðandinn og
er þar af leiðandi í flestum tölvum. Um leið
og vefsíðan er kominn á skjáinn er verið að
ná í kóða sem keyrður er upp án vitundar
notandans og sækir jafnvel síðan annan
kóða, og þá er komið eitthvað inn í tölvuna
sem mögulega getur safnað upplýsingum, fer
jafnvel að stjórna vélinni og ekkert er hægt
að gera. Eldveggurinn stöðvar þetta oft ekki
þar sem í mörgum tilfellum er um „lögmæta“
veftraffík að ræða og þessi samskipti eru oft
dulbúin sem hefðbundin veftraffík.
Að verjast slíkum árásum er erfitt og því er
fræðsla um hættuna oft besta vörnin. Það má
þó ekki draga úr mikilvægi þess að uppfæra
stýrikerfi tölvunnar þegar það á við og hafa
hana uppsetta með eldvegg og vírusvörn sem
einnig er uppfærð reglulega. Ef við tökum
síðan börnin okkar, sem eru oft mun klárari
en foreldrarnir á tölvu, þá er líka gríðarlega
mikilvægt að bæði kennarar og samtök komi
að þessu máli og sjái um að kenna krökkum
rétta hegðun varðandi Netið. Þetta er það
sama og að ala krakkana upp í að hegða sér
á ákveðinn hátt gagnvart umhverfinu og
öðrum einstaklingum; á sama hátt þarf að
kenna þeim hegðun gagnvart Netinu.
Varðandi amapóst má benda fólki á að
gefa ekki upp aðalnetfang
sitt þegar það skráir sig á hinar og þes
sar vefsíður eða kaupir
eitthvað á netinu, heldur nota eitthvert
sérnetfang í slíkt.
Það eru líka ákveðin atriði sem koma o
ft upp um svokallaðan
svindlpóst sem ætlað er a› svindla á fó
lki:
• Þú veist ekki hver sendi þér tölvupóstin
n
• Þér eru lofað peningum fyrir litla sem e
nga vinnu
• Þú ert beðin(n) um að borga eitthvað fyr
irfram til að fá eitthvað til baka
• Þú ert beðin(n) um persónuupplýsingar,
s.s. bankareikningsnúmer,
jafnvel vegabréfsupplýsingar o.fl.
• Þú ert beðin(n) um hröð viðbrögð
• Þú ert beðin(n) um að halda þessu leynd
u
EJS býður upp á mikið úrval af hug-búnaði í verslun sinni að Grensásvegi 10.
Grensásvegi 10, Reykjavík , sími 563 3000, fax 568 8487
Tryggvabraut 10, Akureyri, sími 463 3000, fax 463 3001
Netfang: www.ejs.is
sky
,