Ský - 01.02.2007, Blaðsíða 50
50 ský
Stutt og laggott
Fyrsta flugið
Flugfélag Íslands, fyrsta íslenska flugfélagið,
var stofnað í Reykjavík 1919, átta árum áður en
bandaríski flugmaðurinn Charles Lindbergh flaug einn
og linnulaust yfir Atlantshafið. Flugfélagið var þó
skammlíft, bauð aðeins upp á útsýnisflug í tvö sumur.
Flugfélag Íslands var svo stofnað aftur í maí 1928 og
í júní var fyrsta farþegaflugið farið, frá Reykjavík til
Akureyrar með viðkomu á Ísafirði og Siglufirði. Í júní
1937 var Flugfélag Akureyrar stofnað sem síðan varð
Flugfélag Íslands. Agnar Kofoed-Hansen var fyrsti
framkvæmdastjóri þess og flugmaður. Hann er almennt
talinn helsti frumkvöðull félagsins og sá sem hóf flug
til landsins.
Guðrún Jónsdóttir
Fyrir tæpum tuttugu árum datt Guðrúnu Jónsdóttur í hug að hafa opna línu
í tvö kvöld til að safna upplýsingum um kynferðislegt ofbeldi á Íslandi. „Til
að gera langa sögu stutta, þá loguðu línurnar,“ segir Guðrún Jónsdóttir,
talsmaður Stígamóta. Síðar sama ár voru fyrstu stuðningshóparnir stofnaðir
til að taka á kynferðislegu ofbeldi og sifjaspellum. Á kvennadaginn 8. mars
1990, voru Stígamót opnuð, athvarf fyrir þá sem hafa orðið fyrir kynferðislegu
ofbeldi. Athvarfinu var komið á fót fyrir atbeina nokkurra femínistahópa um allt
land. Síðan þá hefur athvarfið tekið á móti 4.233 einstaklingum. Á síðasta ári
einu saman komu þar 543 manns sem svarar til 2.042 aðhlynningarstunda.
Eiður Smári Guðjohnsen
Ekki sem verst fyrir krakka að norðan, sagði Eiður Smári
Guðjohnsen um feril sinn í viðtali.
Nei, alls ekki sem verst. Íslenski landsliðsmaðurinn
hóf leik hjá Evrópumeisturunum Barcelona sumarið
2006. Viku eftir viku sýnir þessi 28 ára sóknarmaður
hæfileika sína á einum af stærstu knattspyrnuvöllum
heims sem tekur 110 þúsund manns. Í meistaradeildarleik
í nóvember síðastliðnum skoraði Eiður Smári mark gegn
fyrrum liði sínu Chelsea (sem í tvö ár í röð sigraði í
ensku úrvalsdeildinni með hjálp Eiðs Smára) í leik sem
endaði 2-2.