Morgunblaðið - Sunnudagur - 01.02.2015, Page 20

20 MORGUNBLAÐIÐ SUNNUDAGUR 1.2. 2015
Ferðalög og flakk
V
ið fórum til að skoða og upplifa og
náðum því svo sannarlega á þess-
um fjórum vikum,“ segir Steinar
Birgisson, tryggingasali og fyrrver-
andi landsliðsmaður í handbolta, en hann
heimsótti Suður-Ameríku í fyrsta skipti í júlí
á síðasta ári ásamt sambýliskonu sinni,
Monique van Oosten.
Monique hafði heldur ekki komið á þessar
slóðir og segir að þau hafi náð að gera
glettilega margt á stuttum tíma. „Þetta var
mjög skemmtileg ferð og tíminn ótrúlega
fljótur að líða,“ segir Monique en þau heim-
sóttu Chile, Perú og Brasilíu.
Tilgangurinn með ferðinni var að sækja
dóttur Monique, Berglindi Möller, en hún hafði
þá dvalist sem skiptinemi í Chile í heilt ár.
Monique og Steinar flugu til Santiago, höf-
uðborgar Chile, gegnum Amsterdam og Bue-
nos Aires. Leigðu þar bíl og óku sem leið lá
til borgarinnar Linares, þar sem Berglind
var. Um fjögurra klukkustunda akstur. Ekki
byrjaði ferðalagið vel því lögregla stöðvaði
þau á leiðinni, þótti Steinar hafa gengið full-
harkalega fram gagnvart bensíngjöfinni.
„Þetta var ekkert stórmál, þeir sáu að ég
var túristi og slepptu mér með áminningu,“
rifjar hann upp skömmustulegur.
Hvergi séð fleiri apótek
Fósturfjölskylda Berglindar býr á stórum
búgarði í nágrenni Linares og var gestunum
tekið með kostum og kynjum. Næstu daga
fengu Monique og Steinar leiðsögn um borg-
ina og héraðið, sem kallast Maule. Það vakti
athygli þeirra að rimlar eru víða fyrir hurð-
um og gluggum. Þá búa ríkir og fátækir víða
hlið við hlið. „Linares er skemmtileg borg og
þar úir og grúir af pínulitlum búðum með
nytjavörur,“ segir Steinar og Monique bætir
við að hún hafi hvergi séð eins mikið af apó-
tekum.
Maule er mikið vínræktarhérað og að
sjálfsögðu var farið með hina íslensku gesti
í vínsmökkun á einni ekrunni. „Einnig var
farið með okkur á fína veitingastaði, í sund
og spa og eitt kvöldið í spilavíti. Þá fór
heill dagur í að skoða búgarðinn,“ segir
Steinar.
Vetur ræður ríkjum í Chile á þessum árs-
tíma og var hitastigið ekki nema 8-10 gráður
á daginn, meðan sólarinnar naut við. Kaldara
á kvöldin. Janúar er heitasti mánuður ársins.
Berglind kunni afar vel við sig í Linares
og á þar góða vini sem hún heimsótti aftur
nú um jólin.
Áður en þau yfirgáfu Chile heimsóttu þau
líka borgirnar Valparaíso og Viña del Mar í
Valparaíso-héraði.
Ískyggileg umferð
Næst lá leiðin til Perú. Flogið var til höf-
uðborgarinnar Lima, eða Limu eftir því
hvernig menn vilja beygja orðið. Við skulum
halda okkur við Limu. Spurð hvað hafi sætt
mestum tíðindum þar nefna Monique og
Steinar bæði umferðina. Hún sé ískyggileg
og frumskógarlögmálið bersýnilega í gildi.
ÞEYSIREIÐ UM SUÐUR-AMERÍKU
Fann húsið sem hann var staddur í
SAMBÝLISFÓLKIÐ STEINAR BIRGISSON OG MONIQUE VAN OOSTEN FÓR Í MIKLA ÆVINTÝRAFERÐ TIL SUÐUR-AMERÍKU Í FYRRA OG DÓTTIR MONIQUE,
BERGLIND MÖLLER, SLÓST Í FÖR MEÐ ÞEIM EN HÚN VAR ÞÁ AÐ LJÚKA ÁRSDVÖL Í CHILE SEM SKIPTINEMI. ÞAU HEILLUÐUST UPP ÚR SKÓNUM.
Orri Páll Ormarsson orri@mbl.is
Steinar og Monique
í strandbænum Viña
del Mar í Chile.
Ekkert bensín, takk.
Þann 20. febrúar kemst einn heppinn áskrifandi Morgunblaðsins í samband við Volkswagen e-Golf.