Morgunblaðið - Sunnudagur - 01.02.2015, Qupperneq 32

É
g er svo heppin að eiga margar frábærar vinkonur og þessar fjór-
ar sem komu heim eru úr ólíkum áttum,“ segir Eva Laufey Kjar-
an Hermannsdóttir sem bauð heim í ítalskt matarboð.
Vinkonur hennar eru úr ýmsum áttum. Gunnhildi Gunn-
arsdóttur og Guðrúnu Sóleyju Gestsdóttur kynntist hún í háskólapólitík-
inni í Háskóla Íslands, Elínu Eddu Angantýsdóttur kynntist hún á flug-
freyjunámskeiði áður en Eva Laufey byrjaði að vinna hjá Icelandair og
Fríða Ásgeirsdóttir er vinkona hennar úr menntaskóla. „Við náum allar
mjög vel saman og það var afar skemmtileg blanda að bjóða þeim í mat
og eiga góða stund saman.“
Eva Laufey ákvað að hafa kvöldið ítalskt en hún er mikill aðdáandi
ítalskrar matargerðar. Hún segir matseðilinn líka bjóða upp á að fólk
leyfi sér að fara hægt í sakirnar, njóti rólegra stunda og melti vel fyrir
næsta rétt.
„Kvöldið heppnaðist einstaklega vel, þegar félagsskapurinn er góður er
í raun ekkert sem getur klikkað. Það er bara plús ef maturinn lukkast
vel.“
Eva Laufey hefur undanfarin ár
vakið mikla athygli fyrir fallegt og
metnaðarfullt matarblogg en bráð-
lega ríður hún á vaðið með sjón-
varpsþátt, Matargleði Evu, sem
sýndur verður á Stöð 2. Hún segist
alla jafna vera dugleg að bjóða heim
og lítur á það sem hluta af því að
skapa góðar minningar.
„Hvert matarboð er ólíkt öðrum
og eldhúsið hefur verið á hvolfi þegar gestirnir hringdu bjöllunni. Eftir
það boð hef ég reynt að vera skipulögð en besta reglan sem ég er búin að
temja mér er að leggja alltaf á borð kvöldið áður. Þá losna ég við allt
stress og það virðist allt svo áreynslulaust þegar gesti ber að garði. Þó
aðmaður hafi verið sveittur fimm mínútum áður en þau komu þá er alltaf
búið að dekka upp. Það er besta húsfreyjuráðið! Ég tók þetta upp eftir að
ég sá að tengdamóðir mín er gjörn á að gera þetta með góðum árangri.
Mér finnst einnig matarboðin þar sem ég fæ gestina til að taka þátt í
matseldinni mjög skemmtileg, svo sem í sushi og mexíkóskri matargerð
þar sem við vinirnir skiptum niður verkum. Að sjálfsögðu blöðrum við á
meðan við eldum og njótum. Þetta er auðvitað allt gert í þeim tilgangi að
njóta.“
Skál í boðinu. Eva Laufey bjó lengi á Akranesi en býr nú í Vesturbæ Reykjavíkur.
Með ítalska brauðinu focaccia
bar Eva Laufey fram úrval osta.
„Fallegur ostabakki er ávísun á
góða samverustund. Það er fátt
notalegra en að spjalla við
skemmtilegt fólk og narta í ljúf-
fenga osta á meðan. Ég ákvað
að bjóða upp á ostabakka í for-
rétt og það kom mjög vel út og
það gaf tóninn fyrir þetta góða
kvöld. Ég fór í Sælkerabúðina á
Bitruhálsi og fékk aðstoð við að
velja osta sem myndu passa
sem forréttur.“
VINKVENNAHÓPUR HITTIST Í VESTURBÆNUM
Ítalskt boð
Evu Laufeyjar
* Hvert matar-boð er ólíktöðrum og eldhúsið
hefur verið á hvolfi
þegar gestirnir
hringdu bjöllunni.
EVA LAUFEY KJARAN HERMANNSDÓTTIR BAUÐ VINKON-
UM HEIM Í ÞRÍRÉTTAÐA ÍTALSKA MÁLTÍÐ.
Júlía Margrét Alexandersdóttir julia@mbl.is
32 MORGUNBLAÐIÐ SUNNUDAGUR 1.2. 2015
Matur og drykkir
Ítalskar kjötbollur í ljúffengri pastasósu
SÓSAN
2-3 hvítlauksrif, marin
½ laukur, smátt skorinn
2 dósir hakkaðir tómatar
4 dl vatn
½ kjúklingateningur
1 msk. fersk steinselja, smátt
söxuð
1 msk. fersk basilíka, smátt
söxuð
1 tsk. agavesíróp
salt og pipar eftir smekk
Hitið olíu við vægan hita í potti,
steikið lauk og hvítlauk í olíunni í 1-2
mínútur. Bætið vatninu, kjúklinga-
teningnum, steinseljunni, basilíkunni,
tómötunum og agavesírópinu út í og
kryddið. Leyfið sósunni að malla við
vægan hita meðan kjötbollurnar eru
útbúnar. Gott er að nota töfra-
sprota eða matvinnsluvél til að
mauka sósuna en þess þarf ekki.
KJÖTBOLLUR
500 g nautahakk
500 g svínahakk
1 dl brauðrasp
1 laukur, smátt skorinn
3 hvítlauksrif, marin
3 msk. fersk steinselja, smátt
söxuð
1 msk. fersk basilíka, smátt
söxuð
2 msk. rifinn parmesanostur
1 egg, létt pískað
salt og pipar eftir smekk
smá hveiti
góð ólífuolía
Blandið öllu vel saman í skál nema
hveitinu og ólífuolíunni. Mótið boll-
ur úr deiginu, veltið þeim upp úr
smá hveiti og leggið þær á bökunar-
pappír á ofnplötu. Sáldrið ólífuolíu
yfir bollurnar og bakið þær inni í
ofni við 180°C í 10-15 mínútur. Setj-
ið bollurnar varlega ofan í sósuna
þegar þær eru tilbúnir og leyfið
þeim að malla í sósunni við vægan
hita í 30-60 mínútur.
Sjóðið pasta að eigin vali, sjálf notar
Eva Laufey annaðhvort spagettí eða
linguini. Berið réttinn fram með rifn-
um parmesanosti og vel af honum.
Vinkvennahópur Evu Laufeyjar er úr
ólíkum áttum en nær vel saman.
Forréttarplattinn sló í gegn, með ost-
um, ólífum, sultu og fleiru til.