Morgunblaðið - 28.02.2015, Blaðsíða 6
6 FRÉTTIRInnlent
MORGUNBLAÐIÐ LAUGARDAGUR 28. FEBRÚAR 2015
Svipmiklir hegrar með mikið
vænghaf hafa vakið athygli í Heið-
mörk og víðar á suðvesturhorninu
í vetur. Það er ekki nýtt að hegr-
ar sjáist hér á vetrum og segir Jó-
hann Óli Hilmarsson, fuglafræð-
ingur, ekki ólíklegt að þeir fari að
verpa hér á landi. Þeir fuglar sem
hér hafa fundist merktir hafa ver-
ið merktir í Noregi og halda trú-
lega flestir þangað aftur er vorar.
Einn og einn fugl dvelur þó hér á
landi allt árið.
Jóhann segist telja að hegrar
hafi verið hér um aldir eins og sjá
megi í annálum. Erfitt er að segja
um fjölda þeirra, en áætlað hefur
verið að allt að 100 hegrar hafi
hér vetursetu. Algengast er að
hegrar geri sér hreiður í trjám, en
einnig má finna hreiður þeirra í
klettum. Mest er um unga hegra
hér á landi, en fullorðnir fuglar
sjást einnig.
Víða sem fiskjar er von
Hegrinn er stór fugl með allt að
tveggja metra vænghaf og virðist
þrífast vel hér á landi. Hann sækir
í seiði og fisk í vötnum og sjó og
er víða sem fiskjar er von. Hegrar
hafa m.a. sést í vetur við Elliða-
vatn, í Grafarvogi og við Varmá í
Mosfellssveit. Þá segir Jóhann Óli
að vinsæll staður hegranna hafi
löngum verið í Varmá neðan
Hveragerðis og á Ölfusforum, en á
þeim slóðum er jarðhiti og margar
fiskeldisstöðvar.
aij@mbl.is
Ljósmyndir/Pétur Alan Guðmundsson
Sækir í fisk Hegrar sjást víða við ár og vötn, en einnig nálægt sjó eins og í Grafarvogi og í Hafnarfirði.
Svipmiklir hegrar í Heiðmörk
Koma trúlega frá Noregi Áætlað að hátt í 100 hegrar hafi
hér vetursetu Ekki ólíklegt að þeir fari að verpa hérlendis
Vekur athygli Hegrinn er stór fugl og vænghafið hátt í tveir metrar.
Óháð ráðgjöf
til fyrirtækja
Firma Consulting gerir fyrirtækjum
tilboð í eftirfarandi þjónustu:
• Kaup, sala og sameining.
• Verðmat fyrirtækja.
• Samningaviðræður, samningagerð
• Áætlanagerð.
• Fjárhagsleg endurskipulagning.
• Samningar við banka.
• Rekstrarráðgjöf.
Firma Consulting, Þingasel 10 , 109 Reykjavík .
Símar : 820-8800 og 896-6665. Fax 557-7766
info@firmaconsulting .is, www .firmaconsulting .is
Viðar Guðjónsson
vidar@mbl.is
Í dag eru liðnir sex mánuðir frá því
að banaslys varð í umferðinni hér á
landi. Steinþór Jónsson, formaður
FÍB, segir að minnkandi dánartíðni í
umferðarslysum undanfarin ár megi
þakka samhentu átaki lögreglu,
Vegagerðarinnar, Samgöngustofu,
FÍB og annarra sem tengjast um-
ferðaröryggismálum. „Í þessu sam-
hengi má líka benda á að læknar eru
oft að bjarga fleirum úr slysum en
áður, auk þess sem bílarnir eru orðn-
ir betri,“ segir Steinþór.
Núllsýnin
Síðasta banaslysið hér á landi varð
28. ágúst síðastliðinn. Steinþór segir
að ef ekki verði banaslys í umferð-
inni á næstu tveimur vikum verði lið-
ið eitt ár þar sem aðeins einn hefur
látist í umferðinni. Slíkar tölur eru
áður óþekktar hér á landi. „Það er
eins nálægt núllsýninni og hugsast
getur,“ segir Steinþór.
Hann segir að núllsýnin sé hugtak
sem miðar að því að stefna að umferð
án banaslysa. „Aðalatriðið er það að
heildartala látinna hefur lækkað. Ár-
ið 2004 létust 32 í umferðinni. Árið
2014 létust 4,“ segir Steinþór. Hann
bendir á að þróunin hafi orðið þessi
þrátt fyrir aukna umferð sem er m.a.
tilkomin vegna aukins fjölda ferða-
manna til landsins. „Í heildina held
ég að allir sem komið hafa að um-
ferðaröryggismálum hafi komið
ákveðnum þáttum að,“ segir Stein-
þór. Sem dæmi um afar jákvæða
framkvæmd nefnir Steinþór tvöföld-
un Reykjanesbrautar.
Heppnin mikilvæg
„Þar létust 5-6 manns á ári. Það
hefur enginn látist þar í banaslysi í
ellefu ár,“ segir Steinþór. Hann seg-
ir að menn hafi í auknum mæli ein-
blínt á þekkta slysastaði og reynt að
taka þá út. „Á þjóðvegum landins er
búið að taka grjót úr vegköntum og
ýmislegt fleira. En auðvitað þurfum
við líka heppni þegar allt kemur til
alls,“ segir Steinþór.
Að sögn hans sýna tölur að alvar-
legum slysum hefur fækkað síðustu
1-2 ár. Spurður hvort hluti ástæð-
unnar geti verið sá að ungir bílstjór-
ar séu betri en áður útilokar Stein-
þór það ekki. „Það er miklu betri
ökukennsla núna. En svo er einn
fylgifiskur kreppunnar sá að ungu
strákarnir eru ekki að kaupa eins
mikið af kraftmiklum bílum,“ segir
Steinþór.
Meðalhraði hefur minnkað
Hann segir að rannsóknir hafi
sýnt að meðalhraði bíla á þjóðveg-
unum hafi minnkað úr um 106 km/
klst. í 97 km/klst. „Þar er að þakka
auknu eftirliti lögreglu á þjóðvegun-
um,“ segir Steinþór. Hann segir að
sumir geri athugasemdir við svokall-
aða núllsýn um að enginn deyi í bíl-
slysum og að hún sé óraunhæf.
„Sumir sögðu að slíkt tal væri óraun-
hæft þegar kom að Reykjanesbraut-
inni en nú eru komin 11 ár,“ segir
Steinþór.
Enginn látist í
umferðarslysi
í sex mánuði
Tvær vikur í að einungis eitt banaslys
hafi orðið í umferðinni á einu ári
Morgunblaðið/RAX
Hraðamæling Minni umferðar-
hraða má þakka auknu umferðar-
eftirliti lögreglu á vegum úti.
steinn Pálsson, Margrét Pálsdóttir,
Sólný Ingibjörg Pálsdóttir, Sveinn
Ari Guðjónsson, Páll Jóhann Páls-
son, Kristín Elísabet Pálsdóttir,
Svanhvít Daðey Pálsdóttir og Páll
Hreinn Pálsson.
Útför Páls H. Pálssonar útgerðar-
manns var gerð frá Grindavíkur-
kirkju í gær. Séra Elínborg Gísla-
dóttir jarðsöng. Karlakór Kefla-
víkur söng undir stjórn Guðlaugs
Viktorssonar. Kórinn frumflutti
nýja útsetningu af Söng sjómanns-
konunnar eftir Margréti heitna Sig-
hvatsdóttur, eiginkonu Páls. Jó-
hann Friðgeir Valdimarsson söng
einsöng og organisti var Jónas Þór-
ir. Líkmenn voru, f.v.: Pétur Haf-
Útför Páls H. Pálssonar
Morgunblaðið/Golli