Morgunblaðið - 28.02.2015, Blaðsíða 14
14 FRÉTTIRInnlent
MORGUNBLAÐIÐ LAUGARDAGUR 28. FEBRÚAR 2015
Björn Jóhann Björnsson
bjb@mbl.is
Viðbrögð lesenda Morgunblaðsins
við „öfuga blaðinu“ í gær voru
nokkuð sterk. Almennt voru þau já-
kvæð og skemmtilegar umræður
sköpuðust á samfélagsmiðlum.
„Þetta er nú meiri vitleysan í
ykkur,“ sagði ein kona sem hringdi
til blaðsins í gær, og síðan skellti
hún á. María Lilja Moritz Viðars-
dóttir, þjónustustjóri Árvakurs,
segir lesendur almennt hafa haft
gaman af þessu og fundist uppá-
tækið skondið.
„Annars finnum við það glögg-
lega að fólk er íhaldssamt og vill fá
Moggann sinn réttan í fyrramálið [í
dag]. Einn vildi að við lofuðum að
gera þetta ekki aftur og annar
sagðist lesa blaðið frá a til ö en ekki
frá ö til a,“ segir María og hlær.
Eins og fram kom í blaðinu í
gær var þetta gert í tilefni þess að
nýtt happdrætti er hafið meðal
áskrifenda. 22. apríl nk. verður
Toyota Corolla-bifreið dregin úr
potti með nöfnum áskrifenda blaðs-
ins. Um samstarfsverkefni Morg-
unblaðsins og Toyota á Íslandi er
að ræða en bílaumboðið fagnar því
á þessu ári að 50 ár eru liðin síðan
fyrsta Toyotan var flutt til lands-
ins.
Með breytingunni á blaðinu í
gær var einnig verið að höfða til
gamals vana margra lesenda frá
því að baksíða Morgunblaðsins var
forsíða innlendra frétta og erlend-
ar fréttir voru á forsíðunni.
Forseti Alþingis fór
óöruggur inn í daginn
Einar K. Guðfinnsson, forseti
Alþingis, ritaði á Facebook-vefinn
sinn í gærmorgun og birti mynd af
forsíðu blaðsins, sem jafnan er bak-
síðan: „Allt er í heiminum hverfult,
sagði skáldið Jónas. En nú gerðist
það sem ég átti síst von á. Mogginn
minn, sem ég hef lesið frá því ég
fór að geta kveðið að, birtist mér
umsnúinn í morgun; baksíðan kom-
in á forsíðuna og forsíðan á baksíð-
una. Mér finnst ég fara hálf
óöruggur inn í daginn. – Að vísu
einn kostur við þetta allt saman.
Vísnahornið hans Halldórs Blöndal,
eitt allra besta efni blaðsins, birtist
framar í blaðinu.“
Í kjölfar þessarar færslu komu
mörg fjörug ummæli, sem sjá má
brot af hér til hliðar. En hvort sem
það er „öfuga“ Mogganum um að
kenna eða ekki, þá var hlegið hátt í
þingsölum í gær þegar Einar
kynnti Eyglóu Harðardóttur sem
„Valgerði Bjarnadóttur, hæstvirtan
félags- og húsnæðismálaráðherra“.
„Forseti fór línuvillt,“ sagði Einar
og gerði létt grín að öllu saman.
„Þetta er nú meiri
vitleysan í ykkur“
Morgunblaðið/Árni Sæberg
Snúið við Morgunblaðið í gær var óhefðbundið, með baksíðuna á forsíðunni og forsíðuna á baksíðunni.
Sterk viðbrögð lesenda en almennt jákvæð við því að Morgunblaðinu í gær var snúið við
’
Heimasætunni fannst þetta stór-
snjallt, enda blaðið til heiðurs henni
og hennar líkum. Gaman að þessu.
Jakob Falur Garðarsson
’
Dásamleg hugmynd sem gladdi
mig í morgunsárið.
Rúnar Helgi Vignisson
’
Fletti Mogganum ýmist afturábak
eða áfram. Var sáttur við uppsetn-
inguna í morgun, fannst samt smá
skrítið, og áttaði mig ekki fyrr en ég sá
fylgimiðann.
Tryggvi Pétursson
’
Bara svo gay for a day þetta blað.
Guðrún Ögmundsdóttir
’
Þetta ruglar mig nú alveg í ríminu
því ég er nefnilega vön að byrja á
baksíðunni því þá kem ég fyrr að dán-
artilkynningunum. Er það ekki týpískt
fyrir minn aldur?
Stella Ingvarsdóttir
’
Gott hjá Moggamönnum að vekja
landsmenn til vitundar um það
hversu stöðugleikinn er mikilvægur.
Sturla Böðvarsson
’
Verður þá að lesa hann eins og
skrattinn biblíuna?
Jóhann Rögnvaldsson
’
Ef þetta væri nú það eina sem er
öfugsnúið í Mogganum.
Eiríkur Rögnvaldsson
’
Það munaði engu að ég læsi Mogg-
ann á hvolfi í morgun til þess eins
að geta haldið vana mínum við lestur
blaðsins. Svona uppsetning blaðsins er
ekki salernisvæn fyrir menn sem
bundnir eru í viðjum vanans.
Jón Sigurðsson
’
Miklu betri Moggi.
Kristján B. Jónasson
’
Af hverju er forsíðan ekki á síðu 1?
Finnst þeir klikka á því.
Guðmundur Stefán Maríasson
’
Hinsegin dagar hjá Mogganum. En
Leiðarinn var á sínum stað.
Sveinn Óskar Sigurðsson
Ummæli fólks
á Facebook
„Rétt er að benda á, að svefnhöfgi
unglinga að morgni til er þekkt
vandamál í öðrum löndum, einnig
þeim sem seinka klukkunni að vetri
til. Það sýnir að stilling klukkunnar
er ekki rót vandans,“ segir í niður-
lagi umsagnar Þorsteins Sæmunds-
sonar stjörnufræðings og Gunnlaugs
Björnssonar stjarneðlisfræðings um
þingsályktunartillögu um seinkun
klukkunnar.
Í umsögninni kennir ýmissa grasa
og farið er yfir rök með og á móti
klukkubreytingu. „Höfuðmarkmiðið
með stillingu klukkunnar hlýtur að
vera það að samræma sem best
vökutíma og birtutíma annars vegar,
og svefntíma og myrkur hins vegar,“
segir í umsöginni. Þar er lítið gefið
fyrir þau rök að seinkun hafi jákvæð
heilsufarsleg áhrif. Í tillögunni segir
m.a. að breyting myndi hafa jákvæð
áhrif, sérstaklega á ungmenni sök-
um þess að líkamsklukkan fari eftir
gangi sólar og það valdi togstreitu
þegar staðarklukkan gangi ekki í
takt við birtutímann. „Þarna er horft
framhjá þeirri staðreynd sem menn
hafa lengi þekkt, að raflýsing hefur
áhrif á líkamsklukkuna og raskar því
hinni náttúrulegu sveiflu […] Í þjóð-
félagi nútímans ræður sólarljósið
ekki stillingu líkamsklukkunnar
nema að takmörkuðu leyti. Því ætti
ekki að vekja mönnum falsvonir um
að líðan þeirra muni batna til muna
við það að seinka klukkunni.“
Morgunblaðið/RAX
Birta Sumir vilja að fyrr birti á dag-
inn, aðrir að birtan lifi lengur.
Ungmenni
eru víða
þungsvæf
Umsögn um tillögu
um breytta klukku
Alls eru 694 einbreiðar brýr í ís-
lenska þjóðvegakerfinu og er með-
alaldur þeirra 50 ár.
Þetta kemur fram í svari Ólafar
Nordal, innanríkisráðherra, á Al-
þingi við fyrirspurn Haraldar Ein-
arssonar, þingmanns Framsóknar-
flokksins.
Alls eru 1.190 brýr í umsjón Vega-
gerðarinnar. Af þeim 694 brúm, sem
eru einbreiðar, eru 197 þar sem há-
markshraði er 90 km/klst. Flestar
eru í Suðurkjördæmi, eða 73 og þar
af eru 22 í Sveitarfélaginu Horna-
firði.
Fram kemur í svari ráðherra, að í
vegáætlunarhluta samgönguáætlun-
ar 2011-2022 sé gert sérstaklega ráð
fyrir fjárveitingu til breikkunar ein-
breiðra brúa að upphæð 1.500 millj-
ónir króna á tímabilinu. Þær 197
brýr, þar sem hámarkshraði er 90
km, eru samtals 9.436 metrar að
lengd. Stærðargráða kostnaðar við
að endurgera brýr af slíkri lengd og
tvöfaldar að breidd gæti verið 30
milljarðar. Til viðbótar kæmi kostn-
aður við vegagerð sem sé mismikill
eftir aðstæðum á hverjum stað.
Verkefnið sé því gríðarlega stórt.
Morgunblaðið/RAX
Einbreið brú Brúin yfir Hornafjarðarfljót er ein margra einbreiðra brúa.
694 einbreiðar brýr
á vegum landsins
VR | KRINGLUNNI 7 | 103 REYKJAVÍK | SÍMI 510 1700 | WWW.VR.IS
Frambjóðendur til stjórnar VR kjörtímabilið
2015–2017 kynna sig á félagsfundi í sal VR,
Húsi verslunarinnar, jarðhæð, miðvikudaginn
4. mars kl. 19.30.
Allir VR félagar velkomnir!