Morgunblaðið - 21.03.2015, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 21. MARS 2015
Kaupum bíla
Hærra uppítökuverð
Við staðgreiðum bílinn þinn og þú getur þar með
fengið staðgreiðsluafslátt af nýja bílunum.
Sendu okkur upplýsingar í gegnumwww.seldur.is
og við sendum þér staðgreiðslutilboð
þér að kostnaðarlausu.
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Sigurður Bogi Sævarsson
sbs@mbl.is
Endurbætur með nýju útisvæði með
heitum pottum og endurgerð bún-
ingsklefa er meginskýring á mikilli
fjölgun gesta í Vesturbæjarlaug á
síðasta ári. Rétt um 273 þúsund
gestir fóru í sund í Vesturbænum í
fyrra en tæplega 237 þúsund árið á
undan, 2013. Þetta er fjölgun um 36
þúsund manns, eða í kringum 13%
„Betri aðstaða útskýrir margt.
Einnig höfum við hér á bæ verið svo
heppin að ná tengingu við alþjóðlega
listviðburði eins og RIFF og Iceland
Airwaves. Það hefur ratað í fjölmiðla
og sú kynning skilar sér,“ segir Haf-
liði Halldórsson, forstöðumaður í
Vesturbæ.
Hátt skor í janúar og febrúar
Fjölgun sundlaugargesta nær
ekki einvörðungu til Vesturbæjar-
ins, fólki sem sækir t.d. Breiðholts-
laug og Sundhöll Reykjavíkur við
Barónsstíg fjölgaði lítillega í fyrra
frá árinu áður. Yfir lengri tíma kem-
ur Laugardalslaugin mjög sterk inn.
Gestir þar voru árið 2008 604.855 en
voru 784.470 árið 2012. Aukningin er
23%. Árið 2013 fór gestafjöldinn nið-
ur í 637.708 meðal annars vegna
rasks vegna framkvæmda – auk
þess sem talning gesta fór í handa-
skolum. Fólki fjölgaði svo strax
2014, en þá voru gestir um 704 þús-
und. Að hún hafi ekki náð hærra er
sagt helgast af leiðinlegri tíð nánast
allt sumarið í fyrra.
Hvað Vesturbæjarlaug áhrærir
þá voru gestir þar nú í janúar og
febrúar í kringum 22 þúsund í hvor-
um mánuði, borið saman við um 15
þúsund manns á sama tímabili í
fyrra. Tölurnar eru því allar upp á
við.
„Veðrið ræður miklu. Í Reykjavík
hefur ekki komið sólríkt sumar síðan
2012 og því hefur aðsóknin ekki ver-
ið jafn mikil og gera mætti ráð fyr-
ir,“ segir Hafliði. Bætir við að fólki
sem taki sundið sem stífa líkams-
rækt fjölgi jafn og þétt.
Fjórir synda á hverri braut
„Snemma á morgnana eru á
brautunum fimm hér í Vesturbæj-
arlaug stundum þrír til fjórir á
hverri þeirra; fólk sem syndir
kannski 1.000 metra og slær ekki af.
Þá nýta hlaupahópar í vaxandi mæli
aðstöðu í endurbættum útiklefunum
hér og það fólk er inni í gestatölunni
hér,“ segir Hafliði.
Hvað viðvíkur öðrum sundlaugum
í borginni, til dæmis í Grafarvogi og
Árbæ, hefur gestum þar fækkað.
Það helgast, að sögn Hafliða, meðal
annars af því að laugarnar þar eru í
samkeppni t.d. við Salalaug í Kópa-
vogi og Lágafellslaug, þar sem eru
leiktæki og góð aðstaða sem höfðar
til fjölskyldufólks – sem finnst góð
dægradvöl að skreppa í sund.
 Vesturbæjarlaugin slær í gegn  Endurbætur með nýju útisvæði og heitum pottum er helsta skýr-
ingin  Veður og aðstaða hafa mikið að segja  Úthverfalaugarnar láta undan síga
Aldrei hafa fleiri sótt í sundlaugarnar
Morgunblaðið/Golli
Forstöðumaður Hafliði Halldórsson
ræður ríkjum í Vesturbæjarlaug.
Aðsókn í sundlaugar í Reykjavík
*Gestum í Laugardalslaug fækkaði 2013 m.a. vegna framkvæmda og talning fór í handaskolum. Tölur eru því ekki með öllu marktækar.
2014
2013
2012
2011
2010
2009
2008
Árbæjarlaug
249.716
263.265
241.573
256.519
304.440
307.684
278.400
Breiðholtslaug
212.386
203.689
206.772
204.648
222.584
204.047
195.344
Grafarvogslaug
211.123
214.492
216.905
198.239
228.225
228.882
217.610
Laugardalslaug*
703.985
637.708
784.470
744.541
774.955
739.307
604.855
Sundhöll
156.892
156.013
145.332
137.415
143.594
125.011
131.400
Vesturbæjarlaug
272.965
236.529
226.621
229.366
231.159
220.532
208.351
Samtals
1.807.067
1.711.696
1.821.673
1.770.728
1.904.957
1.825.463
1.635.960
Hafísinn er langt frá landi. Óveðr-
in sem gengið hafa yfir Ísland
eiga þátt í að ýta honum frá land-
inu.
Vísindamenn hafa getað fylgst
vel með þróuninni með myndum
úr evrópskum gervitunglum sem
ná í gegnum skýjahulu. Ingibjörg
Jónsdóttir, dósent í landafræði við
Háskóla Íslands, segir að mjög
greinilega hafi sést á þessum
myndum hvernig ísinn brotnaði
upp í hvassviðrinu um síðustu
helgi og sópaðist frá Íslandi.
Lægðagangurinn að undanförnu
hafi því haft mikil áhrif á hafísinn.
Samkvæmt tilkynningu Veður-
stofu Íslands var ísjaðarinn um
110 sjómílur frá Straumnesi, þar
sem hann var næst land. Er þetta
mikil breyting á einum mánuði því
17. febrúar var meginísröndin
metin í aðeins 46 sjómílna fjar-
lægð frá Gelti. helgi@mbl.is
Hafís sópaðist í burtu
 Stormarnir ýttu hafísröndinni frá
Hafísinn hopar
Heimild: vedur.is
Helgi Bjarnason
helgi@mbl.is
„Það hefur enginn verið að gera neitt í dag. Ætli þetta sé
ekki að verða búið? Það er orðið lokalegt,“ sagði Sig-
urður Bjarnason, skipstjóri á Jónu Eðvalds SF-200, í
gær. Skipið var þá við leit á loðnumiðunum við Snæfells-
nes.
Bátarnir hafa verið að finna loðnu á smáblettum
undanfarna daga. Í fyrradag var ágætis veiði á bleðli út
af Malarrifi. Ekkert var að sjá þar eða annars staðar í
gær. Útgerðirnar eru langt komnar með kvótann en
hann er þó ekki alveg þurrausinn og því halda þeir áfram
að leita á meðan nokkur von er. „Maður þarf að vera á
réttum stað á réttum tíma. Það getur komið einn og einn
dagur þar sem eitthvað sést,“ sagði Kristinn Snæbjörns-
son, stýrimaður á Beiti NK-123. Hann fékk afla undan
Malarrifi í fyrradag og var að sigla til Helguvíkur til
löndunar þegar rætt var við hann um hádegisbil í gær.
Furðanlega ræst úr vertíðinni
Afli Beitis var 1.400-1.500 tonn og taldi Kristinn að
það væri hrognaloðna. Hann sagði að það yrði að koma í
ljós hvort ennþá væri verið að taka hrogn í Helguvík.
Kristinn taldi að loðnan væri byrjuð að hrygna. Þá
fer hún upp á grynningar en svo komi eitthvað upp ann-
að slagið. Þá þurfi að nýta tækifærið.
Furðanlega hefur ræst úr loðnuvertíðinni, miðað við
hvernig göngurnar voru og hvernig veðrið lét. „Þetta er
fín vertíð. Það hefur ræst vel úr henni miðað við hvernig
útlitið var á tímabili. Við erum sáttir,“ segir Jón Már
Jónsson, yfirmaður landvinnslu Síldarvinnslunnar í Nes-
kaupstað.
Loðnan var dreifð út af Norðurlandi framan af ver-
tíðinni og ekki var hægt að ganga að hefðbundnum
göngum austur og suður fyrir landið. Þá hefur veðrið
verið óhagstætt. Góð veiði í mars hefur bjargað vertíð-
inni þótt veður hafi áfram verið slæm. Sjómenn telja að
það hafi verið vestanganga suður með Vestfjörðum og
inn á Breiðafjörð og Faxaflóa sem gaf þeim það sem á
vantaði.
Jón Már segir að ágætlega hafi gengið að koma af-
urðunum í verð.
Huga að kolmunnaveiðum
Meginhluti flotans er enn að huga að loðnunni. Út-
gerðirnar eru þó að útbúa fyrstu skipin á kolmunnaveið-
ar í hafinu suður af Færeyjum. Börkur, skip Síldar-
vinnslunnar, er eitt þeirra. Hann hefur lokið loðnu-
veiðum og fer á kolmunna.
Er að koma lokahljóð
í loðnusjómennina?
 Loðnuskipin eru enn að leita  Ágætri vertíð að ljúka
Morgunblaðið/Börkur Kjartansson
Veiðar Gamla Hoffell SU-802 í sjóroki á loðnumiðunum vestur af landinu. Heimaey VE-1 er að kasta fjær.