Morgunblaðið - 21.03.2015, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 21. MARS 2015
FRÉTTASKÝRING
Agnes Bragadóttir
agnes@mbl.is
Það eru engar ýkjur að segja að inn-
viðir Samfylkingarinnar hafi leikið á
reiðiskjálfi þegar Sigríður Ingibjörg
Ingadóttir, þriðji þingmaður Sam-
fylkingarinnar í Reykjavík suður, til-
kynnti, mörgum að óvörum, framboð
sitt til formanns síðdegis í fyrradag.
En svo virðist sem einhverjum
viðmælendum blaðamanns úr röðum
Samfylkingarinnar í gær hafi ekki
komið framboðið mikið á óvart og
ekki heldur hin síðbúna tímasetning
á því að tilkynna framboðið. Segja
þeir augljós fingraför Jóhönnu Sig-
urðardóttur, fyrrverandi formanns
Samfylkingarinnar og forsætisráð-
herra, vera á framboði Sigríðar Ingi-
bjargar.
Einungis landsfundarfulltrúar
Formannskjör í Samfylkingunni
hefur hingað til farið fram þannig að
allir félagsmenn höfðu kosningarétt
í allsherjaratkvæðagreiðslu, en í for-
mannskjörinu í gær, voru það ein-
ungis kjörnir landsfundarfulltrúar,
eitthvað í kringum 800 talsins, sem
gátu kosið.
Kosningaþátttaka hefur frá stofn-
un flokksins fyrir 15 árum verið mis-
jöfn.
Karl Th. Birgisson, ritstjóri vef-
tímaritsins Herðubreiðar, rifjar upp
kosningaþátttöku félaga í pistli á
heimasíðu tímaritsins í gær:
„Össur Skarphéðinsson var kjör-
inn fyrsti formaður flokksins í al-
mennri atkvæðagreiðslu og tóku um
4.500 manns þátt.
Ingibjörg Sólrún Gísladóttir felldi
Össur í formannskjöri árið 2005 og
voru þá greidd um tólf þúsund at-
kvæði.
Jóhanna Sigurðardóttir fékk ekki
mótframboð og var sjálfkjörin 2009
og 2011.
Loks sigraði Árni Páll Árnason í
formannskjöri árið 2013. Þá greiddu
um 5.500 almennir flokksmenn at-
kvæði.“
Kosningarétt hafa landsfund-
arfulltrúar sem greitt hafa lands-
fundargjald, 5.900 kr.
Árni Páll sagður gáttaður
Karl Th. segir ennfremur:
„Óhætt er að segja að tilkynning
Sigríðar Ingibjargar í gær hafi kom-
ið á óvart og valdið nokkru uppnámi
í flokknum. Herðubreið hefur heim-
ildir fyrir því að í aðdraganda lands-
fundar hafi fjölmargir afþakkað boð
um að vera landsfundarfulltrúar þar
sem ekki hafi stefnt í meiri háttar
kosningar á þinginu, hvað þá for-
mannskjör. Þeir hinir sömu eru afar
ósáttir við að nú stefni í formanns-
kjör þar sem þeir hafa ekki tækifæri
til að greiða atkvæði.
Í fyrsta sinn í sögu flokksins eru
það því fáein hundruð manna, en
ekki mörg þúsund, sem geta greitt
atkvæði í formannskjöri. Og atkvæð-
isrétturinn kostar 5.900 krónur.“
Í samtölum blaðamanns við sam-
fylkingarfólk í gær, bæði þingmenn
og óbreytta, kom fram að framboð
Sigríðar Ingibjargar Ingadóttur
virðist hafa komið langflestum al-
gjörlega í opna skjöldu. Því var einn-
ig haldið fram að framboð hennar
hefði komið Árna Páli mest á óvart –
hann hefði bókstaflega verið gátt-
aður, enda tilkynnti Sigríður Ingi-
björg ekki framboð sitt fyrr en rétt-
um sólarhring áður en formannskjör
hófst, um kl. 17.30 í fyrradag.
Árni Páll var rétt búinn að frétta
af mótframboðinu þegar frétt um
það kom í fréttum Ríkisútvarpsins
kl. 18 í fyrradag og engum duldist,
sem horfðu á sjónvarpsfréttir RÚV
kl. 22 í fyrrakvöld, að Árni Páll var
þykkjuþungur, svo ekki sé meira
sagt.
Reyndir, pólitískir refir
En svo eru það gamlir, reyndir,
pólitískir refir, ekki síst úr Alþýðu-
flokknum sáluga, en einnig úr gamla
Alþýðubandalaginu, sem hafa sínar
kenningar um það hvers vegna Sig-
ríður Ingibjörg bauð sig fram og
hvers vegna hún gerði það jafn seint
og raun bar vitni.
Sparkað úr ríkisstjórn
Þeir minna á að í forsætisráð-
herratíð Jóhönnu Sigurðardóttur
hafi Árni Páll verið eini ráðherrann
úr röðum Samfylkingarinnar sem að
einhverju marki stóð uppi í hárinu á
henni og uppskar spark úr rík-
isstjórn sem þau Steingrímur J. Sig-
fússon og Jóhanna Sigurðardóttir
hafi ákveðið í sameiningu.
Þá hafi það aldrei verið neitt
leyndarmál að í formannskjörinu
2013 hafi Jóhanna barist með kjafti
og klóm gegn því að Árni Páll væri
kjörinn formaður flokksins. Guð-
bjartur Hannesson hafi verið hennar
kandídat. Lyktir urðu þær að Árni
Páll hlaut 61,8% atkvæða og Guð-
bjartur fékk 37,6% atkvæða og um
5.500 manns tóku þátt í formanns-
kjörinu.
Jóhanna hafi einfaldlega áttað sig
á því að nú væri lag, fyrst aðeins
landsfundarfulltrúar, um 800 manns,
hefðu kosningarétt, til þess að losna
við Árna Pál og velta honum úr sessi
og því hafi hún og hennar helstu
stuðningsmenn þrýst á og hvatt Sig-
ríði Ingibjörgu til þess að fara gegn
Árna Páli.
Tímasetningin lykilatriði
Í þeim efnum hafi verið lykilatriði
að mótframboðið kæmi fram á síð-
ustu stundu þegar sá tími væri út-
runninn að tilkynna sig sem lands-
fundarfulltrúa og greiða 5.900 króna
þátttökugjaldið.
Sennilega hafi einhver hópur
stuðningsmanna Árna Páls, í þeirri
trú að enginn byði sig fram gegn
honum og hann yrði sjálfkjörinn,
ákveðið að afþakka boð um að vera
landsfundarfulltrúar. Þannig sé
mjög líklegt að fylkingar hafi riðlast
og fleiri úr stuðningsmannaliði Jó-
hönnu en Árna Páls hafi mætt til
landsfundar.
Segjast sjá fingraför Jóhönnu
 Telja að mótframboð Sigríðar Ingibjargar Ingadóttur til formanns hafi verið útpælt og þaulhugsað
 Mikill titringur innan raða samfylkingarmanna, í röðum stuðningsmanna beggja fylkinga
Morgunblaðið/Árni Sæberg
Samgleðst Hér faðmar Sigríður Ingibjörg Ingadóttir Árna Pál Árnason,
nýkjörinn formann Samfylkingarinnar, innilega í febrúar 2013.
Morgunblaðið/Kristinn
Handaband Svona heilsuðust keppinautarnir um flokksformennskuna á
landsfundi Samfylkingarinnar í gærmorgun – og létu handaband nægja.
35.900,-
Verð Kr.
USG CNIP4
Yfirskápur 4 skúffur.
Sterkur skápur með lás.
88.900,-
Verð Kr.
USG FIRP7B Verkfæraskápur
7 skúffur – 1/4", 3/8“ & 1/2" topplyklasett
Splittatangir, skrúfjárn, fastirlyklar, tangir,
skralllyklar, meitlar, sexkantar, rennimál,
þjalir.
115.900,-
Verð Kr.
USG FIRP7B-FOAM Verkfæraskápur
7 skúffur með frauðefnisbökkum. 1/4",
3/8“ & 1/2" topplyklasett. Splittatangir,
skrúfjárn, fastirlyklar, tangir, skralllyklar,
skiptilykill, meitlar, sexkantar, rennimál,
þjalir. 172 verkfæri í sterkum vagni með lás.
15.900,-
Verð Kr.
USG
B5094M
1/2“ & 1/4"
Topplyklasett 94 stk
Skrall 72 tanna, framlengingar,
hjörluliður, átaksskaft, djúpir-
toppar, kertatoppar, bitajárn.
USG GWB2045M
1/4“ Topplyklasett 45 stk
Skrall 72 tanna, framlengingar,
hjörluliður, átaksskaft,
bitar, sexkantar, bitajárn,
4.990,-
Verð Kr.
USG
GWB3029M
3/8“ Topplyklasett 29 stk
Skrall 72 tanna, hjöruliður,
djúpir & grunnirtoppar,
kertatoppar, framlengingar.
7.990,-
Verð Kr.
Síðumúla 11 - 108 Reykjavík Sími 568-6899
Póstfang: vfs@vfs.is Netsíða: www.vfs.is
Davíð Már Stefánsson
davidmar@mbl.is
„Það er ákveðið áfall fyrir Árna Pál
sem formann að vinna þetta svona
gríðarlega naum-
lega,“ segir Grét-
ar Þór Eyþórs-
son, prófssor í
stjórnmálafræði,
um nauman sig-
ur Árna Páls
Árnasonar í for-
mannskjöri Sam-
fylkingarinnar á
landsfundi
flokksins í gær.
Árni Páll bar
þar sigur úr býtum í baráttunni við
Sigríði Ingibjörgu Ingadóttur með
241 atkvæði gegn 240 atkvæðum.
Huga að öðruvísi áherslum
„Hann er þó ennþá formaður og
maður myndi halda að hann túlkaði
þetta sem skilaboð um það að hann
þyrfti að huga að fleiri og öðruvísi
áherslum og horfa til þess að það
er ekki full ánægja með forustuna
innan flokksins,“ segir hann.
Minna en sólarhringur leið frá
því Sigríður Ingibjörg bauð sig
fram og þar til gengið var til kosn-
inga en Grétar Þór segir þó að svo
virðist sem framboðið hafi haft
nokkurn aðraganda.
„Það virtist liggja í orðunum að
það hefði verið búið að undirbúa
þetta að einhverju leyti þó að hún
hafi kannski ekki verið þar að baki.
Það virðist sem hún hafi í raun átt
tilbúinn hljómgrunn þegar hún
loksins gaf kost á sér,“ segir Grét-
ar.
„Ég á nú ekki von á því að flokk-
urinn klofni en það er greinilegt að
það er áherslumunur innan hans“
segir hann.
Lengri fyrirvari hefði getað
haft áhrif á kosninguna
„Ég er ekkert svo viss um að
þetta hafi strax áhrif á fylgi flokks-
ins,“ segir hann.
„Manni heyrist að þó að þetta
hefði getað farið verr fyrir for-
manninn ef aðeins lengri fyrirvari
hefði verið á mótframboðinu. En
auðvitað eru það bara getgátur.
Það er þó ljóst að þetta eru mjög
skýr skilaboð til hans,“ segir Grét-
ar Þór að lokum.
Segir úrslitin áfall
fyrir formanninn
 Telur kosninguna gefa skýr skilaboð
Grétar Þór
Eyþórsson