Morgunblaðið - 21.03.2015, Blaðsíða 24

24 FRÉTTIRInnlent
MORGUNBLAÐIÐ LAUGARDAGUR 21. MARS 2015
Undirþrýstingur í miðeyra með vökva.
Eftir þrýstingsjöfnunmeðOtoventblöðru,
miðeyrað opið og engin vökvi.
Otovent meðferðin er til að létta á undirþrýsting
í miðeyra.
Getur fyrirbyggt og unnið á eyrnabólgu og vanlíðan
með því að tryggja að loftflæði og vökvi eigi greiða leið
frá miðeyra.
Meðferð getur dregið úr eyrnabólgum, sýklalyfjanotkun,
ástungumog rörísetningum. Læknar mæla með Otovent.
Klínískar rannsóknir sýna gagnsemi við lokun í miðeyra,
skertri heyrn eftir eyrnabólgur, óþægindum í eyrum við
flug, sundferðir eða köfun.
Otovent er einfalt og þægilegt fyrir börn og fullorðna.
Rannsóknir sýna góðan árangur. CE merkt.
Fæst í apótekum
Fyrsta hjálp til að
laga og fyrirbyggja
eyrnabólgur Viðurkennd meðferð
Umboð Celsus ehf
Fiskiolía og bláber
í einum pakka
• Ónæmiskerfið
• Kolesterol
• Liðina
• Hjartað og æðar
• Gegn skaðlegum sindur-
efnum í frumum líkamans
Sími 555 2992 og 698 7999
Það gerist varla betra fyrir
Þórunn Kristjánsdóttir
thorunn@mbl.is
Blái naglinn, góðgerðarsamtök sem
styðja baráttu karlmanna með
krabbamein, hefur gefið karl-
mönnum eldri en
50 ára skimunar-
próf til að greina
leynt blóð í
hægðum. Stefnt
er að því að allir
karlmenn sem
verða 50 ára á
árinu fái prófið.
Hvort
tveggja Krabba-
meinsfélag Ís-
lands og Emb-
ætti landlæknis hafa sent frá sér
samhljóða ályktun þar sem prófið er
sagt gefa falskt öryggi.
Hinn 29. febrúar sl. sendi Emb-
ætti landlæknis frá sér tilkynningu
þar sem þetta kemur m.a. fram:
„Embættið vill taka það skýrt fram
að frumkvæði Bláa naglans uppfyllir
ekki ýtrustu kröfur um skimun og
það próf sem notað er er ekki full-
reynt og getur því skapað falskt ör-
yggi fyrir þátttakendur.“
„Ég skil ekki af hverju Krabba-
meinsfélagið setur sig upp á móti
þessu prófi sem er hvort tveggja
ókeypis og sýnt hefur verið fram á
að það virkar. Hægt er að koma í
veg fyrir 25-30% dauðsfalla á ári
með notkun þess. Til dæmis notar
Johns Hopkins háskólinn í Balti-
more í Bandaríkjunum prófið, þá er
fullt af fyrirtækjum í Bandaríkj-
unum sem gefa starfsmönnum próf-
ið,“ segir Jóhannes V. Reynisson
sem er í forsvari fyrir Bláa naglann.
Hann segir það ekki sama
hvernig prófið sem nefnist EZ DE-
TECT Stool blood test, er tekið. Ná-
kvæmar lýsingar um hvernig eigi að
framkvæma það eru á prófinu. Próf-
ið hefur verið samþykkt af lyfjaeft-
irlitinu í Bandaríkjunum og einnig
hér á landi.
Jóhannes segir það einsdæmi
að Krabbameinsfélag „djöflist“ í
góðgerðarfélagi eins og Bláa nagl-
anum fyrir það eitt að gefa próf sem
mögulega gæti greint krabbamein í
ristli. Sjálfur hefur hann verið í
sambandi við krabbameinsfélög í
Bandaríkjunum sem furða sig á við-
brögðum íslenskra kollega sinna.
Rótin afbrýðisemi og öfund
„Það er ekkert öruggt. Læknar
fullyrða það meira að segja eftir
rannsóknir sínar á sjúklingum. Ert
þú alveg örugg um að þú sért ekki
með einhvern sjúkdóm eftir læknis-
heimsókn?“ svarar Jóhannes, spurð-
ur út í það falska öryggi sem prófið
er sagt veita. Þá vísar hann aftur í
fyrrgreindar tölur.
Jóhannes segir að afbrýðisemi
og öfund út í framtak Bláa naglans
sé mögulega ein ástæðan fyrir gagn-
rýni Krabbameinsfélagsins og Emb-
ætti landlæknis á skimunarprófið.
„Krabbameinsfélagið er með
allt niðrum sig. Það er allt of lítið að
gerast í þessu svokallaða átaki og
hóprannsóknum t.d. gegn ristil-
krabbameini. Að mínu mati er stór
hópur fólks á launum við að gera
ekki neitt,“ segir Jóhannes. Í því
samhengi bendir hann á að fram-
takið hans, Blái naglinn, hafi komið
mjög miklu í verk í baráttunni gegn
krabbameini karla.
Áður en Jóhannes fékk prófið
til landsins fór hann á fund með Páli
Matthíassyni, forstjóra Landspít-
alans, og kynnti honum verkefnið.
Einnig kynnti Jóhannes hugmynd-
irnar Einari S. Björnssyni, yfir-
lækni á lyflækningasviði Landspít-
ala og prófessor í
meltingarlækningum við HÍ. Jó-
hannes segir að þeir hafi tekið vel í
þetta á fundi.
Ekki til framdráttar
„Hvorki Embætti landlæknis
né Krabbameinsfélagið hefur haft
samband við mig áður og rætt um
prófið áður en þau sendu út þessa
tilkynningu. Þessi vinnubrögð eru
furðuleg og ekki þeim til fram-
dráttar,“ segir Jóhannes.
Vísar ásökunum um
ónákvæmt próf á bug
 Segir Krabbameinsfélagið „djöflast“ í góðgerðarsamtökum
Jóhannes V.
Reynisson
ÚR BÆJARLÍFINU
Sigurður Ægisson
Siglufirði
Meðalumferð á dag um Héðins-
fjarðargöng mældist 609 bílar/
sólarhring allt síðasta ár og hefur
aldrei verið meiri frá því að göngin
voru opnuð. Þetta er jafnframt í
fyrsta sinn sem meðalumferðin fer
yfir 600 bíla/sólarhring. Samtals
fóru rúmlega 222 þúsund ökutæki
um göngin allt síðasta ár borið sam-
an við rúmlega 205 þúsund árið
2013. Þetta er því aukning um 8,4%
á milli ára. Sumardagsumferðin
(júní-september) jókst enn meira
eða um 9,4% á milli ára.
  
Alls hafa 16 skemmtiferðaskip
boðað komu sína til Siglufjarðar í
sumar. Það fyrsta kemur 27. maí og
það síðasta 24. september. Mikil
fjölgun skipa hefur verið á milli ára
og er þessi ferðaþjónusta í mikilli
sókn í Siglufirði.
  
Örlygur Kristfinnsson hefur fyr-
ir hönd Síldarminjasafns Íslands
óskað eftir stuðningi Fjallabyggðar
til að hægt verði að halda norræna
strandmenningarhátíð á Siglufirði
árið 2018. Leggur hann til að Síldar-
minjasafnið og Fjallabyggð gangi til
liðs við Vita- og strandmenning-
arfélagið en það hefur verið tengilið-
ur Íslands við þessa hátíð sem hald-
in hefur verið til skiptis á
Norðurlöndunum frá árinu 2011.
  
Þjóðlagahátíðin á Siglufirði er
15 ára í ár, en hún var fyrst haldin
árið 2000 fyrir tilstuðlan Félags um
Þjóðlagasetur sr. Bjarna Þorsteins-
sonar á Siglufirði, Reykjavíkur –
menningarborgar Evrópu árið 2000,
og Siglufjarðarkaupstaðar. Hátíðin
er skipulögð í nafni Félags um Þjóð-
lagasetur sr. Bjarna Þorsteinssonar,
en samstarfsaðilar á Siglufirði eru
Síldarminjasafnið og Siglufjarð-
arkirkja.
Eyþór Eðvarðsson hjá Þekking-
armiðlun hefur búið til afar sláandi
þátt um fornleifauppgröft á Siglu-
nesi, en þar eru ómetanlegar forn-
minjar frá fyrstu tíð, jafnvel 9. öld
að því talið er, sem eru að hverfa í
sjóinn. Umræddan þátt er að finna
á youtube.com.
  
Frú Agnes M. Sigurðardóttir,
biskup Íslands, heimsótti Siglufjörð
5. og 8. mars. Var það liður í vísitas-
íuferð hennar um Norðurland sem
hófst á síðasta ári og var nú áfram
haldið. Með henni í för voru Þor-
valdur Víðisson, biskupsritari, og
Jón Ármann Gíslason, prófastur á
Skinnastað.
  
Landsmót kvæðamanna var
haldið á Siglufirði 7. mars.
  
Afli skipa Ramma hf. á síðasta
ári var rúmlega 18.000 tonn, að
verðmæti tæplega 6 milljarða
króna. Hefur fyrirtækið nú samið
um smíði á nýjum frystitogara hjá
Tersan-skipasmíðastöðinni í Tyrk-
landi fyrir jafnvirði 5,5 milljarða
króna. Gert er ráð fyrir að hann
verði afhentur í desember 2016.
Skipið verður með vinnslubúnað
eins og best gerist.
  
Fríða Björk Gylfadóttir er bæj-
arlistamaður Fjallabyggðar 2015.
  
Tökum á Ófærð, viðamestu
framhaldsþáttaröð sem gerð hefur
verið hér á landi fyrir sjónvarp, lýk-
ur senn en þær hófust nyrðra í lok
janúar. Áður munu tökur hafa farið
fram í Reykjavík og nágrenni fyrir
jól en samkvæmt upplýsingum frá
framleiðslufyrirtækinu, RVK Stud-
ios, eru tökudagar um 85. Hátt í 90
manns vinna að gerð þáttanna.
Framleiðslukostnaður slagar hátt í
milljarð króna, sem gerir hana jafn-
framt að dýrustu sjónvarpsþáttaröð
sem Íslendingar hafa framleitt.
Morgunblaðið/Sigurður Ægisson
Kveðist á Það ríkti mikil gleði á Landsmóti kvæðamanna á Siglufirði.
609 bílar á dag
gegnum göngin
„Þetta próf er
ekki nógu
gott því það
er ekki nógu
nákvæmt. Ef
notað væri
sambærilegt
próf hefði
Embætti
landlæknis
mælt með öðru og nákvæmara
prófi,“ segir Haraldur Briem
sóttvarnalæknir hjá Embætti
landlæknis.
Í þessu samhengi bendir hann
á að árið 2009 hafi starfshópur,
sem hann var í, skoðað sambæri-
leg próf. Þar var annað skim-
unarpróf talið vænlegri kostur
en umrætt próf, EZ DETECT. Það
hafi verið nákvæmara. Haraldur
bendir á að á sínum tíma hafi
fjármunir staðið í vegi fyrir að al-
menn skimun fyrir rist-
ilkrabbameini með blóðprófum í
hægðum hæfist hér á landi.
Er það þá ekki þess virði að
taka prófið ef það gæti mögu-
lega greint einhver tilfelli
krabbameins í ristli? „Við getum
sagt að fyrir þann sem það hjálp-
ar þá er það alltaf þess virði. En
ef horft er til heildarinnar þá
mun þetta ekki skila mjög miklu,
að mínu mati. Þá er líka spurning
hvort það ætti ekki að fara í rist-
ilspeglun því það gæti líka skilað
árangri,“ segir Haraldur og ítrek-
ar að ekki sé vænlegt að fólk taki
próf sem veiti því falskt öryggi
en vissulega sé öllum frjálst að
taka prófið sem það kjósa.
Prófið mun
ekki skila
miklu
EKKI NÓGU NÁKVÆMT PRÓF
Haraldur Briem