Morgunblaðið - 06.03.2015, Side 14

14 | MORGUNBLAÐIÐ
E
lsta systir mín fermdist
borgaralegri fermingu fyrir
fimm árum og ég hugsaði
ekki mikið út í það þá,
fannst það bara eðlilegasti hlutur í
heimi,“ segir Hrafnhildur Ein-
arsdóttir, nemandi í 8. bekk í
Hagaskóla. „Í vetur, þegar fór að
styttast í mína eigin fermingu, tók
ég svo sömu ákvörðun. Ég velti
þessu ekki lengi fyrir mér, mér
fannst eiginlega ekkert annað
koma til greina en að fermast
borgaralega.“
Hún segist ekki hafa látið það
hafa áhrif á sig þó flestir úr vina-
hópnum hafi kosið að fermast í
kirkju. „Ég var ekkert að spá í það
hvað vinkonur mínar eða skóla-
félagar ætluðu að gera og þau
voru ekkert að pæla í því hvers
vegna ég vildi fermast borg-
aralegri fermingu. Mér finnst frá-
bært að við unglingar skulum hafa
þetta val og geta ráðið hlutunum
sjálfir, það þurfa ekki allir að vera
eins.“
Mín skoðun
Hrafnhildur á þrjár systur sem
eru 18, 12 og 5 ára og einn bróður,
2 ára. „Við þrjár elstu systurnar
vorum allar skírðar en yngstu
systkini mín tvö hins vegar ekki.
Það breytti engu varðandi ferm-
inguna þó að ég hafi verið skírð,
mig langaði bara ekki til að láta
ferma mig í kirkju.“
Spurð nánar út í fermingarund-
irbúninginn, sem hófst í byrjun
janúar og stendur fram að pásk-
um, segir Hrafnhildur að henni
hafi ekki fundist neitt erfitt að
mæta ein í fyrsta tíma á námskeiði
Siðmenntar. Þar hafi svo komið í
ljós að hún þekkti nokkra krakka
úr Hagaskóla og hópurinn hafi
strax náð vel saman.
„Mér finnst námskeiðið fræð-
andi og líka mjög skemmtilegt. Við
hittumst einu sinni í viku með leið-
beinandanum og stundum eru
gestir sem koma og spjalla við
okkur. Fluttir eru alls konar fróð-
legir fyrirlestrar um ólík efni og í
tengslum við þá fer fram hópa-
vinna, þá skapast alltaf miklar um-
ræður hjá okkur krökkunum.
Þannig umræður fá mann til að
hugsa málin og segja sína skoðun,
rétta upp hönd og segja hvað
manni finnst. Ég geri það oft og er
ekkert feimin við það.“
Gagnrýnin hugsun
Hrafnhildur segist vera bóka-
ormur, hún hafi alltaf lesið mikið
og velt málunum fyrir sér. „Ég er
mikill pælari og spái í hlutina. Þess
vegna finnst mér borgaraleg ferm-
ing vera svo spennandi. Ég veit að
orðið ferming er þýðing á orðinu
confirmare úr latnesku, en það
þýðir til dæmis að styðja og
styrkja. Í borgaralegri fermingu
er maður einmitt studdur í því að
verða ábyrgur einstaklingur, þar
læri ég meðal annars hvernig ég
get borið ábyrgð á sjálfri mér og
mínu eigin lífi.
Á námskeiðinu fjöllum við um
ólíka siði, tölum um hvað það þýðir
að vera með fordóma, ræðum
gagnrýna hugsun og hvað það sé
miklu betra að skoða hlutina frá
ólíkum sjónarhornum. Maður á
ekki bara að gleypa við öllu sem
maður heyrir og les og samþykkja
það án þess að hugsa frekar út í
það. Það skiptir svo miklu máli að
reyna alltaf að skoða allar hliðar
málsins, ekki bara eina.“
Gagnkvæm virðing
Hrafnhildur kveðst vera þeirrar
skoðunar að fermingarfræðsla Sið-
menntar sé mjög gagnleg fyrir
alla, ekki bara unglinga heldur líka
eldra fólk. „Í rauninni fyndist mér
bara að það ætti að kenna öllum
krökkum það sem við lærum á
undirbúningsnámskeiðinu, það er
svo gott veganesti.“
Hún segir að í borgaralegri
fermingu snúist fræðslan meðal
annars um manngæsku – hvað það
sé mikilvægt að vera ábyrgur, góð-
ur borgari, góður við aðra og sýna
öðrum umburðarlyndi. „Við tölum
mikið um fordóma og fordóma-
leysi, maður þurfi að taka fólki
eins og það er og sýna öllum virð-
ingu. Svo ræðum við um hvað það
sé gott fyrir mann að vera alltaf
opinn fyrir nýjum hugmyndum og
hugsa út fyrir rammann.“
Skemmtileg athöfn
Spurð út í fermingarathöfnina í
Háskólabíói 12. apríl næstkomandi
segist Hrafnhildur hlakka mikið
til. „Í byrjun febrúar fengum við
öll sent bréf þar sem beðið var um
að fermingarbörnin kæmu með
uppástungur varðandi athöfnina,
segðum hvernig við vildum hafa
hana. Spurt var hvort við hefðum
áhuga á að koma sjálf fram, til
dæmis með því að lesa ljóð, flytja
ávarp, syngja, dansa eða spila á
hljóðfæri.
Í bréfinu vorum við líka spurð
hvort við værum með tillögur að
skemmtilegum ræðumanni, en í
öllum borgaralegum ferming-
arathöfnum er einn ræðumaður
sem gefur fermingarbörnunum
holl og góð ráð. Hann talar til
dæmis um umburðarlyndi, gagn-
rýna hugsun, fjölbreytileika og
rétt fólks til að vera öðruvísi, eða
þá að hann talar um unglingsárin
og þessi tímamót.“
Hún leggur áherslu á að fræðsl-
an á námskeiðinu sé mjög góð og
hún sé viss um að hún eigi eftir að
gagnast henni alla ævi. „Allt sem
við lærum í fermingarfræðslunni
er góð undirstaða fyrir lífið. Við
tölum þar mikið um samskipti ung-
linga og foreldra, samskipti
kynjanna, jafnrétti, tilfinningar,
gleði og hamingju. Það er mjög
mikilvægt að tala um alla þessa
hluti. Ég á bara tvo bekki eftir í
grunnskóla og þá fer ég í fram-
haldsskóla og þarf að hugsa enn
sjálfstæðara en núna, þá gæti
komið sér vel fyrir mig að hafa val-
ið borgaralega fermingu.“
beggo@mbl.is
Gott veganesti
Hrafnhildur Einarsdóttir,
nemandi í Hagaskóla,
fermist borgaralegri ferm-
ingu í Háskólabíói 12. apríl
og hlakkar til; hún segir
undirbúningsnámskeið
Siðmenntar vera gagnlegt
og skemmtilegt og það eigi
í raun erindi við alla.
Morgunblaðið/Ómar
Hugsandi „Ég er mikill pælari og spái í hlutina, þess vegna finnst mér borgaraleg ferming vera svo spennandi,“ segir Hrafnhildur Einarsdóttir.
Gagnlegt „Í rauninni fyndist mér bara að það ætti að kenna öllum krökkum það sem við lærum á námskeiðinu.“
’Allt sem við lærumer góð undirstaðafyrir lífið