Morgunblaðið - 06.03.2015, Side 66

66 | MORGUNBLAÐIÐ
Smára tor g i 522 7860 • Korpu torg i 522 7870 • G le r á r to r g i 522 7880 Erum á Facebook • www.p i e r . i s
Fermingargjafirnar
eru hjá okkur
Adeline
snyrtiborð
79.900,-
Stærð:135x49xH80 cm.
Hnöttur
12.990,-
Najya lampi
5.990,-
Papasan stóll 12.990,-
Stærð:114xH60 cm.
Papasan pulla 9.990,-
Sphaira
kúluljós
7.990,-
Frá því ég var lítill strákur hefur
mér alltaf fundist heitu brauðréttirn-
ir í fjölskylduboðum aðalmálið. Ekki
kökurnar heldur heitu réttirnir! Og
svo góðir fannst mér þeir vera að á
seinni árum hélt ég aldrei fjölskyldu-
boð öðruvísi en að bjóða upp á nokkr-
ar tegundir af heitum réttum. Eftir
að við fluttumst til Svíþjóðar hefur
fjölskylduboðum fækkað sökum fjar-
lægðar og um leið tækifærum til að
útbúa þessa ljúffengu heitu rétti og
nú er svo komið að ég sakna bæði fjöl-
skyldunnar og heitu brauðréttanna!
Brauðréttirnir eru alla jafna gerðir
í stóru eldföstu móti og einn réttur
dugar fyrir 10-15 gesti. Það er því
sjaldan ástæða til að gera svona rétt
bara fyrir sjálfan sig. En þessi aðferð
er hugsanlega lausn á þeim vanda.
Nú get ég eldað brauðrétt handa ein-
um hvenær sem er!
2 brauðsneiðar
2 egg
15 ml rjómi
1 skinkusneið
1 msk. rauðlaukur, smátt skorinn
1 msk. paprika, smátt skorin
2 litlir vorlaukar, smátt skornir
steinselja, söxuð
hvítlauksolía
salt og pipar
1. Fyrsta skref er að skera skorp-
una af brauðinu og fletja það út.
2. Penslið svo brauðið með hvít-
lauksolíu og setjið í múffumót með
olíuhliðina að mótinu svo að auðvelt
sé að ná því út.
3. Setjið skinkuna og grænmetið
ofan í brauðformið.
4. Þeytið eggin og rjómann saman í
skál, saltið og piprið.
5. Hellið eggjablöndunni yfir. Bíðið
smástund – brauðið á eftir að draga í
sig vökvann og hægt er að bæta við
meiri eggjahræru.
6. Að lokum raspið þið ost yfir.
7. Bakið í 10-15 mínútur í 180
gráðu heitum ofni.
Berið fram með einföldu salati.
Heitur brauðréttur í bolla a la Ingvarsson
Það kemur fyrir að halda þarf
stærri veislur. Stundum útskrifast
einhver, aðrir fermast, margir gifta
sig, börnin eiga afmæli, flestir eiga
jú stórafmæli einhvern tíma á ævinni
sem þeir vilja fagna. Þá er ágætt að
geta boðið gestum upp á eitthvert
ljúfmeti eins og til dæmis þessar
snittur.
Eitthvað þessu líkt höfum við
feðgarnir gert oftar en einu sinni og
oftar en tvisvar. Einhvern tíma gerð-
um við saman sjö hundruð snittur á
einum morgni. Þá var sko steikt með
annarri hendinni og smurt með
hinni.
Ein með pestói,
brie-osti og ólífum
Auðvitað er hægt að laga sitt eigið
pestó með því að blanda ristuðum
furuhnetum saman við fersk basil-
lauf, olíu, hvítlauk og jómfrúarolíu.
En það getur verið heldur kostnað-
arsamt að fjárfesta í svo miklu af
fersku basil. Það er líka hægt að
djassa upp pestó sem keypt er í búð
með því að blanda saman við það svo-
litlu fersku basil til viðbótar og
kannski smáræði af parmaosti! Gæt-
ið ykkar þó þegar þið kaupið pestó
að lesa innihaldslýsinguna vel – það
er lyginni líkast hvað sumir framleið-
endur setja í pestóið sitt!
Fyrir 30 snittur
1 baguetta,
hvítlauksolía,
500 g brie-ostur,
1 krukka pestó (gjarnan heimagert),
60-70 ólífur
1. Sneiðið baguettuna í 30 jafn-
þykkar sneiðar, penslið þær með
hvítlauksolíu og ristið á pönnu eða í
ofni þangað til þær verða fallega
gullinbrúnar.
2. Smyrjið pestói á brauðsneið-
arnar, setjið næst ostbita á brauðið
og raðið svo nokkrum ólífum ofan á
ostinn. Saltið og piprið. Festið með
tannstöngli.
Önnur með salami, basil
og grillaðri papriku
1. Sneiðið baguettuna í 30 jafn-
þykkar sneiðar, penslið þær með
hvítlauksolíu og ristið á pönnu eða í
ofni þar til þær verða fallega gull-
inbrúnar.
Það er hægt að kaupa tilbúnar
peperoni grigliati (grillaðar paprik-
ur) í krukku en það er líka leikur
einn að laga þær sjálfur (sjá bls. 109
– þá með spagettíinu). Það eina sem
þarf að gera er að pensla nokkrar
paprikur með jómfrúarolíu og grilla í
ofninum í 30 mínútur. Svo eru þær
settar í skál og plastfilma sett yfir
sem verður til þess að ytri himnan
losnar auðveldlega af. Svo er bara að
skera paprikurnar í hæfilega bita og
geyma í jómfrúarolíu þangað til
mann langar í þær!
Fyrir 30 snittur
1 baguetta,
1 krukka rautt pestó,
30 þunnar salamisneiðar,
30 bitar af peperoni grigliati,
30 basillauf
2. Smyrjið pestói á brauðið og
setjið svo salamisneið á.
3. Tyllið basillaufi ofan á og
paprikubita efst.
Festið með tannstöngli.
Síðan ein með parmaskinku
og sólþurrkuðum tómötum
Það er auðvitað engin skylda að
nota parmaskinku í snittu eins og
þessa. Það má auðvitað söðla um og
nota serrano-skinku, já, eða bara
hvaða þurrkuðu skinku sem völ er á.
Í Lundi stendur okkur til boða heil-
mikið úrval af þýskri skinku sem
mér finnst líka mjög góð, skinka frá
Vestfalíu er sérlega gómsæt. Kletta-
salatið hefur ögn piprað bragð og
gefur snittu sem þessari ljúffengt
bragð.
Fyrir 30 snittur
1 baguetta,
1 krukka ólífu-tapenade,
15-20 sneiðar parmaskinka,
75 g klettasalat,
30 bitar sólþurrkaðir tómatar
(ein krukka)
1. Sneiðið baguettuna í 30 jafn-
þykkar sneiðar, penslið þær með
hvítlauksolíu og ristið á pönnu eða í
ofni þar til þær verða fallega gull-
inbrúnar.
2. Smyrjið tapenade á brauðið og
setjið svo hálfa sneið af parma-
skinku á það.
Ljúffengar
snittur fyrir
veisluna