Morgunblaðið - 06.03.2015, Side 18

18 | MORGUNBLAÐIÐ
Fermingargjöf sem gefur
Fermingarskeyti eða gjafabréf frá Hjálparstarfi kirkjunnar er
gjöf sem heldur áfram að gefa. Fermingarbarnið
fær skeytið eða bréfið í hendurnar en
andvirðið rennur til jafnaldra fermingar-
barnsins sem býr við fátækt.
Sendu skeyti, það kostar 1.990 kr. Eða gefðu
fermingargjafabréf að upphæð 5.000 kr.
Þú færð skeytin og gjafabréfin á
www.gjofsemgefur.is eða pantar þau á
skrifstofunni okkar, 528 4400. Þú prentar út,
sækir til okkar – eða við sendum fyrir þig. Einfalt og gleðilegt.
Óskalistinn minn:
Rúm
Myndavél
Svefnpoki
iPod
Vefmyndavél
Teppi
Orðabók
Hálsmen
Svo væri gaman
að fá pening og
„Gjöf sem gefur“.
Mig langar til að
einhver sem er
ekki eins heppinn
og ég fái að njóta
með mér.
www.gjofsemgefur.is
Við systkinin erum
munaðarlaus. 1.990 kr.
fermingarskeyti á Íslandi
dugar fyrir 3 hænum.
Þær gefa okkur fullt
af eggjum.
5.000 kr. gjafabréf á
Íslandi myndi gefa
okkur geit.
Eða kannski reiðhjól.
Þá kæmist ég á markað
með uppskeruna okkar
og við fengjum pening.
Óskalistinn minn:
PI
PA
R\
TB
W
A
•
SÍ
A
•
13
06
91
F
ermingaraldurinn er merki-
legur tími. Framtíðin er enn
óráðin og framundan eru ár
sem marka stefnuna sem lífið
mun taka hjá unglingnum. Með rétta
stuðningnum og hvatningunni er
ekkert ómögulegt, og engin takmörk
fyrir því hvað hægt er að afreka.
Ein áhugaverð leið til að efla og
styrkja barnið er að nýta náms-
möguleikana sem í boði eru hjá AFS.
Um langt skeið hefur AFS á Íslandi
sent ungmenni út í heim til að kynn-
ast framandi menningu, læra ný
tungumál og vaxa sem einstaklingar.
Nýlega hafa bæst við nýjar náms-
leiðir sem vara í skemmri tíma, eru
ódýrari og geta hentað yngri aldurs-
hópum.
Valdamiðstöð Evrópu
Guðrún Hulda Eyþórsdóttir er
fræðslustjóri AFS:
„Árið 2013 hófum við að bjóða upp
á þriggja mánaða Evrópuferðir.
Rétt eins og í löngu AFS-skipt-
inámsferðunum fer nemandinn út í
heim, dvelur hjá fósturfjölskyldu og
stundar nám við venjulegan skóla,
nema hvað dvölin er styttri og lýkur
ferðinni með heimsókn til Brussel.
Þar safnast nemendurnir saman og
verja nokkrum dögum í alþjóðlegum
námsbúðum þar sem þeir læra um
og heimsækja Evrópustofnanirnar.
Er lagt af stað á haustin og börnin
komin aftur heim í byrjun desem-
ber, reynslunni ríkari, víðsýnni og
búin að eignast nýja vini.“
Mörg lönd og borgir í Evrópu
koma til greina en Guðrún segir ís-
lensku nemendurna dreifast um alla
álfuna. Eru þriggja mánaða ferð-
irnar hugsaðar fyrir aldurshópinn
frá 15 til 18 ára, og mögulegt að
lengja dvölina ef þess er óskað.
„Nemendurnir velja sér land sem
þeim þykir menningarlega spenn-
andi en það getur breyst eftir tísku
og tíðaranda hvaða staðir eru vin-
sælastir hverju sinni.“
Leiðtogahæfni og samskipti
AFS á Íslandi er síðan nýbyrjað
að bjóða upp á dvöl í alþjóðlegum
sumarbúðum á Englandi annars
vegar og Spáni hins vegar. „Al-
þjóðlegu sumarbúðirnar eru ætlaðar
ungmennum á aldrinum frá 13 til 18
ára og varir dvölin í tvær vikur á
Englandi en fjórar vikur á Spáni.
Fararstjóri fylgir nemendunum út
og þar eru þeir undir leiðsögn fag-
fólks allan tímann,“ útskýrir Guð-
rún.
Hópnum er skipt upp í yngri og
eldri aldurshópa og fengist við
margbreytileg verkefni sem miða að
því bæði að þroska unglingana og
styrkja. „Hluta tímans er varið í
tungumálanám svo nemendurnir
geta ýmist bætt þekkingu sína eða
öðlast góðan grunn í nýju máli. Leið-
togahæfni og sjálfstyrking leikur
líka stórt hlutverk í námskránni.
Einnig leggjum við ríka áherslu á að
auka menningarvitund nemenda og
þjálfa þá í samskiptum við fólk með
ólíkan bakgrunn.“
Guðrún segir síðastnefnda þáttinn
kannski verðmætasta veganestið
sem nemendur taka með sér heim.
„Atvinnulífið er í dag orðið alþjóð-
legur vettvangur þar sem samstarfs-
menn og viðskiptavinir eru af öllum
toga. Það er mikilvægur og verð-
mætur hæfileiki fyrir unga fólkið að
bera skynbragð á hefðir, venjur og
siði annarra þjóða og geta átt í já-
kvæðum samskiptum sem byggjast
á næmni fyrir ólíkum viðhorfum og
reglum.“
Ævintýri í útlöndum
Alþjóðlegu sumarbúðirnar geta,
að sögn Guðrúnar, verið gott fyrsta
skref í að móta unglinginn í að verða
heimsborgari. Hann er þarna færð-
ur í alþjóðlegt umhverfi en um leið
með ákveðið öryggisnet, og tekinn
út fyrir þægindarammann sem hann
er vanur í sínu eigin heimalandi.
„Þátttakendur sitja ekki aðeins
námskeið og fyrirlestra heldur er
farið með þá í borgarferðir til spenn-
andi áfangastaða og þeir byrja að
læra að fóta sig úti í hinum stóra
heimi.“
Verðið á stuttu Evrópuferðunum
og alþjóðlegu sumarbúðunum er
töluvert lægra en hálfs- og heils-
ársferðir AFS. Þannig kostar
þriggja mánaða Evrópudvöl á bilinu
600-700.000 kr. og er þar allt innifal-
ið, s.s. flug, húsnæði og skólavist. Al-
þjóðlegu sumarbúðirnar kosta
345.000 kr. ef dvalið er í Bretlandi en
500.000 kr. á Spáni og er þá flug,
fullt fæði, gisting, kennsla, ferðir og
umsjón leiðbeinenda innifalið.
ai@mbl.is
Stíga fyrstu skrefin í átt að því
að verða heimsborgarar
AFS býður nú upp á styttri
námsferðir til Evrópu með
áherslu á stofnanir ESB, og
alþjóðlegar sumarbúðir á
Spáni og Englandi þar sem
nemendurnir eru m.a.
þjálfaðir í leiðtogafærni.
Morgunblaðið/Árni Sæberg
Ferðaúrval „Það getur breyst eftir tísku og tíðaranda hvaða staðir eru vinsælastir hverju sinni,“ segir Guðrún Hulda Eyþórsdóttir.
AFP
Áhrif Þriggja mánaða Evrópudvölin endar í hjarta Evrópusambandsins
þar sem nemendurnir fræðast um stofnanirnar. Frá Evrópuþinginu.
AFP
Veraldarvön Gegnum AFS geta ungmennin byrjð að læra að fóta sig út
í hinum stóra heimi. Refur á vappi við Downing-stræti 10 í London.
Það er mikilvægur og verðmætur hæfileiki fyrir unga
fólkið að bera skynbragð á hefðir, venjur og siði ann-
arra þjóða og geta átt í jákvæðum samskiptum.