Húnavaka - 01.05.1965, Page 41

HÚNAVAKA
39
skólanefnd kvennaskólans á \'tri-Ey og hafði þar eftirlit með bú-
skapnum um hríð. Hann var líka hinn mesti búmaður og eigi
nema þrjár bæjarleiðir milli Árbakka og Ytri-Eyjar.
Eíng fór Þuríður á Ytri-Eyjar skóla og var þar í þrjá vetur. Hún
stundaði einnig nám í Reykjavík og framaðist erlendis. Var hún
námskona ágæt og stundaði mikið hannyrðanám.
Það var því ofur eðlilegt, að Elín Briem fengi þennan vel mennt-
aða nemanda sinn að skólanum, en um Elínu Briem er sagt: „Að
hún tók eigi til þess aðrar en þær senr hún þekkti að reglusemi og
dugnaði og vorn vel að sér í þeim greinum, er þær skyldu kenna.“
Voru það oft stúlkur, er hjá henni höfðu numið í skólanum og
skarað fram úr að gáfum og námshæfileikum. Þuríður Jakobsdótt-
ir var í tölu slíkra nemenda. Eigi var Þuríður kennslukona á Ytri-
Ey nema veturinn 1894—1895 og er eigi ólíklegt að því hafi valdið
að Elín Briem hvarf frá skólanum á vordögum 1895. Mun Þuríður
þá hafa haldið til Reykjavíkur á næstu árum og gerðist hún þá
kennslukona í hannyrðum við Kvennaskólanu í Reykjavík og hélt
því starfi um 30 ára skeið. Arið 1899 giftist hún jens Lange málara-
meistara, dönskum manni, gáfuðum og vel ættuðum. Hann var
hinn merkasti maður og bókhneigður. Þau eignuðust eina dóttur
barna, Thyru, sem varð stúdent og lauk prófi í tannlækningunr í
Höfn árið 1903. Hefur hún stundað tannlækningar í Reykjavík.
Hún giftist Pálma Loftssyni forstjóra í Reykjavík. Þau eignuðust
fallegt heimili á Sóleyjargötu 19. Þar dvaldi Þuríður á síðari árum,
en maður hennar, Jens Lange, andaðist á undan henni en sjálf and-
aðist hún 2. janúar 1961.
Þau hjón, Þuríður og Jens, voru iðjusamir borgarar og vel látin.
Þau höfðu snemma á búskaparárum sínunr eignazt hús á góðum
stað í bænunr, Laugaveg 10, er þau bjuggu lengst af í. Þau voru
bæði fróðleiksfús og höfðu yndi af góðum bókunr innlendum og
erlendum. Áttu þau safn úrvalsbóka er voru vel með farnar.
Þegar Þuríður var að alast upp á Árbakka, mátti segja að Höfða-
kaupstaður væri á ýmsan máta hálfdanskur bær. Má því til sönn-
unar nefna, að tvær voru verzlanir þar, er útlendir menn áttu, á
Hólanesi og Skagaströnd. Voru því jafnan útlendir verzlunarþjón-
ar. Þar voru ýmsir danskir menn er ílengdust hér og ættir eru
komnar frá svo sem Schram, Bryde, Möller, Stiesen, Berndsen.
Snemma munu þessir menn hafa stofnað með sér bókasafn, eink-