Húnavaka - 01.05.1965, Page 73

H Ú N A V A K A
71
ævinlega tekið lagið, þegar ekkert raarkvert var að sjá og var þá
fararstjórinn betri en enginn.
Bílstjórinn sagði okkur, að inikið væri ura drauga í Oxnadaln-
um og væri aðalsamkomustaður þeirra á Gloppu, eyðibýli ofarlega
í dalnum. I}ar kæmu þeir saman og dönsuðu liverja nótt, þar til
dagur risi.
A Moldhaugahálsinum ofan við Þelamörkina, livað Jón bílstjóri
vera ýmislegt á ferli, er dimma tæki. Sagði hann okkur sögu af
manni einum frá Akureyri, sem ætlaði til Dalvíkur um kvöld að
haustlagi, og var einn í jeppabíl. Þegar hann kemur upp á hálsinn,
sér hann að hermaður er kominn í framsætið. Verður honum illa
við, stoppar og ætlar að hleypa þessum gesti út, en auðvitað er þá
enginn í bílnum. Fer liann þá af stað aftur og er farþeginn þegar
kominn í framsætið aftur. Ekur nú bílstjórinn alltaf hraðara og
hraðara, en hinn situr sem fastast. Kemur þar, að sá er bílnum stýr-
ir treystir sér ekki að hafa stjórn á sér lengur og beygir heim að
Möðruvöllum, hverfur þá farjjeginn samstundis, en bílstjórinn baðst
gistingar þar, treysti sér ekki að halda áfram til Dalvíkur fyrr en
birti.