Dagblaðið Vísir - DV - 16.01.2009, Blaðsíða 15

Í drögum að ályktunum, sem lagð-
ar verða fyrir flokksþing Framsókn-
arflokksins, er lagt til að Ísland hefji
aðildarviðræður að Evrópusam-
bandinu á grundvelli umboðs frá
Alþingi. Áskilið er meðal annars að
hagsmunir landbúnaðar og sjávarút-
vegs verði sérstaklega tryggðir og að
forræði yfir auðlindum verði áfram í
höndum þjóðarinnar. Einnig er lagt
til að íslenska þjóðin taki afstöðu til
aðildarsamnings í þjóðaratkvæða-
greiðslu í kjölfar upplýstrar umræðu
eins og það er orðað. Framsóknar-
menn vilja jafnframt að fæðuöryggi
þjóðarinnar verði tryggt og að viður-
kennt verði að íslenskur landbúnað-
ur sé heimskautalandbúnaður.
Lagt er fyrir flokksþingið að við
kosningar til Alþingis og sveitar-
stjórna verði leitað leiða til að per-
sónukjör og vægi kjósenda aukist við
röðun á lista. Jafnframt verði reynt
að skapa meiri nálægð milli kjörinna
fulltrúa og kjósenda. Leitast verði við
að tryggja sem jafnast vægi atkvæða
á landsvísu.
Lagt er til að lög verði sett um fjöl-
miðla og eignarhald þeirra. Einnig
að Ríkisútvarpið verði rekið áfram
í eðlilegri samkeppni við aðra fjöl-
miðla og almannaþjónustuhlutverk
þess verði aukið.
Vilja samstöðu um formann
Flokksþing Framsóknarflokks-
ins verður sett í dag, en því lýkur á
sunnudaginn með kjöri nýrrar for-
ystu. Þrír af fimm frambjóðendum
berjast um formannsstólinn. Hös-
kuldur Þórhallsson þingmaður, Sig-
mundur Davíð Gunnlaugsson skipu-
lagshagfræðingur og Páll Magnússon
bæjarritari. Allir eru þeir á fertugs-
aldri. Á laugardaginn tekur flokks-
þingið afstöðu til breytinga á lögum
flokksins sem snerta meðal ann-
ars fyrirkomulag á kjöri formanns.
Lagt er til að fái ekki einn einstakur
frambjóðandi meirihluta atkvæða
í fyrstu atrennu verði kosið aftur
milli tveggja efstu manna. Þetta
er lagt til með það fyrir augum
að auka samstöðu um flokks-
formanninn.
Mismunandi áherslur
Tekist verður á um stefnu flokksins í
Evrópumálum en flokksþinginu var
flýtt til þess að taka af skarið og slá á
innanflokksdeilur um Evrópustefnu
flokksins. Páll er sá frambjóðandi til
formanns sem lengst gengur; hann
vill aðildarviðræður. Höskuldur er
hófsamari og Sigmundur telur að að-
ild að ESB dugi skammt til að leysa
bráðavanda þjóðarinnar nú.
Ljóst er að veruleg endurnýjun
verður í forystu Framsóknarflokksins
á þinginu og nánast um kynslóða-
skipti að ræða. Stuðningsmenn Páls
styðja að miklum hluta Birki J. Jónsson
í varaformannssætið. Birkir er einnig
talinn eiga fylgi í varaformannssætið
meðal stuðningsmanna Sigmundar.
Ný
forysta flokks-
ins verður kjörin á sunnudaginn
en varaformaður er valinn að loknu
formannskjöri. Talið er hugsanlegt
að Birkir dragi framboð sitt til baka
verði Höskuldur kjörinn formað-
ur flokksins, en óheppilegt þykir að
hafa formennina úr sama kjördæmi.
Siv Friðleifsdóttir, þingmaður Fram-
sóknarflokksins, býður sig fram í
varaformannssætið gegn Birki.
föstudagur 16. janúar 2009 15Helgarblað
Blóm og gjafavara
í miklu úrvali
Hólagarði · Sími 557-3460
Inngangur sunnanmegin
Munið bóndadaginn 23. janúar
Framsókn leggur til
aðildarviðræður
Flokksþing Framsóknarflokksins hefst í dag, en því lýkur á sunnudag með kjöri nýrrar forystu. Formanns-
slagurinn hefur harðnað á síðustu dögum og óvíst er að einhver einn þeirra sem helst koma til greina nái
meirihluta atkvæða í fyrstu atrennu.
Einnig er lagt til að
íslenska þjóðin taki
afstöðu til aðildar-
samnings í þjóðarat-
kvæðagreiðslu í kjöl-
far upplýstrar umræðu
eins og það er orðað.
Valgerður Sverrisdóttir Er fjórði
formaður framsóknarflokksins sem
stígur niður af valdastóli á aðeins
örfáum árum. flokksmenn eru orðnir
fullsaddir á innanflokksátökum.
Evrópusambandið framsókn-
armenn ætla að leiða til lykta
innanflokksátök um Evrópu-
stefnu sína og leggja til
aðildarviðræður í drögum að
ályktun.
Jóhann haukSSon
blaðamaður skrifar: johannh@dv.is