Dagblaðið Vísir - DV - 16.01.2009, Blaðsíða 27

föstudagur 16. janúar 2009 27Helgarblað
Það er kreppa og það er janúar. Ef nú er ekki rétti tíminn til að hjúfra sig að
hlýju og kærleiksríku dýri, láta kjassa sig og knúsa og gera slíkt hið sama á
móti er aldrei rétti tíminnn til þess. dV heyrði í nokkrum þjóðþekktum
einstaklingum sem búa svo vel að eiga gæludýr sem þeir elska meira en
alla heimsins flatskjái, hlutabréf og gullkort.Gæludýr eru
Gulls íGildi
Jói Fel bakari
Tók marGra ára Tuð að fá hund
ragnheiður elín Clausen, Fyrrverandi þula
smjaTTa á GnísTiGómum
„Ég á þrjá hunda, tvo husky-hunda sem
heita Heimskautahríma og Heimskauta-
hekla og svo eina blandaða tík sem heitir
Krumma. Hríma og Hekla eru systur og
alveg einstaklega skemmtilegir
karakterar og ég er mjög náin þeim. Þær
tala við mig með því að úa einhvern
veginn og skamma mig stundum til
dæmis þegar ég kem seint heim, ef ég
vaki of lengi eða eitthvað slíkt. Miklar
persónur. Þær eru líka mjög ólíkar, Hekla
er eins og herforingi og ekki hrædd við
neitt á meðan Hríma þorir varla enn út
að pissa eftir áramótin. Krumma er þriðja
tíkin en hún er blanda af irish setter,
labrador og border collie og hún er
gáfuð eins og mannvera.
Það er svolítið skondið að segja frá því
að ég á svona gnístigóm og þær hafa
allar tekið upp á því að stela honum og
smjatta þá í spað. annars eru þær mjög
ljúfar.“
Margrét lára viðarsdóttir Fótboltakona
Gullfiskar oG dramaTík
„Besta vinkona mín gaf mér fiska í afmælisgjöf síðasta sumar.
Henni fannst ég eiga allt og það væri svo erfitt að velja handa
mér gjöf. Henni fannst því mjög sniðugt að gefa mér gullfiska.
Ég get ekki sagt að ég sé búin að bindast þeim sterkum
tilfinningaböndum. Ef ég er alveg hreinskilinn eru þeir svolítið
til trafala og það hefur verið mikil dramatík í kringum þá.
Maður þarf að koma þeim í pössun þegar maður er ekki heima
eða fer til útlanda og það gerist mjög oft í mínu tilfelli. Kannski
þykir manni nú samt vænt um þá innst inni.
Ég hef ekki mikið verið í gæludýrunum en afi var með hesta
þegar ég var lítil og ég er mikið fyrir þá. En það hefur nú ekki
gefist mikill tími fyrir annað en fótbolta og skóla síðan ég flutti
frá Eyjum. Kannski að maður sinni hestunum betur þegar
maður hefur meiri tíma.“
bJörgvin halldórsson söngvari
dreGinn fram úr af keTTinum
„Við eigum tvo ketti. fyrstan skal telja hann jökul Ljónshjarta,
níu ára hvítan persa af tegundinni color point. Hann er
aðalkallinn á heimilinu. síðan er það Emma Lína ellefu ára sem
er grá, hálf síams og hálf villikisa. Þau eru miklir vinir og góð
við hvort annað þótt þau séu af tveimur ólíkum heimum.
Ég er alinn upp við ketti í kringum mig og það hafa alltaf verið
kettir á heimilinu mínu. Þeir eru sjálfstæðir og sérstakir og gefa
manni mikið þegar þeir vilja. svo eru þeir líka dularfullir, fullir
af visku og hlýju og róa mann niður. jökull vekur okkur hjónin
á hverjum morgni og gefst ekki upp
fyrr en hann hefur komið okkur fram
úr eldsnemma á morgnana að tala
við sig eða jafnvel fara í fótbolta ef
vel liggur á honum. Emma er ennþá
svolítill villiköttur í sér og verður
aldrei fullorðin. Hún skýst um alla
íbúð endrum og sinnum og vill leika
sér.“
sigríður beinteinsdóttir söngkona
kafar með opin auGu
„Hann heitir frosti og er 90 prósent golden retriever-hundur.
Það er bara smá Íslendingur í honum. Hann er með hvítt
framan á loppunum og svo er hann ekki með rétta hausinn en
hann er alveg yndislegur karakter.
Hann er tíu ára og algjör dekurrófa. Ég bý í einbýlishúsi og hef
stóran garð svo ég lét útbúa stórt virki fyrir hann svo hann er
með sinn eigin stóra garð sem hann valsar inn og út um eins
og honum hentar, eins og ég segi, bara algjör dekurrófa. Ég
reyni að fara með hann út á hverjum degi og þá löbbum við í
40 til 60 mínútur.
frosti gerir nokkuð sem fáir hundar gera, það er að kafa með
opin augun. stundum sér maður hann bara fara á bólakaf svo
rassinn stendur einn upp úr. Ef hann kafar í ferskvatni og sér
niður á botn getur maður séð að hann er með opin augu, alveg
eins og selur bara. Það er alveg svakalega skemmtilegt að
horfa á það. Hann má ekki sjá vatn þá vill hann fara út í.
annars er hann svo blíður og góður og ég veit ekki hvað ég
myndi gera án hans.“
Opnað hefur verið fyrir umsóknir um
jöfnunarstyrk. Umsóknarfrestur á vorönn
2009 er til 15. febrúar nk.
Nemendur framhaldsskóla geta átt rétt á:
Dvalarstyrk (verða að dvelja fjarri lögheimili
og fjölskyldu sinni vegna náms).
Akstursstyrk (sækja nám frá lögheimili og
fjölskyldu fjarri skóla.)
Nánari upplýsingar og skráning umsókna
vegna vorannar 2009 er á www.lin.is
Lánasjóður íslenskra námsmanna
Námsstyrkjanefnd
Jöfnunarstyrkur til náms