Dagblaðið Vísir - DV - 16.01.2009, Blaðsíða 28

föstudagur 16. janúar 200928 Sakamál
Morðið á McDonalDs
jackie Marshall var önnum kafin við það sem hún hafði yndi af að gera. dagurinn
var 16. apríl 2005, það var hádegi og hin 57 ára amma var brosmild að sjá um
barnaveislu á Mcdonalds-veitingastaðnum sem hún stýrði í Chichester í Vestur-
sussex á Englandi. Það átti eftir að breytast. örfáum sekúndum síðar gekk hinn
tvítugi shane freer inn á veitingastaðinn. Hann hafði fengið reisupassann þennan
sama morgun og var allt annað en sáttur. Án nokkurs hiks stikaði hann rakleitt að jackie Marshall,
sem átti sér einskis ills von. Lesið um afdrif jackie Marshall í næsta helgarblaði dV.
SaklauS í Svartholinu
Bretinn Andrew Adams sat fimmtán ár saklaus í fangelsi. Hann hélt allan tímann fram sakleysi sínu og
áfrýjaði dómnum yfir sér án árangurs. Árið 1998 samþykkti nefnd, sem sett var á laggirnar til að rannsaka
mál þar sem grunur var um að réttlætis hefði ekki verið gætt, að fara yfir mál Andrews.
Árið 1992 var Andrew Adams, þá
tuttugu og eins árs, handtekinn fyrir
morðið á Jack Royal, 58 ára kennara
sem sestur var í helgan stein. Andr-
ews hafði þá nýlega kynnst Claire
Brayson og þau ákveðið að rugla
saman reytum. Framtíðin virtist
björt, en annað átti eftir að koma á
daginn.
Árið 1987 hafði Jack Royal lent
í handalögmálum við brotajárns-
sala, David Thompson, fyrrverandi
viðskiptafélaga sonar hans. Lykt-
ir þeirra handalögmála höfðu orð-
ið þær að Royal stakk Thompson
sautján sinnum með vasahníf með
þeim afleiðingum að Thompson
lést af sárum sínum. Royal hélt því
fram að um sjálfsvörn hefði verið að
ræða og var síðar sýknaður.
Að kvöldi 19. mars 1990 var
hringt dyrabjöllu á heimili Royal-
hjónanna í úthverfi Gateshead. Um
leið og Royal kom út á veröndina var
hann skotinn einu skoti í höfuðið.
Tengir morðið við
brotajárnssalann
Frá upphafi var lögreglan þess
fullviss að morðið á Royal tengd-
ist morðinu á brotajárnssalanum
og innan þriggja vikna hafði hún
handtekið 19 ára karlmann sem
var síðan ákærður fyrir morðið. Sá
var eftir þriggja vikna réttarhöld
fundinn sýkn saka af kviðdómi,
enda reyndist ómögulegt að hrekja
fjarvistarsönnun hans sem staðfest
var af eiginkonunni.
Ekki leið á löngu þar til sjónir
lögreglunnar beindust að Andrew
Adams og byggðist áhugi hennar á
ábendingu frá innbrotsþjófi sem átti
yfir höfði sér strangan dóm. Sá sagði
að hann hefði verið beðinn að aka
með Andrews á bílastæði í Gates-
head. Þar hefði Andrews sest inn í
hvíta Montego-bifreið og ekið brott.
Innbrotsþjófurinn sagði að Andr-
ews hefði sagt: „Ég lét hann hafa
það í hausinn.“ Síðan, að sögn inn-
brotsþjófsins, bar Andrews eld að
Montego-bifreiðinni og ók síðan á
brott með innbrotsþjófnum.
Verknaðurinn átti að vera afmæl-
isgjöf til kærustu Andrews, Sue, sem
ku hafa beðið hann að myrða Roy-
al. Sú staðreynd, sem kom fram við
réttarhöldin yfir Andrews, að sam-
bandi hans og Sue væri löngu lokið
og hann hefði þar af leiðandi enga
ástæðu til að myrða Royal, hafði
engin áhrif. Andrews var sakfelld-
ur 18. maí 1993 og þegar dómur féll
stóð hann í sakborningsstúkinni og
hrópaði: Ég er saklaus og lögreglan
veit það.“
Erfiður fangi
Andrews var dæmdur til lífstíðar-
fangelsis og hélt áfram fram sak-
leysi sínu og naut stuðnings Claire
og fjölskyldu sinnar. Árið 1997 tók
áfrýjunardómstóllinn í Lundúnum
mál hans fyrir, en Andrews tapaði.
Sín fyrstu ár á bak við lás og
slá var hann fullur réttlátrar reiði.
Hann neitaði að fara að reglum og
var fyrir vikið fluttur frá einu fang-
elsinu í annað. „Ég hef verið í fjölda
fangelsa. Durham, Frankland, Full
Sutton, Brixton, Wakefield, Belm-
arsh, Whitmoor, Long Lartin – oft
fram og til baka á milli þeirra,“
sagði Andrews.
Það var ekki til að létta fangels-
isvistina að móðir hans lést vegna
krabbameins á meðan hann var
inni og hann fékk ekki nema tut-
tugu mínutur, hlekkjaður við
fangavörð, til að kveðja hana þar
sem hún lá á banabeð sínum.
Las lögfræði í klefa sínum
Þegar Andrews virtist sem öll sund
væru lokuð heyrði hann af nefnd
sem stofnuð hafði verið til að fara
yfir mál þar sem áhöld voru um að
réttur dómur hefði verið kveðinn
upp. Árið 1998 samþykkti nefndin
að kíkja nánar á mál hans og í kjöl-
farið róaðist Andrews og öldur reiði
hans lægði.
En sökum anna nefndarinnar
liðu þrjú ár áður en nokkuð gerð-
ist, og Andrews notaði tímann til
að læra pípulagningar, stundaði lík-
amsrækt og á kvöldin las hann lög.
Það var ekki fyrr en 2005 sem
nefndin lagði fram áttatíu og sex
síðna skýrslu, afrakstur fjögurra
ára rannsóknarvinnu, og mæltist
til þess að mál Andrews færi aft-
ur fyrir áfrýjunardómstólinn. Máli
sínu til stuðnings vísaði nefndin til
fjölda atriða sem ekki stóðust nána
skoðun.
Mikilvæg vitni ekki yfirheyrð
Eitt þeirra atriða sem fóru fyrir
brjóstið á nefndinni var að lykil-
vitni höfðu ekki verið yfirheyrð við
réttarhöldin. Þjónustustúlka, sem
hafði séð flóttabifreiðina, hvíta
Montego-inn, fullyrti að Andrews
hefði ekki ekið bifreiðinni.
Öryggisvörður við bílastæðið
þar sem kveikt var í Montego-bif-
reiðinni hafði sagt lögreglunni að
engum öðrum bíl hefði verið ekið
út af bílastæðinu. Vitnisburður
hans stangaðist á við frásögn inn-
brotsþjófsins sem sagðist hafa ekið
á brott með Andrews eftir að eldur
var borinn að Montego-bifreiðinn.
Vitnisburður innbrotsþjófs-
ins var þungamiðja málflutnings
ákæruvaldsins, en Andrews hafði
ávallt haldið því fram að sá hefði
gert „subbulegt samkomulag“ við
lögregluna, enda hafði hann feng-
ið skilorðsbundinn dóm eftir að
dómari hafði heyrt af hjálpsemi
hans við lögregluna.
Til að fullkomna efasemd-
ir nefndarinnar gaf sig fram kona
ein úr kviðdómnum. Hún fullyrti
að hún og aðrir í kviðdómnum
hefðu verið undir sterkum og ít-
rekuðum áhrifum frá einni konu í
kviðdómnum. Sú hafði fullyrt við
hvert tækifæri sem gafst að hún
þekkti vel til málsins og að Andr-
ews væri sekur.
Eftir að hafa fengið ný sönn-
unargögn í hendur og heyrt nýja
vitnisburði sneri áfrýjunardóm-
stóllinn fyrri dómi yfir Andrews.
Eftir að hafa saklaus eytt fimmtán
árum á bak við lás og slá var Andr-
ew Adams frjáls maður.
Enn sem komið er hefur lög-
reglan ekki fundið morðingja
Jacks Royal og ekki er vitað hvort
lögreglan hyggist hefja rannsókn
að nýju.
uMsjón: koLbEinn ÞorstEinsson, kolbeinn@dv.is
Að kvöldi 19. mars 1990 var hringt dyrabjöllu
á heimili Royal-hjónanna í úthverfi Gateshead.
Um leið og Royal kom út á veröndina var hann
skotinn einu skoti í höfuðið.
Andrew Adams og
Claire frjáls eftir
fimmtán ár í grjótinu.
LAND-ROVER EIGENDUR
ÞAÐ ER ENGINN SKORTUR Á VARAHLUTUM
Í LAND-ROVER HJÁ OKKUR

Seljum Brakeworld hemlaklossa í margar gerðir bifreiða
Varahlutir ehf Smiðjuvegi 4 A Kópavogi
Símar: 587-1280 849-5740