Dagblaðið Vísir - DV - 08.05.2009, Side 40

föstudagur 8. maí 200940 Sakamál
Vonda stjúpan Þrjátíu og níu ára að aldri varð martha rendell
þriðja, og síðasta, konan sem hengd var í Ástralíu. martha hafði flutt inn til
thomasar Nicholls eftir að hann skildi við eiginkonu sína.
thomas hafði forræði yfir fimm börnum þeirra hjónanna, og skikkaði
martha börnin til að kalla hana „mömmu“. En móðureðlið virtist mörthu
ekki í blóð borið og börnunum fækkaði. Lesið um vondu stjúpuna í næsta
helgarblaði dV.
Sendur af Guði
Joseph Vacher flæktist um suðausturhluta Frakklands undir lok nítjándu aldar, betlandi, stelandi og myrð-
andi. Svo hroðaleg voru morð Josephs, svo skelfilegar voru limlestingar hans að hann öðlaðist nafngiftina
„Suðaustur kviðristan“.
Joseph Vacher fæddist 16. nóvem-
ber 1869 í Bourg-en-Bresse í Frakk-
landi. Hann var sonur ólæss bónda
og var ungur að árum sendur í kaþ-
ólskan skóla þar sem í heiðri voru
hafðar afar strangar reglur. Í skól-
anum var Joseph innrætt hlýðni og
guðhræðsla.
Sagan segir að Joseph hafi litið
á það sem björgun frá lífi í fátækt
og skorti, þegar hann var kallaður
í herinn árið 1893. Örvæntingar-
fullur vegna þess hve hægt gekk að
klifra upp metorðastigann reyndi
Joseph í fyrsta skipti að fremja
sjálfsvíg, með því að reyna að skera
sig á háls.
Á meðan Joseph var í hernum
varð hann ástfanginn af Louise,
ungri þjónustustúlku, og gerði hos-
ur sínar grænar fyrir henni. Louise
endurgalt ekki tilfinningar Josephs,
en engu að síður gerði Joseph loka-
tilraun til að heilla hana og fá hana
til að trúlofast honum áður en
hann snéri heim á leið í lok her-
skyldunnar.
Hryggbrot og morðtilraun
Louise var þá búin að fá sig full-
sadda af Joseph og hafnaði honum
og hæddi. Óður af bræði og niður-
lægingu skaut Joseph hana fjórum
skotum og reyndi síðan að fremja
sjálfsvíg. Áður en lengra er haldið
er vert að taka það fram að Louise
særðist alvarlega en lifði af. Joseph
skaut sjálfan sig tveimur skotum
í höfuðið með þeim afleiðingum
að annar helmingur andlits hans
lamaðist, og voru byssukúlurnar
aldrei fjarlægðar.
Auk þess sem hægri helmingur
andlits Josephs lamaðist skaddað-
ist hann á auga og uppskar geð-
truflanir. Joseph Vacher var í kjöl-
farið komið fyrir á geðsjúkrahúsi í
Dole. Vistin á sjúkrahúsinu gerði
Joseph ekkert gagn, en einu ári
síðar var hann útskrifaður, „lækn-
aður að fullu“, og þess var ekki
langt að bíða að morðferill hans
hæfist.
Joseph fer á flakk
Joseph var tuttugu og fimm ára
þegar hann var útskrifaður af geð-
sjúkrahúsinu í apríl 1894 og lagðist
í flæking. Á næstu þremur árum og
hálfu ári betur myrti Joseph og lim-
lesti að minnsta kosti ellefu manns;
eina konu, fimm táningsstúlkur og
fimm táningspilta.
Mörg fórnarlamba Josephs voru
fjárhirðar sem gættu hjarðar sinn-
ar á afviknum svæðum. Joseph
stundaði að stinga fórnarlömb sín
ítrekað en lét ekki þar við sitja. Í
mörgum tilfellum skar hann úr
þeim innyflin og nauðgaði þeim og
skipti þá engu máli hvort fórnar-
lambið var kvenkyns eða karlkyns.
Á þessum tíma flæktist Joseph
frá einu þorpi til annars frá Norm-
andy til Provence. Hann hélt sig að
mestu leyti í suðausturhluta Frakk-
lands og dró fram lífið með því að
sníkja vinnu á bóndabæjum frá
degi til dags.
Bréf til dómarans
Í ágúst 1897 réðst Joseph á konu
sem var að safna furukönglum í
Ardeche. Konan tók á móti og bár-
ust öskur hennar til eyrna eigin-
manns hennar og sonar sem báðir
þustu henni til aðstoðar.
Feðgarnir báru Joseph yfirliði
og fóru með hann til lögreglunn-
ar. Þegar hér var komið sögu höfðu
yfirvöld engar vísbendingar sem
bentu til sektar Josephs með tilliti
til þeirra morða sem framin höfðu
verið og þar sem brot hans var talið
fremur léttvægt var hann dæmdur
til þriggja mánaða fangelsisvistar
fyrir ósæmilegt athæfi.
Einhverra hluta vegna fann
Joseph sig knúinn til að skrifa bréf
til dómarans: „Já, ég framdi glæp-
ina... ég framdi þá alla í andartaks-
æði“.
Joseph Vacher fullyrti að hann
væri geðveikur vegna lækningar
sem skottulæknir veitti honum eft-
ir að hann sýktist af hundaæði þeg-
ar hann var bitinn af hundi átta ára
að aldri. Joseph var víst aldrei bit-
inn af hundi, heldur hafði hundur
sleikt hann.
Sendur af Guði
Síðar skipti Joseph um skoðun og
sagði að hann væri sendur af Guði,
líkt og heilög Jóhanna af Örk, til að
fá fólk til að hugsa um og skilja
hinar raunverulegu dyggðir trú-
arinnar. Hvernig honum tókst að
réttlæta morð á að minnsta kosti
ellefu manneskjum með þeirri
skýringu fylgir ekki sögunni.
Eftir ítarlega rannsókn sem
framkvæmd var af liði lækna var
Joseph Vacher úrskurðaður heill
á geði og sakhæfur og dæmdur til
dauða við dómstólinn í Ain þann
28. október 1898. Tækifærið not-
aði Joseph til að ávarpa réttinn,
án leyfis og óumbeðinn: „Dýrð
sé Jesú! Lengi lifi Jóhanna af Örk!
Dýrð sé stórkostlegum píslarvott-
um vorra tíma! Dýrð sé hinum
mikla frelsara!
Joseph Vacher, geðveikur eða
ekki, var ekki eins borubrattur
þegar hann var færður að fallex-
inni tveimur mánuðum síðar, í
dögun 31. desember 1898. Hann
harðneitaði að ganga að fallexinni
og neyddust verðir til að hálfbera
hann eða draga til böðulsins.
Joseph Vacher var tuttugu og
níu ára þegar blaðið skildi höfuð
hans frá búki.
umsjóN: koLbEiNN ÞorstEiNssoN, kolbeinn@dv.is
Rafstilling ehf.
Startarar alternatorar
581 4991
663 4942
Í mörgum tilfellum
skar hann úr þeim
innyflin og nauðg-
aði þeim og skipti þá
engu máli hvort fórn-
arlambið var kven-
kyns eða karlkyns.
Joseph Vacher að verki Hann limlesti fórnarlömb sín á hryllilegan hátt.
Joseph Vacher Neitaði
að ganga að fallexinni.