Dagblaðið Vísir - DV - 04.09.2009, Blaðsíða 4

Sandkorn
n Á næstunni mun koma til
kasta Rögnu Árnadóttur dóms-
málaráðherra að ákveða hvort
tveir háttsettir embættismenn
verði endurráðnir eða hvort
fimm ára reglan verði látin
gilda. Georg
Lárusson,
forstjóri
Gæslunn-
ar, nálgast
þau mörk
en ráðning-
artími hans
rennur út
1. janúar
2010. Georg hefur notið náðar
Sjálfstæðisflokksins en gæti lent
á berangri vinstriflokkanna.
Georg er raunar mágur Davíðs
Oddssonar í krafti þess að kona
hans er Vala Oddsdóttir. Hugs-
anlegt er að Ragna muni nota
tækifærið til að sameina stofn-
anir og hagræða.
n Ólafur F. Magnússon borg-
arfulltrúi er ævareiður eftir að
Frjálslyndi flokkurinn þjóf-
kenndi hann vegna þriggja
milljóna króna sem flokkurinn
telur sig eiga. Ólafur hefur lýst
yfir því að
hann muni
lögsækja
Ríkisútvarp-
ið vegna
vanvirðingar
og rudda-
legrar fram-
komu í sinn
garð. Þar
vísar hann sérstaklega til frétta-
stofunnar, Kastljóss og Silfurs
Egils og klykkir út með að Ríkis-
útvarpið sé spillingarbæli. Ekki
er vitað hvort hann vísar þar til
ofurlauna og bruðls Páls Magn-
ússonar útvarpsstjóra.
n Fyrsta tölublað tímaritsins
Júlíu kemur út 24. september
og er efnt til forsíðusamkeppni
í Vetrargarðinum í Smáralind
á laugardaginn klukkan 11 af
því tilefni. Þar stendur til að
finna góðar fyrirmyndir ungra
stúlkna og verða fimm tíu til
fimmtán ára stúlkur valdar úr
hópnum til að birtast á forsíðu
Júlíu í vetur. Tímaritið er gefið
út af Birtíngi, útgáfufélagi DV
og er hugsað fyrir hressar, kát-
ar og snjallar unglingsstúlkur
og frekar horft til innri feg-
urðar en ytri. Nokkur umræða
varð um forsíðusamkeppnina í
síðdegisútvarpi Rásar 2 á dög-
unum þegar Halldóra Anna
Hagalín, ritstjóri Júlíu, og Elín
Ragnarsdóttir, framkvæmda-
stjóri Birtíngs, ræddu blaðið
ásamt Sóleyju Tómasdóttur
borgarfulltrúa. Sóley gagn-
rýndi forsíðusamkeppnina í
fyrstu en virtist síðan sætta sig
betur við hana þegar útskýrt
var fyrir henni eftir hverju væri
leitað.
4 föstudagur 4. september 2009 fréttir
Eftir að skemmdarverk voru unnin á glæsilegu heimili Rannveigar Rist, forstjóra
Alcan á Íslandi, í síðasta mánuði hefur hún gripið til þess ráðs að láta vakta húsið.
Ómerktri Citroën-bifreið hefur verið lagt við húsið við Háhæð í Garðabæ í nokkrar
vikur og þar vinna verðir á vöktum.
Verðir Við heimili
rannVeigar rist
Í kjölfar þess að skemmdarverk voru
unnin á glæsilegu heimili Rann-
veigar Rist, forstjóra Alcan á Íslandi,
að Háhæð í Garðabænum hefur
ómerktri Citroën-bifreið verið lagt
á grasbletti við götuna. Í þessum bíl
skiptast verðir á að vakta heimili for-
stjórans. Það var þann 5. ágúst síð-
astliðinn sem skemmdarvargar fóru í
skjóli nætur og skvettu grænni máln-
ingu á heimili Rannveigar að Háhæð
2 í Garðabæ og skrifuðu „Hér býr ill-
virki“ og „illvirki“ utan á húsið með
svartri málningu. Nú hefur Rannveig
ákveðið að taka málin í sínar hendur
svo atvikið endurtaki sig ekki.
Heimili forstjórans vaktað
Eftirlitið með heimili Rannveigar
og fjölskyldu hennar hefur ekki far-
ið fram hjá nágrönnum hennar í
Hæðahverfinu. Íbúi í götunni sem
DV ræddi við segir hins vegar að
hann skipti sér ekkert af bílnum en
hann hafi vissulega tekið eftir hon-
um þarna og hann sæju allir sem
ættu leið þarna um. Tilgangur veru
hans þarna væri sömuleiðis öllum
ljós. Það væri búið að vera að vinna
skemmdarverk á húsum, eins og víð-
ar á höfuðborgarsvæðinu, og þarna
væru menn af og til sem skiptust á að
vakta svæðið. Hann bætti því við að
hann skildi ekkert hvað skemmdar-
vargar hefðu við Rannveigu að sak-
ast, hún væri að koma með gjaldeyri
inn í landið sem forstjóri Alcan á Ís-
landi og það væri vel.
Samkvæmt heimildum DV er hús
Rannveigar og fjölskyldu hennar að
Háhæð 2 vaktað svo til allan sólar-
hringinn og öryggisverðirnir skipta
með sér vöktum.
Ofsóttir auðmenn
Björgólfur Thor, Bjarni Ármannsson,
Birna Einarsdóttir, Hannes Smára-
son, Steingrímur Wernersson og
Már Sigurðsson eru meðal þeirra
sem orðið hafa fyrir því undanfarn-
ar vikur að málningu hefur verið
skvett á heimili þeirra og eignir. Þessi
skemmdarverk, sem unnin hafa ver-
ið með rauðri lakkmálningu, virðast
hafa beinst að útrásarvíkingum og
bankastjórnendum. En forstjórar
stóriðjufyrirtækja hafa ekki far-
ið varhluta ósómanum heldur.
Aðfaranótt þriðjudagsins 28.
júlí síðastliðinn var grænni
málningu skvett á heim-
ili Friðriks Sophussonar,
forstjóra Landsvirkjunar.
Það var síðan rúmri viku
síðar, 5. ágúst, sem hús
Rannveigar varð fyr-
ir sambærilegri árás.
Í báðum þessum til-
fellum var notast við
græna málningu.
Ekki náðist í
Rannveigu Rist við
vinnslu þessarar
fréttar.
Á vaktinni Öryggisvörður situr í bílnum og passar að enginn fari að sinna málning-
arvinnu sem ekki var beðið um.
Mynd KRistinn MagnússOn
Vel vöktuð glæsivilla Eins og sjá má á
myndinni er lítilli, svartri Citroën-bifreið lagt
við vegkant skammt frá heimili Rannveigar.
Mynd KRistinn MagnússOn
Ver sig frekari árásum Rannveig
Rist lætur vakta heimili sitt að Háhæð í
Garðabæ eftir árás skemmdarvarga.
siguRðuR MiKael jónssOn
blaðamaður skrifar: mikael@dv.is
Týrusporðdreki fannst í Kópavoginum eftir ferð til Suður-Frakklands:
Sporðdreki elur unga á Íslandi
Tveir sporðdrekar fundust nýverið
í farangri íslenskra ferðalanga sem
voru að koma frá Suður-Frakklandi.
Annar þeirra var orðinn fullþroska
og hefur síðan hann kom til landsins
alið af sér hóp lifandi unga.
Ungarnir voru tuttugu talsins og
höfðust fyrstu vikuna við á baki móð-
urinnar. Nú um mánaðamótin tóku
þeir hins vegar að yfirgefa móður-
ina.
Sporðdrekarnir fundust innan um
köngla sem ferðamennirnir höfðu
með sér heim í Kópavoginn en ann-
ar þeirra var nýdauður þegar þangað
var komið.
Ferðalangarnir fóru með sporð-
drekana á Náttúrufræðistofnun Ís-
lands þar sem sá eftirlifandi og ungar
hans hafast nú við en mánuður er frá
heimkomunni.
Sporðdrekarnir voru greindir til
tegundarinnar Euscorpius flavicau-
dis, eða týrusporðdreka.
Týrusporðdreki nær 35 til 45
millimetra lengd. Bolurinn og hal-
inn er dökkur, næstum svartur, en
fætur ljósari. Endaliður halans með
eiturstingnum er gulleitur og dreg-
ur tegundin íslenskt heiti sitt af ljós-
týrunni. Tegundin lifir í Suður-Evr-
ópu og á Englandi eftir að hafa borist
þangað með mönnum á 19. öld.
Á vef Náttúrufræðistofnunar segir
að týrusporðdreki haldi sig þar sem
rakt er og hlýtt, í skógum, görðum
og skrúðgörðum. Hann er á ferli allt
árið og finnst mjög gjarnan í göml-
um húsum og rústum, þar sem hann
heldur sig í sprungum í veggjum og
öðrum fylgsnum. Hann getur náð
nokkurra ára aldri.
Týrusporðdreki er felugjarn og
bíður bráðar í fylgsni sínu í stað þess
að leita hana uppi. Hann hremmir
bráðina, til dæmis skordýr, köngul-
ær, gráloddur og jafnvel aðra sporð-
dreka, og deyðir með gripklónum en
beitir ekki eiturstingnum. Hann er
talinn beita stingnum afar sjaldan og
er tiltölulega meinlaus þar sem eitr-
ið er vægt. Ofnæmisviðbrögð geta þó
reynst hættuleg.
erla@dv.is
Móðir með unga Sporðdrek-
inn með ungana á bakinu.
Mynd eRling ólafssOn