Dagblaðið Vísir - DV - 04.09.2009, Blaðsíða 22

22 föstudagur 4. september 2009 fréttir
Á síðasta ári flaug sú saga fjöllum
hærra að Vladimír Pútín, þáverandi
forseti Rússlands, væri við að skilja
við Lyudmilu, eiginkonu hans í ald-
arfjórðung. Samkvæmt orðrómnum
hugðist Pútín ganga að eiga Alinu Ka-
bayeva, fyrrverandi fimleikastjörnu
og núverandi þingmann.
Lyudmila Pútína sést afar sjald-
an opinberlega með eiginmanni sín-
um og orðrómur um að hjónabandi
þeirra sé lokið og að aðskilnaður
þeirra sé jafnvel staðreynd hefur síð-
ur en svo lognast út af.
Erfitt getur reynst um vik að sann-
reyna slíkan orðróm því umfjöllun
rússneskra fjölmiðla um einkalíf Pút-
íns og fjölskyldu hans er afar illa séð
og ekki til þess gerð að auka farsæld
þess fjölmiðils sem það gerir.
Í skugga þessa orðróms og vanga-
veltna hefur Lyudmila stigið fram og
kynnt fyrir rússnesku þjóðinni þátta-
röð um leiðir til hamingjuríks fjöl-
skyldulífs, en Lyudmila er annars
ekki þekkt fyrir að sækja í sviðsljósið.
Langt og hamingjuríkt
Fréttaritari breska dagblaðsins The
Independent í Moskvu segir á vefsíðu
blaðsins frá kynningu sem Lyudmila
hélt í bókaverslun í Moskvu þar sem
hún kynnti þáttaröð sem inniheld-
ur ráð um fjölskyldugildi og hjóna-
bandsráðgjöf. Þáttaröðin heitir Langt
og hamingjuríkt – Allt um karlmenn,
konur og fjölskyldu, og er á sex disk-
um. Á þeim er að finna samtöl vel
þekkts rússnesks sjónvarpsmanns
og sálfræðings. Á diskunum má finna
hluta sem bera yfirskriftina Eigin-
maður og kona; Hamingja er ekki í
peningum; Þú getur ekki yfirgefið
fjölskyldu þína og Hugarleikfimi.
Við kynninguna sagði Lyudmila:
„Fólk glímir við vandamál, hefur
glímt við vandamál og mun glíma
við vandamál. En með hjálp þessara
diska, og aðstoð einhvers sálfræð-
ings, getur einstaklingur lært hvernig
á að leysa þessi vandamál á einfald-
an hátt.“
Einsleit umfjöllun
Að sögn Shauns Walker, fréttarit-
ara The Independent, upplýsti Ly-
udmila Pútín ekki hvort þau hjónin
hefðu nýtt sér þjónustu ráðgjafa til
að leysa vandamál sem komið geta
upp í hjónabandi.
Fjölskyldulíf Vladimírs Pútín er
sveipað hulu nánast fullkominn-
ar leyndar og rússneskir fjölmiðlar
undir stjórn ríkisstjórnarinnar virð-
ast gera sér að góðu að sýna for-
sætisráðherrann sem holdgerving
karlmennsku, beran að ofan á tígur-
veiðum eða við aðra karlmannlega
iðju. Fjölmiðlar virðast líka fylgja
þeirri óskráðu reglu að einkalíf for-
sætisráðherrans sé með öllu forboð-
ið fréttaefni.
Óhætt er að segja að himinn og haf
skilji á milli opinbers hlutverks eig-
inkonu Pútíns annars vegar og Svet-
lönu Medvedeva, eiginkonu Dmit-
rys Medvedev forseta, hins vegar. Sú
síðarnefnda hefur oft og iðulega sést
opinberlega með eiginmanni sínum
og skapað sér nokkuð áberandi sess
í Rússlandi.
Dagblað leggur upp laupana
Þegar dagblaðið Moscow Kor-
respondent birti á síðasta ári frétt-
ir þess efnis að Pútín ætti í róman-
tísku sambandi við Alinu Kabayeva
brást Pútín reiður við. Hann sagði að
líf stjórnmálamanna væri með réttu
fyrir allra augum, en sagði að það
væru takmörk hve langt mætti ganga
og hann myndi ekki líða að einkalíf
hans yrði gert að fréttaefni.
Dagblaðið var í eigu Alexand-
ers Lebedev, milljarðamærings, eig-
anda London Evening Standard, og
fyrrverandi liðsmanns KGB, forvera
FSB, leyniþjónustu Rússlands. Le-
bedev krafðist þess að starfsfólk dag-
blaðsins færði sönnur fyrir fréttinni
eða bæðist afsökunar ella. Í frétt á
vefsíðu The Times frá þeim tíma var
haft eftir starfsfólki dagblaðsins að
fulltrúar FSB hefðu tvisvar komið og
yfirheyrt ritstjóra blaðsins og krafið
hann um upplýsingar um heimildir
fyrir fréttinni. Dagblaðið var lagt nið-
ur skömmu síðar.
Með nefið í hvers manns koppi
Áður nefnd Alina Kabayeva var
kjörin fallegasta kona Rússlands af
einu þarlendu tímariti og hreppti
gullverðlaun í fimleikum á Ólymp-
íuleikunum í Aþenu 2004. Hún var
sögð ein af „stúlkum Pútíns“ í kjöl-
far frétta um að Pútin, þá forseti,
hefði fyrirskipað flokki sínum að
setja hana og fleiri ungar konur á
frambjóðendalista flokksins fyr-
ir kosningarnar á síðasta ári til að
gefa flokknum kynþokkafullra yfir-
bragð.
Sem fyrr segir brást Vladimír
Pútín ókvæða við fréttum Moscow
Korrespondent og sagði fréttina
uppspuna frá rótum. „Ég hef ávallt
brugðist neikvætt við þeim sem
laumast með sín upphöfnu nef
og erótísku fantasíur inn í líf ann-
arra,“ sagði Pútín.
Pútín sló síðan á léttari strengi
og sagði að mikið væri fjallað um
fallegar konur. „Ég held að ég
kæmi ykkur ekki á óvart ef ég segði
að mér líkar þær allar,“ sagði Pút-
ín.
Umfjöllun um einkalíf Vladimírs Pútín, forsætisráðherra Rússlands, í þarlendum fjölmiðlum er afar illa
séð. Á síðasta ári kom upp sá kvittur að ekki væri allt sem skyldi í hjónabandi hans. Samkvæmt fréttaritara
The Independent í Moskvu hefur ekki fennt yfir þann kvitt. Í skugga vangaveltna ýtti eiginkona Pútíns úr
vör kennsludiskum um hamingjuríkt og langt hjónaband.
Frú Pútín geFur
hjónum ráð „Ég hef ávallt brugðist neikvætt við þeim sem laumast með sín upphöfnu nef og eró­tísku fant-asíur inn í líf annarra.“
KoLbEinn þorstEinsson
blaðamaður skrifar: kolbeinn@dv.is
Vladimír Pútín Eitt er að sýna
hann í ljósi karlmennsku, annað
að fjalla um einkalíf hans.
MynD: AFP
Dmitry Medvedev og
svetlana, eiginkona hans
Hún sést iðulega opinberlega
í fylgd eiginmannsins.
Lyudmila Pútína
Eiginkona Pútíns
hefur ekki baðað
sig í sviðsljósinu.