Dagblaðið Vísir - DV - 04.09.2009, Blaðsíða 31
helgarblað 4. september 2009 föstudagur 31
„Þetta var ekki flókið reikningsdæmi fyrir mig
því mér finnst mikilvægt að börnin geti verið
nálægt báðum foreldrum sínum,“ segir leik-
og söngkonan Bryndís Ásmundsdóttir sem er
flutt úr skarkala höfuðborgarinnar til Akur-
eyrar. Bryndís þurfti ekki að hugsa sig tvisvar
um þegar henni bauðst hlutverk í söngleikn-
um Rocky Horror hjá Leikfélagi Akureyrar en
fyrrverandi eiginmaður hennar og barnsfaðir,
Atli Þór Albertsson, hefur einnig gert saming
við LA.
Bryndís, sem er samkvæmt eigin skilgrein-
ingu mikil miðbæjarrotta, kann vel við sig í
rólegheitunum á Akureyri. Hún segist ekki
sakna yssins og þyssins sem einkenni höfuð-
borgina en segir að hún sakni fjölskyldu og
vina. Æfingar á Rocky Horror hefjast eftir ára-
mót en hún ákvað að drífa sig norður með
börnin svo fjölskyldan gæti komist almenni-
lega inn í samfélagið áður en rútínan skylli á
af fullum krafti. „Við erum rosalega ánægð.
Strákurinn er farinn að æfa með KA og byrjað-
ur í Brekkuskóla og stelpan er glöð á leikskól-
anum Flúðum,“ segir Bryndís sem þó ætlar
sér að vera með annan fótinn fyrir sunnan að
sinna ýmsum verkefnum.
Ófrísk og einstæð í náminu
Árið 1999 byrjaði Bryndís í leiklistarnáminu
en þá var hún ófrísk. Hún segir það hafa verið
erfiðan tíma og að það hafi einnig verið erfitt
að vera einstætt foreldri. Þau Atli fóru að vera
saman þegar hann byrjaði í skólanum tveim-
ur árum á eftir henni en Atli gekk syni henn-
ar, Ásmundi, í föðurstað. Þau höfðu verið sam-
an í rúm átta ár þegar upp úr sambandi þeirra
slitnaði.
„Ég hugsaði oft um að hætta í skólanum og
oft munaði litlu. Mér fannst rosalega erfitt að
vera einstæð móðir en samt fékk ég mikla hjálp
frá fjölskyldunni. Atli kom svo inn í líf okkar
Ásmundar þegar hann var eins og hálfs árs og
hefur verið honum frábær faðir,“ segir hún og
bætir við að þrátt fyrir þessa tímabundnu erf-
iðleika sé Ásmundur afar vel heppnaður ung-
ur drengur. „Ég er ofsalega stolt af honum, ég
er mjög stolt mamma,“ segir hún brosandi en
auk Ásmundar eiga þau Atli Þór dótturina Þór-
dísi Freyju sem er þriggja ára.
Draumahlutverk að fá hlutverk
Bryndís hefur verið áberandi sem söng- og
leikkona síðan hún útskrifaðist úr leiklistinni
en hún vakti líklega fyrst athygli í sjónvarpi sem
hinn eiturhressi spyrill í stefnumótaþættinum
Djúpu lauginni. Síðan hefur mikið vatn runnið
til sjávar og hún meðal annars nælt í aðalhlut-
verk í stórum sýningum á borð við söngleikinn
Janis 27 og Tinu Turner-sýningunni. Hún segir
forréttindi að hafa söng- og leikhæfileika og að
hún njóti þess í botn að standa á sviði.
„Söngur er ákveðið tjáningarform svo ég er
alltaf að leika. Þetta er allt tjáning. Þessi bransi
getur verið ströggl og maður verður að halda
sér á tánum og vera opinn fyrir því að hleypa
sér út fyrir sitt „comfort zone“. Það að kenna
og miðla til annarra á einnig vel við mig,“ seg-
ir hún og bætir við að hún muni líklega koma
að námskeiðahaldi hjá leikfélaginu. „Ég ætlaði
alltaf að verða söngkona og ég var alltaf syngj-
andi en burtséð frá leik og söng hefði ég gam-
an af því að vera nuddari.
Varðandi draumahlutverk er ég ekki með
neitt slíkt í maganum. Draumahlutverkið er
einfaldlega að fá hlutverk en það eru forrétt-
indi að fá að vinna við það sem maður elskar
og fyrir það er ég þakklát.“ Bryndís ætlar einn-
ig að vinna meira í tónlist sinni á næstunni og
ætlar meðal annars að fara hringinn í kringum
landið og syngja lög Janis Joplin fyrir lands-
menn.
sér ekki eftir neinu
Það er sjaldan lognmolla í kringum Bryndísi
sem þó segist hafa verið rólegt barn en líklega
erfiðari unglingur. „Sem krakki var ég ofsalega
góð og það þurfti lítið til að gleðja mig. Ég sá
aldrei neitt illt eða neikvætt og fannst lífið fal-
legt. Svo þegar ég fór að eldast vissi ég ekkert
í hvorn fótinn ég ætti að stíga svona eins og
gengur og gerist og líklega þótti ég ekki auð-
veldur unglingur. Ég var eitthvað svo mikið að
flýta mér og var til dæmis farin að búa aðeins
16 ára. Ég var á mikilli hraðferð og vildi helst að
hlutirnir gerðust í gær,“ segir Bryndís og bætir
við að hvatvísin hafi alltaf blundað í henni en
hún sjái hins vegar ekki eftir neinu.
„Það má auðvitað öllu ofgera og það er hollt
og gott fyrir hvern sem er að staldra aðeins við
og hugsa fyrst og framkvæma svo en mað-
ur er alltaf að læra. Ég er mjög stolt af sjálfri
mér og upplifi enga eftirsjá. Ég hef alltaf ver-
ið sjálfstæð og vildi ung fara mínar leiðir. Það
var sama hvað foreldrar mínir reyndu að leið-
beina mér, ég fór þangað sem ég ákvað, líka
þegar ég vissi að ég væri að velja erfiðari leið-
ina. Ég vann síðan úr því.“ Hún segist afar náin
fjölskyldu sinni og fjarðlægðin frá henni sé það
erfiðasta við flutningana. „Ég er elst af fjórum
systrum og við erum allar miklar vinkonur og
við mamma líka,“ segir hún en faðir Bryndísar
starfar sem pípari og býr á Spáni.
túraði 19 ára um BanDaríkin
Bryndís viðurkennir að eiga drauma um frægð
og frama á erlendri grundu en fáir vita að hún
hefur þegar ferðast um Bandaríkin þver og
endilöng, þá aðeins 19 ára. Þá hafði hún verið
að vinna sem þjónn á Kaffi Romance og hafði
sungið og hummað með sjálfri sér þegar hún
var að taka til eitt kvöldið. „Maður að nafni
Bob Darch sat við flygilinn og heyrði í mér og
bað mig að taka lagið sem ég gerði en ég var
mikil djass- og blússöngkona á þessum tíma,“
segir Bryndís og bætir við að Bob hafi kynnt
Rag Time-djass tónlistarstefnuna fyrir henni.
Eitt hafi leitt af öðru og fyrr en varði hafði Bob
fengið leyfi hjá foreldrum Bryndísar til að
taka hana með sér út að spila á tónlistarhátíð-
um sem haldnar voru víðs vegar um suðurríki
Bandaríkjanna.
„Ég vakti mikla athygli enda langyngsta
manneskjan í þessari tónlist og í þokkabót frá
Íslandi,“ segir Bryndís þegar hún rifjar upp
þessa skemmtilegu tíma og bætir við að æv-
intýrið hafi ekki takmarkast við þessar tónlist-
arhátíðir. Örlögin hafi aftur tekið í taumana
en í það skiptið hafi hún verið að syngja í risa-
stórri verslunarmiðstöð.
„Ég hafði látið þýða tvö Rag Time-lög yfir
á íslensku og söng á báðum málum í þessu
stóra molli í spjallþætti sem var sendur út í
beinni útsendingu og vakti mikla athygli. Svo
mikla að ég fékk óvænt símtal þegar ég kom
heim til Íslands aftur og var boðið að taka að
mér hlutverk í söngleik Thunderbird-leik-
hússins en eigandi leikhússins hafði séð mig
í spjallþættinum. Ég trúði ekki mínum eigin
eyrum og hélt virkilega að vinir mínir væru að
fíflast en þekkti svo nafn hans. Ég var svo flog-
in út í prufur, fékk aðalhlutverkið og var með
í sýningunni í fjóra mánuði,“ segir Bryndís
og bætir við að þá hafi hún verið komin með
meira en nóg og hafi verið tilbúin til að koma
heim til Íslands.
vill alvöru karlmann
Bryndís hefur yfirgefið höfuðborgina í
óákveðinn tíma. Hún og Atli eru í góðu sam-
bandi sem hún segir afar mikilvægt fyrir
börnin og hún segir þau bæði ákveðin í að
setja þarfir barnanna í forgang. „Ég er ekki að
fara neitt og sé mig í anda eyða dágóðum tíma
hér. Þetta er nýr kafli sem er að hefjast,“ seg-
ir hún og bætir við að hún sé ekki að leita að
kærasta, hann komi bara þegar hann komi.
Aðspurð um hvernig týpur heilli hana seg-
ist hún vilja alvöru karlmenni. „Þeir þurfa að
vera hreinir og beinir og hafa húmor fyrir líf-
inu og sjálfum sér. Svo verða þeir líka að vera
duglegir og með metnað í lífinu og útlit sem
skemmir ekki fyrir,“ segir hún og skellir upp
úr.
„Annars líður mér bara vel í eigin skinni
og ég hlakka til að fást við framtíðina og sér
í lagi að fylgjast með börnunum takast á við
það sem þau taka sér fyrir hendur. Börnin og
fjölskyldan eru það mikilvægasta,“ segir hún
og bætir við að við Íslendingar verðum að
vera sterk og jákvæð til að komast standandi
í gegnum þessar erfiðu aðstæður sem banka-
hrunið hafi valdið hér á landi.
„Þetta er mikið áfall og það er kannski
klisja en ef við hlúum hvert að öðru, erum
bjartsýn en samt raunsæ og gerum eitthvað
skemmtilegt saman stöndum við þetta af okk-
ur. Það er virkilega mikilvægt að finna sér eitt-
hvað að gera til að vera á meðal fólks.“ Þeg-
ar hún er spurð hvort hún hafi vitað að hún
væri búin að meika það þegar hún hafði nælt
sér í hlutverkin í Tinu og Janis hlær hún dátt
og segir: „Meika það? Alls ekki. Ég á eftir að
gera svo miklu, miklu meira. Ég er bara beibí í
bransanum. Ég er rétt að byrja.“
Indíana Ása Hreinsdóttir
Leik- og söngkonan BrynDís ásmunDsDÓttir er skiLin og fLutt tiL akureyrar.
Bryndís segist aLLtaf hafa verið hvatvís en hún var aðeins 16 ára þegar hún
Byrjaði að Búa. Bryndís segist ekki vera að Leita að kærasta en að hún hríf-
ist af aLvöru karLmönnum sem hafa metnað og húmor fyrir sjáLfum sér.
„Ég var eitthvað svo mikið að flýta mÉr og var til
dæmis farin að búa aðeins 16 ára. Ég var á mikilli
hraðferð og vildi helst að hlutirnir gerðust í gær.”
„Ég hugsaði oft um að
hætta í skólanum og það
munaði oft litlu. mÉr
fannst rosalega erfitt
að vera einstæð móðir.“
Börnin og fjölskyldan
Eru það mikilvægasta
segir Bryndís.