Dagblaðið Vísir - DV - 04.09.2009, Blaðsíða 20
20 föstudagur 4. september 2009 fréttir
Guðni segir að helsti galli Eiðs sé
kannski sá hvað hann geti verið góð-
ur við sjálfan sig. „Hann er auðvitað
dálítil prímadonna. Hann er það. En
það er líka hluti af þessu því menn
þurfa auðvitað að vera með egó-
ið í lagi í þessari atvinnumennsku.
Hann vill gera hluti sem honum
þykja skemmtilegir, ég held að það sé
óhætt að segja það. Ég held til dæm-
is að honum finnist ekkert sérstak-
lega gaman að heimilisverkunum en
hann er kannki ekki einn um það,“
segir Guðni.
Barnastjarna í ÍR
Eiður varð snemma mikil hetja á
knattspyrnuvellinum og allt frá unga
aldri var ljóst að hann hefði hæfileika
í íþróttinni. Hann er að mestu leyti
alinn upp í Belgíu þar sem faðir hans
lék með Lokeren og Anderlecht við
góðan orðstír. Eiður kom hins vegar
heim á sumrin og um jólin og spilaði
með ÍR. Hann fór meðal annars með
liðinu á Tommamótið í Vestmanna-
eyjum í þrjú ár þegar hann var 8 til 10
ára - eitt árið skoraði hann 34 mörk
á mótinu.
Mótherji Eiðs úr yngri flokkun-
um, sem vill ekki láta nafns síns
getið, man vel eftir Eiði frá þessum
árum og hafði hann þá þegar öðl-
ast sess sem hálfgerð hetja í grein-
inni. Eitt af því sem hann rifjar upp
er að Eiður þótti svo góður að einum
mótherja hans var hampað fyrir að
hafa „sólað Eið Smára“ í einum leik.
Slíkt þótti greinilega ekkert tiltöku-
mál af pollunum í hinum liðunum
sem dáðust að hæfileikum hans og
litu upp til hans, enda var Arnór fað-
ir hans einn besti leikmaður landsins
á þessum árum. Snemma varð því
ljóst að Eiður gæti orðið eitt af óska-
börnum þjóðarinnar vegna mikilla
hæfileika sinna á knattspyrnuvellin-
um. Nú þegar eru menn byrjaðir að
spá í spilin varðandi framtíð þriggja
sona Eiðs og Ragnhildar og hvort
þeir muni feta í fótspor pabba síns
og verða atvinnumenn í fótbolta.
En sá elsti, Sveinn Aron, þykir afar
efnilegur líkt og pabbi hans forð-
um og æfði með drengjaliði Barce-
lona meðan fjölskyldan bjó þar. Líkt
og Eiður gerði kemur Sveinn Aron
heim til Íslands á sumrin til að spila
fótbolta. Hann gerir það með HK og
fylgja pabbi hans og mamma honum
þá um landið til að fylgjast með hon-
um spila.
Óskabörnin mætast í útrásinni
Stimpillinn óskabarn hefur einnig
verið beinlínis hengdur á Eið í gegn-
um tíðina út af velgengni hans með
tuðruna. Þegar íslenska útrásin stóð
sem hæst í ársbyrjun 2007, og Eiður
Smári var tiltölulega nýorðinn leik-
maður Barcelona, skrifaði hann und-
ir samstarfssamning við Eimskipafé-
lag Íslands. Samkvæmt samningnum
var Eimskipafélaginu heimilt að nota
nafn Eiðs Smára til að auglýsa og
kynna fyrirtækið. Ekki var gefið upp
hversu mikið Eiður fékk í sinn hlut
fyrir samninginn en skotið var á það
í fjölmiðlum á þeim tíma að þóknun
hans næmi einhverjum tugum millj-
óna króna. Eimskip hét því sömu-
leiðis að styrkja hjálparsamtök hjart-
og langveikra barna fyrir hvert mark
sem Eiður myndi skora í spænsku
deildarkeppninni og í Meistaradeild
Evrópu.
Þáverandi stjórnarformaður og
aðaleigandi Eimskips, Magnús Þor-
steinsson, sagði af þessu tilefni að
slagorð Eimskipafélagsins, Íslensk
sókn um allan heim, öðlaðist nýja
merkingu með samningnum og
sagðist hann vona að þessi tvö óska-
börn þjóðarinnar myndu ná góðum
árangri saman.
Árangur Eimskipafélagsins og
Eiðs varð hins vegar ekki alveg eins
góður og vænst var til á þessum tíma:
Eimskip skuldsetti sig upp fyrir haus
með fjárfestingum erlendis og Eiður
skoraði einungis 10 mörk á þriggja
ára ferli sínum með Barcelona. Segja
má að óskabörnin tvö standi því
bæði á tímamótum nú því kröfuhafar
Eimskips hafa tekið félagið yfir eftir
nauðasamninga og Eiður hefur róið
á önnur mið frá Barcelona. Samstarf
þeirra stendur hins vegar eftir sem
tákn um þá tíma þegar Ísland þótti
vera að sigra heiminn á fleiri en einu
sviði, bæði í viðskiptalífinu og eins í
fótboltanum í gegnum Eið Smára, og
þjóðin var full af stolti. Munurinn er
hins vegar sá að Eiður stendur enn
keikur, reynslunni ríkari og Evrópu-
meistari eftir dvölina hjá Barcelona,
og má segja að útrás hans standi enn
þó að íslenska efnahagsundrið sé á
enda.
Skuggi stjörnunnar
Skuggi hefur þó fallið á feril Eiðs
nokkrum sinnum í gegnum tíðina
vegna hátternis hans, líkt og áður
segir. Þannig þótti Eiður oft á tíðum
ekki leggja sig nægilega mikið fram
í landsleikjum fyrir Íslands hönd á
meðan Eyjólfur Sverrisson var þjálf-
ari liðsins, þrátt fyrir að hafa ver-
ið fyrirliði, enda hefur hann ýjað að
því í viðtölum að honum hafi leiðst
að spila fyrir landsliðið á þeim tíma,
meðal annars í undankeppni EM
2008.
All nokkrar sögur gengu einn-
ig um skemmtanagleði Eiðs Smára
og fleiri landsliðsmanna á þessum
tímapunkti, án þess þó að þær hafi
verið staðfestar.
Hvort einhver slík atvik leiddu til
þess að Eyjólfur bað Eið um að afsala
sér fyrirliðabandinu og Hermann
Hreiðarsson að taka við því skal ósagt
látið en Eiður missti fyrirliðabandið
eftir að Ólafur Jóhannesson, núver-
andi landsliðsþjálfari, tók við liðinu
fljótlega þar á eftir og ber Hermann
Hreiðarsson það nú.
Það sem Eiður Smári hefur hvað
helst verið gagnrýndur fyrir í gegnum
tíðina er hvað hann þykir skemmt-
anaglaður. Eiður Smári hefur oft látið
til sín taka á skemmtistöðum borgar-
innar í gegnum tíðina svo eftir hefur
verið tekið og ratar það yfirleitt í slúð-
urdálka fjölmiðlanna þegar hann
sést úti á lífinu. Eins bárust margar
sögur af skemmtanagleði Eiðs þegar
hann var í Barcelona þar sem hann
var góðvinur Brasilíumannanna í lið-
inu, sérstaklega Ronaldinhos.
Eiður lenti í því sumarið 2007 að
tveir menn réðust á hann í miðbæn-
um og kýldu hann. Eiður slasaðist
ekki í árásinni og var þetta í fyrsta
og eina skiptið sem hann hafði orð-
ið fyrir slíkri árás, að sögn talsmanns
hans, Eggerts Skúlasonar, sem bætti
því við að þó að Eiður fengi mikla at-
hygli í miðbænum hefði ekki verið
ráðist á hann áður.
Landsliðsmaðurinn hefur því
þurft að þola mikla umfjöllun um líf
sitt í fjölmiðlum hér á landi auk mik-
illa sögusagna sem berast manna á
milli og er hann gott dæmi um hvað
það getur verið erfitt að vera frægur
á Íslandi.
Rétt skref að fara til Mónakó
Hvað sem líður fortíð þessa óska-
barns þjóðarinnar, sigrum hans og
erfiðleikum, þá bíður hans að þurfa
að sanna sig hjá nýju liði í nýju landi.
Enginn getur efast um fótaboltahæfi-
leika kappans og má gera ráð fyrir að
hann verði lykilmaður í liði AS Mon-
aco á komandi leiktíð. Franska deild-
in gæti einnig hentað Eiði Smára vel
þar sem fótboltinn sem þar er spilað-
ur er ekki eins harður og til dæmis á
Englandi og menn fá meiri tíma til að
athafna sig; slíkt gæti hentað hinum
léttleikandi Eiði Smára vel.
Bæði Guðni og Arnar telja að það
hafi verið gott skref hjá Eiði að færa
sig yfir til Monaco. „Hann var auðvit-
að ekki sáttur við að fá ekki að spila
meira hjá Barcelona, þessu frábæra
liði. Hann vildi bara komast í lið þar
sem hann fengi að spila meira og fá
að vera oftar í byrjunarliðinu. Svo
held ég nú reyndar að það hafi spil-
að inn í þetta hjá honum að fá tæki-
færi til að kynnast nýrri menningu í
Frakklandi og læra nýtt tungumál,
því hann er góður málamaður hann
Eiður,“ segir Guðni en Eiður talar
spænsku og hollensku, auk ensku
auðvitað, jafnframt sem hann kann
dálítið í frönsku eftir árin í Belgíu
með pabba sínum og mömmu.
Guðni segist líka hafa skilið
ákvörðun Eiðs betur þegar hann sá
myndir af leikvanginum í Mónakó.
„Það er nú svo sem ekki amalegt að
búa þarna í Mónakó og starfa. Ég er
viss um að hann eigi eftir að verða
lykilmaður þarna,“ segir Guðni og
bætir því við að áhugavert verði að
fylgjast með honum spila í nýrri deild
í nýju landi.
Ljóst er að margir Íslendingar
munu einnig halda áfram að fylgjast
náið með Eiði á næstunni, bæði inn-
an vallar og utan, enda eru margir Ís-
lendingar afar stoltir af þeim árangri
sem hann hefur náð.
„Hann er auðvitað
húðlatur eins og flestir
aðrir fótboltamenn.“
Með bikarinn Eiður vann það afrek að hampa
titlinum í Meistaradeildinni í fótbolta fyrstur
Íslendinga fyrr á árinu. Hér sést hann með bikar-
inn, Thierry Henry og Lionel Messi sjást í baksýn.
Eiður ákvað hins vegar í vikunni að söðla um og
flytja sig yfir til franska félagsins Monaco.
Missti fyrirliðabandið Eiður Smári
missti fyrirliðabandið þegar Ólafur Jó-
hannesson tók við íslenska landsliðinu.
Nokkur pínleg atvik á landsliðsferli hans
settu ugglaust þar strik í reikninginn
auk þess sem hann hefur oft á tíðum
ekki verið sérlega áhugasamur um að
spila með landsliðinu. Eiður verður í
eldlínunni með landsliðinu í leik gegn
Noregi um helgina.
Leikvöllur ríka og fræga fólksins Mónakó er leikvöllur
ríka og fræga fólksins en eitt af einkennum landsins er að
íbúarnir þurfa ekki að greiða tekjuskatt. Margir vel stæðir
einstaklingar setjast þar að til að losna við að greiða skatta,
meðal annars margir kappakstursmenn. Eiður mun leika
með AS Monaco-liðinu næstu tvö árin hið minnsta.