Dagblaðið Vísir - DV - 04.09.2009, Qupperneq 12

12 föstudagur 4. september 2009 fréttir
HEIMSKORT m. myndatexta(BÚIN AÐ BIÐJA UMBROTSSTRÁKANA UM ÞAÐ)
hells angels.jpg
Alþjóðleg glæpasamtök
Ríkislögreglustjóri skilgreinir Vítisengla sem alþjóðleg glæpasamtök.
Ljósmynd: Getty Images
Lilja Katrín Gunnarsdóttir
„ÞETTA ERU EKKI SKÁTARNIR“
„Meðlimir Vítisengla vinna skítverk-
in oftast ekki sjálfir. Þeir sem fremja
fyrir þá glæpi, til dæmis morð, sitja
inni og á meðan er hugsað um fjöl-
skyldu þeirra. Þetta eru ekki skát-
arnir,“ segir íslenskur maður sem var
meðlimur skandinavísks klúbbs sem
sóttist eftir inngöngu í Hells Angels.
Eftir nokkur ár í klúbbnum hætti
hann því hann kærði sig ekki um það
sem hann sá. Þá var klúbburinn einu
skrefi frá því að öðlast þá stöðu sem
klúbburinn sem áður hét Fáfnir MC
hefur í dag.
Útibú glæpasamtaka á Íslandi
„Ég hataði undirlægjuhátt klúbbs
míns gagnvart Hells Angels og
hversu langt þeir voru tilbúnir að
ganga til að öðlast þessa vafasömu
viðurkenningu. Ég hataði það að
maður átti að vera reiðubúinn að
gera hvað sem er, hvenær sem er og
hvernig sem er til að komast í þessa
dásemdarstöðu,“ segir maðurinn
sem vill ekki láta nafns síns getið.
Hann segir að allt neikvætt sem sagt
er um Vítisengla í fjölmiðlum sé satt.
Enn fremur segir hann að ef Hells
Angels nái fótfestu á Íslandi fylgi al-
varlegir glæpir í kjölfarið.
„Það eru framdir glæpir innan
samtakanna, til dæmis sala á eitur-
lyfjum. Að fá Hells Angels hingað til
Íslands er eins og að fá Glæpir hf. út-
gáfuna af MacDonalds, bara miklu
alvarlegra. Ef ekkert gerist sem gerir
það að verkum að Fáfnir missir virð-
inguna sem hann er búinn að vinna
sér inn þá eru þeir komnir til að
vera. Þá er komið útibú glæpasam-
taka á Íslandi. Að þetta séu mið-
aldra karlar sem elski mótorhjól er
bara þvæla. Sums staðar á Norður-
löndunum þora þeir varla að fara út
að keyra því þá er skotið á þá. Dulúð
hvílir yfir samtökunum og er ímynd
þeirra byggð á sögusögnum og ógn
í bland við rómantík. Þegar öllu er á
botninn hvolft er þetta ekki eitthvað
sem þú vilt hafa í næsta húsi.“
Skósveinar vinna skítverkin
Þessi fyrrverandi meðlimur segir
að reynslan sýni að hættulegt sé að
abbast upp á Vítisengla á Norður-
löndunum.
„Í Svíþjóð til dæmis er sérstök
deild lögreglumanna sem eltist við
þá. Þeir eru með grímu fyrir andlit-
inu svo þeir þekkist ekki. Ef meðlim-
ir Hells Angels vissu af einhverjum
lögreglumanni sem var á eftir þeim
þá var konunni hans allt í einu veitt
eftirför. Dómari sem dæmdi í mál-
um Hells Angels fékk eitt sinn hand-
sprengju inn um gluggann. Þeir láta
skósveina vinna skítverkin og þetta
er allt skipulagt í þaula. Þeir eru alls
ekki vitlausir. Þeir nærast á því sem
er á svörtu svæði og eru sjálfir á því
gráa.“
Hann segir erfitt að útskýra and-
ann í klúbbnum.
„Allir í klúbbnum eru ekki endi-
lega slæmir. Þetta er bræðralag sem
er heimili og öryggi fyrir þá sem
finna sig ekki í samfélaginu sjálfu og
fyrir þá sem eru hinum megin við
samfélagið og fremja glæpi.“
Toppurinn er morð
Í samtali við DV í fyrra sagði Jóhann
R. Benediktsson, þáverandi lög-
reglustjóri á Suðurnesjum, að reglan
hjá Vítisenglum væri sú að ef menn
vildu klifra upp metorðastigann
þyrftu þeir að fremja alvarlega glæpi.
Toppnum væri náð með morði.
Fyrrverandi meðlimur vélhjóla-
klúbbsins sem DV talaði við segir það
svo sannarlega satt að klúbbar þurfi
að vinna sig upp metorðastigann
með einhvers konar glæpum til að fá
inngöngu í Hells Angels-samtökin.
Blóðugt stríð
Vítisenglarnir urðu fyrst alræmdir
á Norðurlöndum eftir að þeir háðu
blóðugt stríð við Banditos en bæði
gengin eru skilgreind sem glæpa-
samtök. Ástæðan fyrir átökunum
var barátta um fíkniefnamarkaðinn
í Danmörku. Ellefu manns fórust í
stríðinu en meðal annars áttu þeir í
skotbardögum á götum úti fyrir utan
Kastrup, alþjóðaflugvöll Danmerk-
ur. Stríðið náði hámarki þegar liðs-
maður Banditos skaut flugskeyti inn
í félagsheimili englanna við Nörre-
bro í Danmörku. Mildi var að enginn
lést en árásin var tákn um alvarleika
stríðsins. Gengin voru vel vopnuð og
tilbúin að skaða hvort annað með
öllum tiltækum ráðum.
Að lokum eiga Vítisenglarnir að
hafa myrt leiðtoga Banditos og þar
með lauk stríðinu.
Samfélagsógn
Samkvæmt embætti ríkislögreglu-
stjóra getur klúbburinn sem áður
hét Fáfnir MC sótt um fulla aðild að
Vítisenglum á seinni hluta næsta
árs. Embættið telur nauðsynlegt að
breyta lögum til að banna slík sam-
tök þar sem klúbbar eins og Vítis-
englar eru skilgreindir sem ógn við
samfélagið.
Meðlimir Fáfnir buðu Hells
Angels tvisvar í heimsókn hingað
til lands. Í bæði skiptin var englun-
um vísað úr landi. Upphaflega var
það árið 2002 en meðal þeirra sem
reyndu að koma til landsins þá
voru menn sem höfðu hlotið dóma
fyrir morð, manndrápstilraunir,
fíkniefnasmygl og hvers konar of-
beldisbrot. Sama ár og þeim var
vísað úr landi barst starfsfólki ís-
lenska sendiráðsins í Kaupmanna-
höfn líflátshótun frá samtökum
Vítisenglanna í Danmörku. Sú hót-
un var tekin alvarlega, enda höfðu
ellefu manns fallið í gengjastríði á
milli Vítisenglanna og Banditos tíu
árum áður.
Árið 2007 sóttist Fáfnir eftir
bræðralagi englanna en aftur snéri
lögreglan á Suðurnesjum þeim
heim. Þá var tilefnið afmæli Fáfnis.
Vélhjólaklúbburinn Fáfnir MC hefur verið lagður niður og hefur stöðu
væntanlegra félaga í samtökunum Vítisenglum. Klúbburinn getur sótt
um fulla aðild á seinni hluta næsta árs. Á Norðurlöndunum hafa man-
sal, morð, mannrán og alvarlegir glæpir tengdir ofbeldi og fíkniefnum
tengst Vítisenglum um árabil. DV talaði við íslenskan mann sem var
meðlimur í skandinavískum klúbbi sem vildi verða meðlimur Hells
Angels. Hann segir allt satt sem sagt sé í fjölmiðlum - að klúbbnum fylgi
alvarlegir glæpir og koma þeirra til Íslands sé grafalvarlegt mál.
Vélhjólaklúbburinn Fáfnir MC hefur verið lagður niður og
hefur stöðu væntanlegra félaga í samtökunum Vítisenglum. Á
Norðurlöndum hafa mansal, morð, mannrán og alvarlegir glæp-
ir tengdir ofbeldi og fíkniefnum tengst Vítisenglum um árabil.
DV talaði við íslenskan mann sem var meðlimur í skandinavísk-
um klúbbi sem vildi verða meðlimur Hells Angels. Hann segir
allt satt sem sagt sé í fjölmiðlum – að klúbbnum fylgi alvarlegir
glæpir og koma Vítisengla til Íslands sé grafalvarlegt mál.
LiLja KaTrÍn GunnarSdóTTir
blaðamaður skrifar liljakatrin@dv.is
GrÍðarLeG ÚTBreiðSLa
Hells Angels-samtökin voru stofnuð í Bandaríkjunum árið
1948. Á heimasíðu samtakanna sést hvar þau hafa náð
fótfestu og á kortinu eru þau lönd merkt með rauðu. Á
heimasíðunni kemur einnig fram að væntanlegir félagar séu
á Íslandi. Pólland hefur stöðu prospects sem þýðir að verið er
að meta hvort þeir geti öðlast stöðu væntanlegra félaga.
Danski þingmaðurinn Michael aastrup jensen hefur barist gegn tilvist Hells Angels í Danmörku:
Harðsvíraðir glæpamenn og hrottar
„Það er sorglegt að blaðamenn
gleyma oft hvers konar hópur Hells
Angels er. Þetta er hópur harðsvír-
aðra glæpamanna sem sýna for-
dæmislausan hrottaskap og eru á
bak við stóran hluta glæpa í Dan-
mörku,“ segir Michael Aastrup
Jensen, fyrrverandi bæjarstjóri í
Randers í Danmörku og þingmað-
ur vinstrimanna. Hann hefur verið
ötull í baráttunni gegn Vítisenglum
í Danmörku og leynir ekki skoðun-
um sínum á samtökunum.
„Þegar ég var bæjarstjóri í
Randers sá ég hvernig Hells Ang-
els-meðlimir innlimuðu mjög ungt
fólk, oft krakka undir lögaldri, til að
vinna skítverkin. Þegar við hjá bæj-
aryfirvöldum reyndum að grípa inn
í reyndu þeir að heilla bæjarbúa
með pulsupartíum og hoppuköst-
ulum,“ segir Jensen. Honum blöskra
ummæli sem talsmaður Hells Ang-
els í Danmörku, Jørn „Jønke“ Niel-
sen, hefur látið hafa eftir sér í fjöl-
miðlum.
„Stutt er síðan hann [„Jønke“]
reyndi að segja okkur að Hells Ang-
els tæki þátt í gengjastríðunum til
að ala upp unga meðlimi í innflytj-
endagengjum. Sjaldan hef ég heyrt
eins mikla þvælu. Án efa hafa ung-
ir glæpamenn aldrei lært neitt um
góða hegðun en aðgerðir Hells
Angels koma uppeldi ekkert við og
að samtökin reyni að telja okkur trú
um að aðgerðir þeirra geri eitthvað
gott væri aðhlátursefni ef ástandið
væri ekki svona alvarlegt. Meðlim-
ir Hells Angels eru í raun bara sam-
ansafn fólks sem hefur ekki getað
fundið sér löglega atvinnu. Í staðinn
fara þeir í gegnum lífið með því að
blása upp egóin með stórum mót-
orhjólum, peningum og grimmd,“
segir Jensen. Hann vísar í skýrslu
lögreglunnar sem sýnir að meðlim-
ir Hells Angels bera ábyrgð á fjöl-
mörgum glæpum ár hvert. Þar sést
bersýnilega að meðlimir klúbbsins
eru ekki bara venjulegir fjölskyldu-
menn með áhuga á mótorhjólum
eins og Vítisenglar halda oft fram.
„Hells Angels og stuðningshóp-
ar þeirra eru ekki saumaklúbb-
ar eins og sést á lögregluskýrslum.
Þessir hópar voru dæmdir fyrir 225
alvarlega ofbeldis- og fíkniefna-
glæpi árið 2008. Talsmaður hóps-
ins er einnig með fjölmarga ofbeld-
isdóma á bakinu ásamt morðdómi.
Ég skil ekki hvernig áhugi á mótor-
hjólum getur orðið svo ákafur að þú
þurfir að skjóta úr byssum í kring-
um þig og lemja saklaust fólk.“
ekki saumaklúbbur Jensen telur ekkert gott koma frá Hells Angels.
Mynd Bo aMSTrup
„Þá er komið útibú
glæpasamtaka á
Íslandi.“