Dagblaðið Vísir - DV - 04.09.2009, Síða 19

fréttir 4. september 2009 föstudagur 19
Óhætt er að fullyrða að fáir íslenskir
knattspyrnumenn hafi náð eins langt
í greininni og Eiður Smári Guðjohn-
sen sem seldur var frá spænska stór-
liðinu Barcelona til franska liðsins
AS Monaco í vikunni. Eiður Smári
varð fyrr á árinu fyrsti Íslendingur-
inn til að vera í sigurliði í Meistara-
deild Evrópu. Þó svo að hlutverk
hans í Barcelona-liðinu hafi alls ekki
verið stórt á síðustu leiktíð var hann
yfirleitt í hópnum hjá liðinu og leysti
þá Andrés Iniesta og Xavi af hólmi
á miðjunni þegar þurfa þótti, með-
al annars síðustu mínúturnar í úr-
slitaleik Meistaradeildarinnar gegn
Manchester United. Eiður átti því
þátt í mikilli velgengni liðsins á tíma-
bilinu þó hann hafi ekki verið lykil-
maður í því.
En þó að Eiður hafi náð þessum
merka áfanga fyrstur Íslendinga er
ekki hægt að segja að hann hafi náð
hápunkti ferils síns hjá spænska lið-
inu. Stjarna Eiðs skein líklega skær-
ast hjá Lundúnaliðinu Chelsea á ár-
unum 2000 til 2006 þar sem hann
skoraði 54 mörk í 182 leikjum, eða
nærri eitt mark í þriðja hverjum leik.
Bestum árangri náði Eiður á tímabil-
inu 2001-2002 þegar hann skoraði
23 mörk og myndaði hann þá eitrað
framherjapar með Hollendingnum
Jimmy Floyd Hasselbaink sem setti
27 mörk á tímabilinu.
Farið er að síga á seinni hlutann
á ferli Eiðs, sem verður 31 árs síð-
ar í mánuðinum, en telja má líklegt
að hann gegni stærra hlutverki hjá
Monaco en hjá Barcelona þar sem
hlutverk hans varð alltaf minna og
minna þau þrjú tímabil sem hann
lék með spænska liðinu. Félagaskipti
hans ættu því að geta hjálpað Eiði
að ganga í endurnýjun lífdaga sem
knattspyrnumaður eftir árin þrjú hjá
Barcelona sem hljóta þrátt fyrir allt
að hafa valdið honum nokkrum von-
brigðum þar sem oft er talað um að
knattspyrnumenn eigi að vera á há-
tindi ferils síns á aldrinum 26 til 30
ára.
Ferill Eiðs sem knattspyrnumanns
er langt frá því að hafa verið ein sam-
felld sigurganga. Eiður þurfti að sigr-
ast á miklu mótlæti á fyrri hluta ferils
síns áður en hann fann sig fyrst fyrir
alvöru hjá enska félaginu Bolton í lok
síðasta áratugar og byrjaði að sýna þá
takta á vellinum sem flestir kannast
við í dag. Knattspyrnumaðurinn hef-
ur einnig þurft að glíma við það að
vera á milli tannanna á fólki á Íslandi
nánast frá því hann var polli því fað-
ir hans, Arnór Guðjohnsen, var einn-
ig þjóðþekktur knattspyrnumaður
á sínum tíma. Þetta umtal hefur svo
aukist á síðustu tíu árum eftir að Eiði
byrjaði að ganga vel á knattspyrnu-
vellinum og hefur það einkum snú-
ist um að hann sé helst til sérhlífinn
í fótboltanum en einnig um einkalíf
hans þar sem mörgum hefur fundist
sem honum þyki hið ljúfa líf kannski
helst til skemmtilegt.
Þurfti karakter
til að rífa sig upp
Arnar Gunnlaugsson knattspyrnu-
maður er góður félagi Eiðs og léku
þeir saman í Bolton um tíma. Þeg-
ar hann lítur yfir kynni sín af Eiði er
honum minnisstæðast hvernig Eiður
náði að rífa sig upp úr meiðslum sem
hann varð fyrir í leik með U-18 ára
landsliði Íslands gegn Írum, tveim-
ur árum áður en hann fór til Bolton.
Eftir að hafa spilað nokkra leiki með
KR sumarið 1998, þar sem það vakti
mikla athygli íslenskra knattspyrnu-
áhugamanna hvað Eiður var í lé-
legu formi, samdi Bolton við hann.
„Ég hafði ekkert séð hann spila eftir
að hann meiddist fyrr en hann kom
í æfingaferð með Bolton til Írlands
nokkrum kílóum of þungur. Ég man
að Colin Todd, knattspyrnustjóri
Bolton, var búinn að spyrja okkur
mikið um hann. Þrátt fyrir aukakíló-
in var alveg ljóst hvað hann hafði
mikla hæfileika og það tók Bolton
ekki langan tíma að gera við hann
samning. Svo var hann fljótlega orð-
inn einn af lykilmönnunum í Bolt-
on,“ segir Arnar.
Hann segir að Eiður hafi sýnt mik-
inn karakter þegar hann reif sig upp
úr meiðslunum og kom ferli sínum
á rétta braut. „Þegar menn lenda í
svona alvarlegum meiðslum geta
þeir annaðhvort bugast og gefist upp
eða tvíeflst við mótlætið og ákveðið
að vinna sig út úr þeim. Hann er svo
ekki bara karakter heldur hefur hann
alveg óbilandi trú á eigin hæfileik-
um,“ segir Arnar sem telur að afrek
Eiðs á fótboltavellinum verði seint
endurtekin af öðrum hér á landi.
Knattspyrnumaðurinn Guðni
Bergsson, sem lék með Eiði hjá Bolt-
on og studdi við bakið á honum
meðan hann var að koma ferli sín-
um á réttan kjöl eftir meiðslin, segir
að það sem fyrst og fremst einkenni
Eið séu einstakir hæfileikar hans sem
fótboltamanns. „Þetta er það sem
líf hans hefur að mestu snúist um.
Hann er afar mótaður af lífi atvinnu-
mannsins í fótbolta, bæði í gegn-
um föður sinn og svo eins í gegnum
þennan glæsta feril sem hann hefur
átt sjálfur,“ segir Guðni.
Vel liðinn af flestum
Arnar segir að eftir því sem hann
best viti sé Eiður mjög vel liðinn af
flestum þeim félögum sem hann
hafi spilað hjá, en tekur þó fram að
vissulega sé erfitt að fullyrða um það.
Sjónvarpsmaðurinn Auðunn Blön-
dal, vinur Eiðs, tekur undir þetta og
segir: „Maður sér það í öllum liðum
sem hann er í, hvort sem það er Bar-
celona eða Chelsea, að hann er allt-
af með vinsælli leikmönnunum og
vel liðinn enda var hann varafyrirliði
hjá Chelsea þegar liðið vann fyrsta
meistaratitilinn sinn. Ég hef tekið eft-
ir þessu þegar ég hef heimsótt hann
að liðsfélagar hans eru yfirleitt mjög
ánægðir með hann sem liðsfélaga og
hann er hrókur alls fagnaðar,“ segir
Auðunn.
Guðni segir að Eiður hafi verið
fljótur að aðlagast leikmannahópn-
um hjá Bolton og að honum hafi
lynt vel við sína félaga. „Hann var vel
liðinn þarna mjög snemma,“ segir
Guðni.
Lokaður í margmenni
Auðunn segir jafnframt að Eiður
sé mikill húmoristi og grallari sem
sprelli mikið og sé skemmtilegur í
góðra vina hópi. Hann eigi aftur á
móti erfiðara með að slaka á í kring-
um fólk sem hann þekkir ekki vel
og eigi erfitt með að tala við það og
sýni því ekki sitt rétta andlit í marg-
menni. Auðunn skýrir þetta sem svo
að Eiður geti verið nokkuð feiminn
og skrýtinn hvað þetta varðar og sé
lengi að opna sig.
Guðni segir að Eiður sé tilfinninga-
rík manneskja sem vilji hafa gaman
af hlutunum og hafa líf og fjör í kring-
um sig og að hann sé mikill húmor-
isti. Hann tekur hins vegar undir orð
Auðuns um að Eiður virðist oft vera
lokaður í augum þeirra sem þekkja
hann ekki. „Með tíð og tíma, í þess-
ari stöðu sem hann er í og þetta fræg-
ur, þá setja menn upp ákveðna vörn
þannig að hann kannski hleypir ekki
öllum að sér. Hann hefur kannski
enga þörf á því heldur... Annars er yf-
irleitt mikið fjör í kringum hann og
það hefur verið gaman að kynnast
honum,“ segir Guðni.
Reikningurinn næstum
mánaðarlaun Auðuns
Auðunn segir að Eiður sé gjarn á að
stríða vinum svolítið á góðum stund-
um. Þannig segir hann að hann og
Eiður hafi eitt sinn farið saman út að
borða á gamla Apótekinu. Hann seg-
ist hafa ákveðið að bjóða Eiði í mat
svona til tilbreytingar því Eiður borgi
nú yfirleitt reikninginn þegar þeir fari
saman í mat.
Auðunn segir að þeir félagarnir
hafi borðað þríréttað þetta kvöld og
að Eiður hafi séð um að panta rauð-
vínið. Svo þegar reikningurinn kom
hafi hann slagað hátt upp í mánað-
arlaun Auðuns. „Ég fékk næstum því
taugaáfall þegar ég sá reikninginn og
bað um að fá að tala við þjóninn til
að spyrja hann hvaða rugl þetta væri
nú eiginlega því við værum nú bara
tveir. Þá var Eiður búinn að velja hel-
víti dýrt rauðvín til að hrekkja mig
aðeins. En hann endaði nú svo á
því að borga rauðvínið sjálfur,“ segir
Auðunn.
Víti Eiðs
Eitt af því sem hefur loðað við Eið
og verið honum til hnjóðs er áhugi
hans á fjárhættuspilum. Eiður við-
urkenndi í viðtali við breska blaðið
The People árið 2003 að hann hefði
eytt helst til miklu í fjárhættuspil í
gegnum tíðina og að hann ætlaði sér
að hætta því. Þá var Eiður leikmað-
ur Chelsea og hafði blaðið greint frá
því að hann hefði eytt 400 þúsund
pundum, eða rúmum 50 milljónum
króna á þáverandi gengi, í fjárhættu-
spil síðustu fimm mánuðina þar á
undan. Eiður hafði átt við meiðsli
að stríða og sagði blaðinu að honum
hefði leiðst og spilað fjárhættuspil til
þess að drepa tímann. „Ég byrjaði á
þessu aðallega af því mér leiddist og
ég vildi drepa tímann. Svo kom að
því að ég var búinn að skuldsetja mig
út af þessu,“ sagði hann í viðtalinu.
Eiður virðist því hafa sótt í spila-
vítin þegar honum leið illa og hann
lenti í mótbyr. Þannig segir sagan að
Eiður hafi eitt sinn farið í spilavíti
í London eftir að hafa farið á veit-
ingastað þar í borg með fleira fólki.
Nokkrir af þeim Íslendingum sem
léku á Englandi á þeim tíma höfðu
hist á veitingastaðnum ásamt eig-
inkonum sínum. Á veitingastaðn-
um voru Hermann Hreiðarsson, Ívar
Ingimarsson, Brynjar Björn Gunn-
arsson og Heiðar Helguson. Þegar
leið á kvöldið lenti Eiður í orðaskaki
við einn borðfélaga sinna og struns-
aði út af veitingastaðnum og inn í
næsta spilavíti þar sem hann mun
hafa tapað nokkru fé.
Eftir því sem næst verður komist
hefur Eiður hins vegar náð tökum á
þessum veikleika sínum enda sagði
hann í viðtalinu við breska blaðið The
People að hann vildi ekki vera háður
fjárhættuspilum. „Ég hef áttað mig
á því hversu hættuleg fjárhættuspil
geta verið... Ég get vel skilið hvernig
ungt fólk getur orðið háð fjárhættu-
spilum og ég skal glaður vera öðrum
víti til varnaðar um að ánetjast þeim
ekki,“ sagði hann í viðtalinu og var
ljóst að leikmaðurinn vildi vinna bug
á þessu vandamáli.
Ýmsir hafa hins vegar orðið til
þess í vikunni að rifja um glímu Eiðs
við spilafíknina eftir að fréttist af því
að hann væri á leið til Mónakó; borg-
ríkið er þekkt fyrir spilavíti sín og
flykkjast margir ferðamenn þangað á
hverju ári til þess að freista gæfunn-
ar. Auðunn og Arnar segjast hins veg-
ar ekki kannast við að Eiður stundi
fjárhættuspil um þessar mundir.
Latur eins og flestir fótbolta-
menn
Arnar Gunnlaugsson segir aðspurð-
ur hlæjandi að helsti galli Eiðs sé
kannski hvað hann sé húðlatur. „Ég
kynntist aðeins hans helstu göllum
þegar ég var úti í Bolton því við vor-
um mikið saman þarna Íslendingarn-
ir. Hann er auðvitað húðlatur eins og
flestir aðrir fótboltamenn. Þeir sem
eru í þessari atvinnumennsku í fót-
bolta eru bara eins og stór börn, þar
á meðal ég sjálfur. Það eru ekki mikl-
ar áhyggjur sem maður þarf að hafa;
bara mæta á æfingar og annað slíkt.
Það er bara fjölskyldan, vinirnir og
fótboltinn. En þetta er nú allt meint
á jákvæðan hátt,“ segir Arnar.
Auðunn segir að Ragnhildur kona
Eiðs hafi einmitt bent á þetta sama
atriði þegar hann gerði þátt um Eið
í sjónvarpsþáttaseríunni Atvinnu-
mennirnir okkar. „Hún sagði að Eið-
ur gæti verið svolítið latur stundum,
við heimilisverkin og annað slíkt,“
segir Auðunn og bætir því við að Eið-
ur geti einnig verið svolítið frekur og
ákveðinn á stundum.
Framhald á
næstu síðu
BREYSKt ÓSKABARN ÍSLANDS Á tÍMAMÓtUM
„Þegar menn lenda
í svona alvarlegum
meiðslum geta þeir
annaðhvort bugast
og gefist upp eða
tvíeflst við mótlætið og
ákveðið að vinna sig út
úr þeim.“
IngI F. VILhjáLmsson
blaðamaður skrifar ingi@dv.is
skin og skúrir Eiður með konu sinni, Ragnhildi Sveinsdóttur, á tónleikum James Blunt í Laugardalshöll í fyrra. Þrátt fyrir mikla
velgengni á fótboltavellinum á liðnum árum hefur Eiður þurft að berjast við nokkurt mótlæti á ferlinum, meiðsli, spilafíkn, lítinn
spilatíma hjá Barcelona og svo auðvitað Gróu á Leiti.
Varð snemma fótboltahetja Eiður Smári varð snemma mjög efnilegur í fótbolta. Strax þegar hann var lítill drengur og spilaði
með ÍR var byrjað að tala um Eið sem hálfgert fyrirbæri á fótboltavellinum; svo góður þótti hann.