Dagblaðið Vísir - DV - 04.09.2009, Blaðsíða 42

42 föstudagur 4. september 2009 sport
Það varð hreinlega allt vitlaust á Eng-
landi að kvöldi 21. nóvember 2007
þegar landsliðið þar á bæ í knattspyrnu
tapaði 3-2 fyrir Króatíu í lokaleik und-
ankeppni Evrópumótsins. Tapið þýddi
að England var ekki á stórmóti í fyrsta
skipti í fjölmörg ár og var einum manni
- og þá aðeins einum manni - kennt
um allt, nefnilega þáverandi þjálfara
liðsins, Steve McLaren. Ensku blöðin
tóku hann og reyndar leikmenn liðsins
gjörsamlega af lífi daginn eftir.
Enska knattspyrnusambandið
brást strax við. McLaren var rekinn
um leið og lofaði sambandið ítarlegri
naflaskoðun, enda gengi liðsins verið
algjört grín. Hver á að taka við enska
landsliðinu? var spurningin sem var
á allra vörum á Englandi. Á endanum
var ráðinn til starfa ítalski snillingurinn
og sigurvegarinn Fabio Capello. Hann
hefur unnið allt á ferlinum en ljóst var
að hans beið gífurlega erfitt verkefni,
verkefni sem hann hefur hingað til
leyst með sóma, enda enska landsliðið
taplaust í undankeppni heimsmeist-
aramótsins og getur tryggt sig inn á
HM með sigri á Króatíu - skemmtilegt
deja vu - á laugardaginn.
Hann einn ræður
Enska pressan gerði ætíð mikið úr því
að Steve McLaren hefði enga stjórn á
stjörnum enska landsliðsins sem völt-
uðu hreinlega yfir hann. Eitt af því
fyrsta sem Capello gerði var að koma
mönnum í skilning um að hann réði
ferðinni og að hann gerði það einn.
Leikmennirnir bera augljóslega mikla
virðingu fyrir Capello og hafa treyst
honum í einu og öllu.
Hann var einnig mjög meðvitaður
um að enskukunnátta væri mikilvæg
eins og kom bersýnilega í ljós hjá úr-
valsdeildarfélaginu Chelsea þegar Luis
Scolari var þar ráðinn í fyrra. Capello
kom mjög á óvart á sínum fyrsta
blaðamannafundi þegar hann talaði
fína ensku og hefur hann lagt mikinn
metnað í að læra hana enn betur og
verið í stífu enskunámi. Capello hef-
ur heldur ekki verið þekktur fyrir neitt
annað en að leggja mjög hart að sér -
oft verið kallaður vinnualki.
Gefið öðrum tækifæri
Capello var fljótur að afgreiða eitt
helsta vandamál enska liðsins undir
stjórn fyrrum þjálfara. Hvernig ætti að
láta Frank Lampard og Steven Gerrard
spila í sama liði inni á sama velli. Hann
hefur aldrei gert mikið úr því að leysa
þá flækju en báðir hafa átt magnaðan
leik fyrir landsliðið undir hans stjórn.
Enginn hefur þó líklega blómstrað
meira en Wayne Rooney sem er marka-
hæsti leikmaður undankeppninnar og
skorar nærri því í hverjum leik.
Rooney hentar afskaplega vel að
hafa hinn stóra og stæðilega Emile
Heskey við hlið sér á sóknarlínunni
en það er einn af þeim leikmönnum
sem Capello notar gjarnan umfram
aðra forvera hans. Heskey hefur ver-
ið með fast sæti í liðinu við hlið Roon-
eys og staðið sig vel á meðan stjörnur á
borð við Defoe, Crouch og Owen hafa
þurft að sitja á bekknum eða ekki ver-
ið í hópnum. Mannskapurinn hefur
ekkert tekið neinum ævintýralegum
breytingum undir stjórn Capellos en
leikmenn á borð við Gareth Barry hafa
fengið mikilvægara hlutverk í liðinu og
sinnt því vel.
Taplausir
Þegar England var dregið í riðil með
Króatíu, Úkraínu, Hvíta-Rússlandi,
Kazakhstan og Andorra varð brún-
in léttari á Englendingum. Þeir vissu
að vísu að þarna væri ekki á ferðinni
léttasti riðillinn og höfðu margir efa-
semdir, enda liðinu gengið hörmulega
síðustu tvö árin. En undir stjórn Capel-
los voru menn bjartsýnir. 2-0 sigur á
útivelli gegn Andorra fyllti þá ensku
engri ævintýralegri bjartsýni en þeg-
ar Króötum var slátrað, 4-1, í Króatíu
vissu menn að nýir og betri tímar væru
handan hornsins. Síðan þá hefur Eng-
land farið létt með þennan riðil og þeg-
ar sjö leikjum er lokið hafa þeir unnið
þá alla með markatöluna 26-4. Og eins
og áður segir dugir sigur, og meira að
segja jafntefli, gegn Króatíu á Wemb-
ley á laugardaginn til að tryggja sér
farseðilinn til Suður-Afríku. Tveimur
árum eftir hörmungina á sama stað.
Enska landsliðið í knattspyrnu
getur á laugardaginn tryggt sér
sæti í úrslitakeppni heimsmeist-
aramótsins sem fram fer í Suður-
Afríku næsta sumar. Til þess þarf
liðið að vinna Króatíu á heima-
velli en fyrir rétt tæpum tveimur
árum missti England af sæti á EM
2008 eftir tap gegn Króatíu. Eftir
það varð allt vitlaust og hófst þá-
mikil naflaskoðun hjá liðinu. Ítal-
inn Fabio Capello var ráðinn og
nú er öldin svo sannarlega önnur
hjá enska landsliðinu.
Á sama tíma - tveimur
Árum seinna
Fyrirsagnir enskra blaða eFtir hörmungina 2007
Daily Mail sagði að Mcclaren MynDi lifa í
Minningunni seM auMingi Með regnhlíf.
Þvílíkt safn af auMingjuM. Daily star skóf
ekkert utan af Því.
lýsingar
guarDian
voru hnit-
Miðaðar:
vonlausir,
óheppnir,
hjálparlaus-
ir.
the sun
sagði enska
knattspyrnu
vera koMna
í ræsið eftir
tapið gegn
króatíu.
TÓMAS ÞÓR ÞÓRÐARSON
blaðamaður skrifar: tomas@dv.is
Bjargvætturinn Fabio
Capello hefur rifið enska
landsliðið upp úr ræsinu.
Gerðu það sem ég segi, drengur
Wayne Rooney hefur blómstrað í
landsliðinu undir stjórn Capellos.
Hefur komið sterkur inn Eitt
af leynivopnum Capellos hefur
verið tröllið Emile Heskey.