Dagblaðið Vísir - DV - 06.11.2009, Blaðsíða 24

Varúð: Súlur
Svarthöfði er sleginn eftir að hafa lesið frétt um hrakfar-ir útsendara KSÍ sem tapaði rúmum átta milljónum á
næturrölti sínu í Sviss. Samkvæmt
þarlendum miðlum villtist hann inn
á hættulegar brautir með þeim Evu,
Loru og Carmen sem virðast vera hin-
ar skæðustu tálkonur vegna þess að
þær drekka bara kampavín sem kostar
hundrað þúsund kall flaskan.
Skynsamir menn vita að aldrei borgar sig, hvorki fjárhags-lega né siðferðislega, að reyna að skemmta sér með konum
með svona dýran smekk og Svarthöfði
prísar sig nú sælan að hafa ekki þurft
að leggja út fyrir nema þremur tvö-
földum vodka í kók til þess að krækja í
hana Svarthöfðu sína.
Þessi sexfaldi vodki er einhver besta fjárfesting sem Svart-höfði hefur gert vegna þess að alla tíð síðan hefur Svarthöfða
haldið honum góðum
og glöðum og hann
hefur því ekki þurft
að leggjast svo lágt
að lokka til sín
súlustúlkur með
ómerkilegu Asti
Gancia á svívirði-
legu verði.
Svarthöfði veit líka upp á sína tíu fingur að það borgar sig aldrei að spóka sig í rauðum hverfum, hvorki í Amster-
dam, Sviss né Kópavogi. Reikningur-
inn verður alltaf svimandi hvort sem
maður fær allt sem maður greiðir fyrir
eða lendir í klónum á skipulögðum
glæpamönnum sem smyrja vel ofan á
hverja VISA-færslu.
Þeir vesalingar sem villast út á þessa braut eiga heldur aldrei neinar varnir en sjálfsagt er ekkert verra að vísa á skipu-
lagða krimma en reyna að halda því
fram að manni hafi verið byrluð ólyfj-
an eins og ólánssámur súlustaða-
gestur reyndi fyrir nokkrum árum.
Sá virtist þó alveg pollróleg-ur yfir óförum sínum við súluna þangað til konan hans sá VISA-reikning-
inn. Þá rifjaðist skyndilega upp fyrir
honum að hann hafði líklega drukk-
ið smjörsýru með freyðivíninu og
óprúttnir aðilar (skipulagðir glæpa-
menn væntanlega) hefðu gert sér það
að leik að strauja kortið hans í gríð og
erg þar til dagur reis á meðan okkar
maður svaf hinn rólegasti lyfjasvefni í
örmum Evu, Loru eða Carmenar.
Maðurinn bar harm sinn á torg í fylgd eiginkonunn-ar sem virtist meira mis-boðið yfir því að mann-
inum skyldi hafa verið byrluð ólyfjan
en að honum hefði dottið það í fyrsta
lagi til hugar að spóka sig vopnaður
greiðslukorti í súlufrumskógi holdsins
lystisemda.
Kannski slapp þessi fyrir horn og kannski sleppur íslenski boltakallinn með skrekkinn líka og feitan bakreikning en
burtséð frá því sitja báðir uppi með
að hafa farið með fúsum og frjálsum
vilja inn á vafasamar brautir þar sem
menn mega eiga á öllu von. Og í því
sambandi stoðar lítið að ætla að fegra
sinn hlut með smjörsýru og atvinnu-
glæpamönnum. Bömmer beggja
virðist því ekki vera að þeir eyddu
pening í freyðivín með súludömum,
heldur hversu miklu þeir eyddu. Þetta
er aumt og svona gaurum væri hollast
að taka Svarthöfða sér til fyrirmyndar
og halda sig heima við þegar löngunin
til að bregða undir sig miðfætinum
blossar upp.
Sandkorn
n Tómas Ingi Olrich, sendi-
herra og fyrrverandi mennta-
málaráðherra, lét nýverið af
störfum eftir áralanga dvöl í
sendiráðinu í París. Eitt af hans
síðustu
verkum var
að ávarpa
fund á veg-
um OECD,
Efnahags-
og fram-
farastofn-
unarinnar
í París. Þar
talaði hann hástöfum gegn
Evrópusambandinu. Ýmsir er-
lendir embættismenn urðu víst
hálf kindarlegir: Voru Íslend-
ingar ekki að sækja um aðild?
Er þetta fulltrúi utanríkisráð-
herrans sem lagði inn um-
sóknina? Þykir ýmsum býsna
skondið að sjálfstæðismaður-
inn Tómas Ingi hafi hraunað
yfir ESB í boði Össurar Skarp-
héðinssonar.
n Fréttablaðið hefur síðustu
misserin ekki látið mikið að
sér kveða í umræðunni og
verið fremur rýrt. Það á sér ör-
ugglega þær skýringar að Jón
Kaldal ritstjóri hefur tekið til í
rekstrinum með blóðugri hag-
ræðingu. Að baki liggur sú von
að fríblaðið lifi Moggann og
sigri í einvígi risanna tveggja.
Fátt hefur verið um breyting-
ar á Fréttablaðinu en þó hefur
það nýmæli verið tekið upp að
afnema Bakþankana af baksíðu
blaðsins og taka upp skemmti-
mola. Þar apa þeir reyndar eftir
DV.
n Fréttablaðið, með rekstur
sinn í járnum, þykir eiga frá-
bæra möguleika í samkeppn-
inni við Moggann sem að sögn
glímir við tap sem slagar í það
mesta sem heyrst hefur af í
sögu pappírsmiðla. Það mun á
næstunni reyna á ekkjuna Guð-
björgu Matthíasdóttur í Vest-
mannaeyjum að leggja til meiri
peninga í hítina. Þá er spurn-
ing hvort Birna Einarsdótt-
ir, bankastjóri Íslandsbanka,
treysti sér til að hleypa Árvak-
ursmönnum í meiri skuldir
eftir að hafa afskrifað þúsundir
milljóna til að selja núverandi
eigendum blaðið.
n Ýmislegt bendir til þess að
Samfylking og vinstri-grænir
muni ná meirihluta í borgar-
stjórn. Þar með yrði Dagur B.
Eggertsson
borgarstjóri
að nýju eft-
ir stuttan
sprett sem
hann átti í
samvinnu
við Fram-
sókn, frjáls-
lynda og
vinstri-græna. Ólafur F. Magn-
ússon stútaði því samstarfi
til að vinna með Sjálfstæðis-
flokknum sem svo sló hann
eftirminnilega af. Sjálfstæðis-
menn mega ekki til þess hugsa
að verða í stjórnarandstöðu,
bæði í borginni og á landsvísu.
Það verður því allt lagt undir
í slagnum um stjórn Reykja-
víkur.
LyngháLs 5, 110 Reykjavík
Útgáfufélag: Útgáfufélagið Birtíngur ehf.
Stjórnarformaður: hreinn Loftsson
framkvæmdaStjóri: sverrir arngrímsson
ritStjórar:
jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
elísabet austmann, elisabet@birtingur.is
dv á netinu: dv.is
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: dv. Prentvinnsla: Landsprent. dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„Næsta ár
verður afar
erfitt fyrir mjög
mörg heimili.“
Jóhannes Gunnarsson, formaður
Neytendasamtakanna, um horfur heimilanna
vegna mjög mikillar kaupmáttarrýrnunar sem
spáð er á næsta ári. - DV.is
„Sigmundur Davíð í 2007
gírnum.“
Bloggarinn Jens Guð um að Sigmundur Davíð,
formaður Framsóknarflokksins, hafi ekki mætt á
26 af þeim 46 fundum sem haldnir hafa verið í
skipulagsráði Reykjavíkurborgar þar sem hann á
sæti. - jensgud.blog.is
„Þetta er lítil hreyfing í
rétta átt.“
Vilhjálmur Egilsson, formaður Samtaka
atvinnulífsins, um stýrivaxta-
ákvörðun peningastefnunefndar
Seðlabankans. Nefndin ákvað
að lækka stýrivextina úr tólf
prósentum niður í ellefu prósent.
- DV.is
„Það skyldi þó aldrei vera
að gamli góði Lenín hafi
verið framsóknarmað-
ur?“
Björn Valur Gíslason,
þingmaður VG, um þau
ummæli Höskuldar
Þórhallssonar að Lenín
ætti að vísa ríkisstjórninni
veginn. Björn segir leitun að
öðrum eins stóriðjusinna og Lenín. - visir.is
Hundadagar Íslands
Leiðari
Afleiðing óráðsíunnar í undanfara hrunsins er sú að íslenska þjóð-in hefur misst fjárhagslegt forræði sitt. Það þýðir að þjóðin er búin að
glutra niður þeim árangri sem náðist með
fullu sjálfstæði landsins. Það hvarflar ekki að
nokkrum manni í dag að ríkisstjórnarflokk-
arnir ráði för hvað varðar útgjöld ríkisins.
Þvert á móti er landinu stjórnað af illræmd-
um öflum, kenndum við Alþjóðagjaldeyris-
sjóðinn. Á þeim bænum er mönnum sama
um afkomu Íslendinga. Það skiptir þá engu
hvort velferðarkerfið virkar í þágu þeirra
sem eiga undir högg að sækja í versta ástandi
sem myndast hefur á síðari tímum. Sjónar-
mið þessa sjóðs eru þau ein að blóðmjólka
þjóðina til að borga skuldir í útlöndum sem
eiga tilurð sína í því að kjörnir fulltrúar Ís-
lands og allt embættiskerfið brást. Icesave-
málið er þannig ekki bankamönnum einum
að kenna. Rónarnir drekka á meðan eitthvað
er að hafa. Óreiðumennirnir eyða á meðan
þeir komast upp með það. Þeir veðsetja börn
Íslands á meðan enginn grípur í taumana.
Og það greip enginn í taumana. Fjármálaeft-
irlitið reyndi í einhverjum tilvikum að halda
aftur af mönnum í ruglinu. Úrskurðarnefnd
ógilti í fjölda tilvika það sem gert var. Seðla-
bankinn steinsvaf á sinni vakt með pólitísk-
an, sjálfskipaðan og spilltan varðhund við
stýrið. Og pólitíkusarnir höfðu fátt annað
fram að færa en að þvælast um heiminn til
að þræta fyrir réttmætar ábendingar um að
þjóðarbúið íslenska væri að fara til fjand-
ans. Hjá þeim liggur stærsta sökin. Fólkið
sem þjóðin kaus lét það gerast að allt sigldi í
strand. Og það er þeim að kenna að útlend-
ingasveit Alþjóðagjaldeyrissjóðsins stjórn-
ar lýðveldinu Íslandi. Jörundur hundadaga-
konungur gengur aftur rétt eins og danska
nýlenduveldið sem arðrændi þjóðina áður
en Ísland lýsti yfir sjálfstæði sínu. Nú eru
hundadagar á Íslandi í boði Alþjóðagjald-
eyrissjóðsins. Það hlýtur að vera forgangs-
verkefni að losa sig við það hyski úr landi
og taka upp sjálfsstjórn að nýju. Verst er að
núverandi stjórnvöldum er illa treystandi
til að halda á fjöreggi Íslands. Það er nefni-
lega ástæða til að ætla að þau hafi lítið lært
af hrunadansinum. Kannski höfum við enga
burði til sjálfsstjórnar eftir allt saman og eig-
um skilið að lifa hundadaga hina síðari.
reynir TrauSTaSon riTSTjóri Skrifar. Það hlýtur að vera forgangsverkefni að losa sig við það hyski.
bókStafLega
HÁLFDAUÐIR ÞJÓFAR Í HÁDEGISMÓA
Það var rétt um það leyti sem
Davíð Oddsson, blaðburðardrengur,
átti að vera að troða síðasta McDon-
alds-hamborgaranum inn um þver-
rifuna, að okkur bárust þau tíðindi
að skósveinar þessa sama Davíðs
hefðu látið gera skoðanahönnun. Eft-
ir að sérvaldir álitsgjafar höfðu tekið
þátt í hönnuninni, kom í ljós að flest-
ir þeirra sem afstöðu tóku, treysta
Davíð Oddssyni, fyrrverandi banka-
starfsmanni, best allra til að leysa
efnahagsvanda þjóðarinnar. Þessi
þvættingur er birtur í fréttum einsog
um alvöru könnun væri að ræða. En
hér er það náhirðin sem er að reyna
með öllum tiltækum ráðum að fegra
ímynd þeirra sem eyðilögðu allt. Í
pistli sem þessi Davíð ritaði um dag-
inn reyndi hann að mæra hinn óláns-
sama formann Sjálfstæðisflokksins.
Enn einn kjáninn hafði nefnilega
hellt sér yfir vini okkar á Norðurlönd-
um og sýnt þeim hvar Davíð keypti
ölið. Enn einn kjáninn stökk fram og
reyndi á hjákátlegan hátt að tala nið-
ur til þeirra sem hann ætti að líta upp
til. Hann hefði þó frekar átt að þegja
og skammast sín fyrir afglöp sinna
manna. Það er ekki hægt að neyða
heilu þjóðirnar til að treysta helm-
ingaskiptapakki sem arðrænt hefur
alla sem hægt var að ræna.
Uppgangurinn, á þeim árum þeg-
ar sjálfstæðismenn græddu og grill-
uðu, var svo magnaður að græðgin
kallaði á barnalán. Fólk var tilbúið til
allra illra verka. Að selja sálir barn-
anna og leyfa þeim að brenna á alt-
ari Mammons þótti náttúrlega bara
nauðsyn ein. Þarna voru ónýttar sál-
ir sem urðu að fá virkni. Og jafnvel
þótt allir gjörningarnir væru ólögleg-
ir þá skipti það engu máli. Siðblind-
ir stjórnmálamenn, reyndar fullkom-
lega daufdumbir á réttlæti, sleiktu
hér millana alla og gerðu þeim hátt
undir höfði.
Nú hefur uppgangurinn breyst í
niðurgang og auðvitað á Davíð Odds-
son, blaðsöludrengur, að taka þátt
í því að hreinsa upp þann óþverra
sem hann ataði. En þá refsingu tek-
ur hann út eftir að menn lesa honum
réttlátan dóm.
Já, allt er þetta eins. Endalaust
reyna þeir sem hér hraunuðu yfir
þjóðina að eyða umtali um hroðann
og í stað þess að skammast sín þá
skamma menn jafnvel þá sem síst
skyldi skamma. Sá sem át fyrsta ham-
borgarann hjá McDonalds er búinn
að koma okkur útaf lista yfir þjóðir
sem fá að selja ekta ameríska ham-
borgara. Við erum á bekk með Norð-
ur-Kóreu og Simbabve.
Æstu menn, við illan leik
nú auðvitað þið dæsið
því feita karlsins fagra steik
farin er í ræsið.
kristján hreinsson
skáld skrifar
„Nú hefur upp-
gangurinn breyst
í niðurgang.“
SkáLdið Skrifar
24 föstudagur 6. nóvember 2009 umræða