Dagblaðið Vísir - DV - 06.11.2009, Blaðsíða 37

helgarblað 6. nóvember 2009 föstudagur 37
baráttan við ófrjósemi
„Ég hætti á pillunni í desember 2005
og varð fljótlega ófrísk en þegar ég
var komin sex vikur á leið kom í ljós
að um utanlegsfóstur var að ræða,“
segir Árný Eva Sigurvinsdóttir og
bætir við að fósturmissirinn hafi
verið afar erfiður. „Þetta var mjög
sársaukafullt og ég tók missinn mjög
nærri mér. Um sumarið var ég svo
greind með Pcos sem er fjölblöðru-
eggjastokkaheilkenni og veldur því
að ég hef ekki eðlilegt egglos nema
með lyfjum,“ segir Árný Eva og bæt-
ir við að henni hafi eiginlega létt við
að fá greiningu. Árný Eva varð aftur
ófrísk í maí 2007 og aftur var um ut-
anlegsfóstur að ræða. Í það skiptið
þurfti hún að fara í aðgerð til að láta
fjarlægja fóstrið. „Eftir að hafa misst
tvisvar vildi læknirinn að við mynd-
um allavega bíða einn tíðahring og
ítrekaði að við yrðum að vera til-
búin andlega fyrir aðra tilraun. Ég
varð hins vegar ófrísk strax aftur en
það er víst algengt að konur verði
mjög frjóar eftir að þær missa fóst-
ur. Fljótlega kom í ljós að enn einu
sinni var um utanlegsfóstur að ræða
og í þetta skiptið missti ég annan
eggjaleiðarann,“ segir Árný Eva en
hún og kærastinn ákváðu eftir þetta
að taka sér pásu til að jafna sig eftir
vonbrigðin.
Lét bíða eftir sér
Eftir að hafa byggt sig upp aftur lá
leiðin í glasameðferð hjá Art Med-
ica. „Lyfin fóru ekki vel í mig og
ég var veik allan tímann, enda of-
örvaðist ég og endaði inni á spítala
þar sem ég lá í sex daga. Við feng-
um 24 egg úr eggheimtunni og það
frjóvguðust 17 en við gátum ekki
farið í uppsetningu í þetta skipt-
ið vegna oförvunarinnar. Í næsta
tíðahring voru settir upp tveir fóst-
urvísar með einkunnina 2,5 en við
fengum neikvætt út úr þeirri með-
ferð milli jóla og nýárs. Einhvern
veginn fannst mér nei-ið ekki eins
erfitt og ég hafði búist við en nokkr-
um dögum síðar þegar við vorum í
skírnarveislu skall raunveruleikinn
á mér svo ég brotnaði niður og varð
að fara heim,“ segir Árný Eva sem
hingað til hafði haldið í jákvæðnina,
fullviss um að hún yrði mamma á
endanum. „Við skelltum okkur strax
aftur í uppsetningu á frystum fóst-
urvísum og aftur voru þeir með ein-
kunnina 2,5. Viku eftir uppsetningu
fór ég að hugsa hvað ég hefði verið
þreytt upp á síðkastið og fór að gæla
við þá hugmynd að meðferðin hefði
kannski tekist, manninum mínum
til undrunar þar sem ég hafði verið
svo neikvæð í þessari meðferð,“ seg-
ir Árný Eva sem hafði rétt fyrir sér.
Hún segir meðgönguna hafa
gengið brösuglega. „Það blæddi frá
fimmtu viku að þeirri tólftu og ég átti
stundum erfitt og var mjög kvíðin. Í
rauninni trúði ég ekki að ég væri að
verða mamma fyrr en ég var kom-
in með hann í fangið,“ segir hún en
sonurinn, Heiðar Rafn, verður eins
árs í nóvember. Hún tekur undir að
Heiðar Rafn sé sannkallað krafta-
verkabarn. „Hann lét heldur betur
bíða eftir sér og lét líka hafa fyrir sér
því bæði meðgangan og fæðingin
var mjög erfið. Það gleymdist hins
vegar allt saman um leið og hann
var kominn til okkar.“
Misgóð ráð reyna á þolinmæð-
ina
Árný Eva er aðeins 24 ára í dag og
var 21 árs þegar þau byrjuðu að
reyna. Hún segir ferlið hafa þroskað
hana og hún hugsar með þakklæti
til læknanna hjá Art Medica. „Mér
sýnist sem pör leiti fyrr til læknis
í dag en áður og þar sem vinkona
mín hafði reynslu af ófrjósemi sagði
hún okkur að vera ekkert að bíða
heldur leita okkur hjálpar strax og
við gerðum það sem betur fer. Þetta
ferli reyndi mikið á okkur sem par
en styrkti okkur þó enn meira og þar
sem við komumst í gegnum þessa
erfiðleika saman þolum við allt,“
segir Árný Eva brosandi og bætir við
að hún mæli með spjallsvæðum á
vefjunum tilvera.is og draumaborn.
is. „Við sem göngum í gegnum svona
reynslu fáum oft misgóð ráð frá fólki
úti í bæ sem geta heldur betur reynt
á þolinmæðina og því er gott að
geta rætt við aðra sem þekkja þessa
reynslu,“ segir hún. Aðspurð hvort
þau séu farin að hugsa um frekari
barneignir segir hún það óráðið.
„Við eigum eftir að ræða þetta bet-
ur við lækninn en ef við verðum að
fara í aðra meðferð eigum við marga
fósturvísa í frysti.“ indiana@dv.is
„Ég er alveg ofboðslega heppin að
eiga góða systur að sem bauðst til
að gefa mér egg. Ég þurfti ekki að
biðja, enda hefði það verið rosalega
erfitt,“ segir Petra Sif Gunnarsdóttir
en hún og eiginmaður hennar hafa
árangurslaust reynt að eignast barn
í fimm ár. Petra Sif hefur fimm sinn-
um orðið ófrísk á eðlilegan máta en
alltaf misst fóstur þegar stutt er lið-
ið á meðgöngu. Í eitt skiptið var um
utanlegsfóstur að ræða sem olli því
að hún missti annan eggjaleiðar-
ann. Petra Sif, sem er 34 ára, og Þrá-
inn Brjánsson, eiginmaður hennar,
sem er 44 ára, eru á leið í sína tíundu
tæknimeðferð hjá Art Medica sem
verður glasafrjóvgun með gjafaeggi
frá systur hennar. „Mig grunaði allt-
af að það væri ekki allt með felldu
með mín egg þar sem ég missti allt-
af fóstur eftir sama vikufjölda,“ seg-
ir Petra Sif sem er lífsglöð og jákvæð
þrátt fyrir allt sem á þau hjónin hef-
ur verið lagt. „Þegar við byrjuðum
vorum við full bjartsýni og viss um
að þetta tækist í fyrstu tilraun en
lærðum fljótt að það er ekkert sjálf-
sagt í þessum efnum. Við erum samt
voðalega róleg yfir þessu því við vit-
um að þetta mun takast á endanum.
Eins höfum við passað upp á okk-
ur sjálf og ekki verið að fara í hverja
meðferðina á fætur annarri heldur
tekið okkur góða hvíld inni á milli.“
Þrái að verða mamma
Petra Sif segist hafa tekið þá ákvörð-
un í upphafi ferlisins að láta ekki
deigan síga þótt börnin myndu hlað-
ast niður í kringum hana. „Að verða
mamma er það sem ég þrái heitast
og ég vil ekkert frekar en að þetta
takist hjá okkur og auðvitað er þetta
stundum ofsalega erfitt. En það að
láta biturleikann og reiðina ná yfir-
höndinni er verst fyrir mann sjálf-
an. Í hvert skipti sem vinkona mín
eignast barn hugsa ég um hvað það
verði yndislegt þegar röðin kemur
að mér. Maðurinn minn á einn 19
ára son sem mér finnst ég eiga mik-
ið í og hann hefur fengið að fylgjast
með öllu ferlinu og hlakkar mikið til
að verða stóri bróðir.“
Petra segir mikilvægt fyrir alla
aðila að ræða vel saman um gjafa-
egg og hvað það þýði. „Systir mín
og hennar maður fóru í viðtal hjá
félagsráðgjafa á vegum Art Medi-
ca og eru búin að útskýra þetta fyr-
ir sínum börnum. Við ætlum ekki að
halda þessu leyndu og ef þetta tekst
munum við segja barninu frá þessu
þegar það hefur þroska til,“ segir
Petra og bætir við að það sé heppi-
legt að þær systur séu báðar dökk-
hærðar með brún augu. „Hún seg-
ist ekki vera að gefa mér barn heldur
einungis frumu,“ bætir hún bros-
andi við.
Opin um ferlið
Biðin eftir gjafaeggi er löng en þar
sem Petra Sif og Þráinn eru með eig-
in egggjafa komast þau strax að hjá
Art Medica. Petra telur að sér þyki
betra að þekkja til gjafans því þá viti
hún meira hvað þau hafi í hönd-
unum. Aðspurð segir hún feimni í
kringum ófrjósemi fara minnkandi.
„Ég hef verið opin um allar mín-
ar meðferðir og mér finnst betra
að segja satt um það sem við erum
að ganga í gegnum. Fólk veit samt
ekki alveg hvernig það á að ræða
þetta en ég hef ekkert að fela. Sum-
ar konur blogga um sína reynslu
en ég kaus að skrifa allt varðandi
ferlið í bók sem vinkona mín gerði
handa mér og þar mun barnið geta
lesið um það sem við gerðum til að
fá það til okkar. Maður er líka fljót-
ur að gleyma og ég man nánast ekki
hvernig ég á að sprauta mig þegar ég
byrja í nýrri meðferð.“
Petra segist oft þurfa hlusta á
misgóð ráð hjá fólki sem hún viti að
vilji vel. Margir hafi til dæmis bent á
að þau ættu að hætta þessum barn-
ingi og ættleiða frekar barn. „Ég er
mjög jákvæð gagnvart ættleiðingu
en ég finn á mér að þetta muni tak-
ast hjá okkur á þennan hátt þótt ég
viti ekki hvenær. Ég er bjartsýn og
bíð spennt eftir eggheimtunni. Von-
andi fáum við fullt af eggjum og get-
um reynt aftur. Bjartsýnin kemur
manni lengra en maður heldur.“
indiana@dv.is
Fær gjafaegg
frá systur sinni
Hann er
kraftaverkabarn
Kraftaverkabarn „Hann lét heldur betur
bíða eftir sér og lét líka hafa fyrir sér því bæði
meðgangan og fæðingin var mjög erfið. Það
gleymdist hins vegar allt saman um leið og
hann var kominn til okkar.“ MYND RaKeL ÓsK
Fá gjafaegg „Systir mín og hennar maður fóru í viðtal hjá félagsráðgjafa á
vegum Art Medica og eru búin að útskýra þetta fyrir sínum börnum. Við ætlum
ekki að halda þessu leyndu og ef þetta tekst munum við segja barninu frá þessu
þegar það hefur þroska til,“ segir Petra. MYND ÞÓRhaLLuR PeDROMYNDiR