Dagblaðið Vísir - DV - 06.11.2009, Blaðsíða 10

Hún er ímynd kvenlegrar fegurðar
og þokka. Hún er lifandi, ótrúlega
vel gefin, hress, skemmtileg, hlý og
góð ásamt því að fólk buktar sig og
beygir í djúpri lotningu og virðingu
fyrir henni, ekki bara karlmenn
heldur konur líka. Þannig er Kleo-
pötru Kristbjörgu Stefánsdóttur, for-
stjóra Gunnars Majoness, lýst af vax-
andi aðdáendahópi hennar.
„Ég er í grúppu sem ég kalla fjöl-
skyldu mína og í henni eru margir
af mínum bestu vinum, bæði kon-
ur og karlar. Við köllum okkur bræð-
ur og systur, stöndum saman eins
og fjölskylda og segjumst vera syst-
kin, kynnum okkur meira að segja
þannig úti um allt. Mér þykir vænt
um þau öll,“ segir Kleopatra Krist-
björg Stefánsdóttir, forstjóri Gunn-
ars Majoness.
Kleopatra virðist vera andlegur
leiðtogi fjölda fólks, hóps sem hún
kallar fjölskylduna sína. Það segja
flestir þeir viðmælendur sem DV
leitaði til. Meðlimir hópsins, sem
telur nokkra tugi einstaklinga og þar
á meðal eigendur fyrirtækisins, kalla
sig bræður og systur og ganga þeir
jafnframt undir gælunöfnun innan
hans.
Ganga undir gælunöfnum
Jón Viðarsson, sem gengur und-
ir gælunafninu „Marteinn“ í hópn-
um, lýsir Kleopötru sem ákaflega
góðri konu. Aðspurður vildi hann
lítið ræða um fjölskylduna en viður-
kenndi þó að hópurinn hittist reglu-
lega. „Ég þekki hana ágætlega og við
hittumst af og til. Hún er bara mjög
góð kona en ég held að ég fari ekkert
nánar út í það,“ segir Jón.
Hildur H. Pálsdóttir, sem gengur
undir gælunafninu „Branda“ innan
hópsins, segir Kleopötru yndislega
manneskju í alla staði. Hún segir
hana andlegan leiðtoga fjölskyld-
unnar. „Við erum öll bræður og syst-
ur, fjölskyldan er nokkuð stór en við
erum einhverjir tugir sem hittumst
reglulega og höfum hist í mörg ár.
Það er skyldumæting á fjölskyldu-
fundi mánaðarlega. Þá má alveg
segja að við séum öll skoð-
anabræður og -systur,“ segir
Hildur og bætir við:
„Maður veit
það alveg
að hún
er mjög
andlega
þen-
kjandi þó hún sjálf vilji lítið tala um
það. Það eru margir sem dæma hana
rangt og halda að hún sé öðruvísi en
hún er. Það er ferlega leiðinlegt því
ég veit hvað hún er rosalega góð og
hjálpsöm.“
Leiðtogi fjölskyldunnar
„Við erum öll á svipaðri línu, gegn
þessari neysluhyggju. Kleopatra er
náttúrlega bara yndisleg og ekkert
slæmt hægt að segja um hana. Það
er allt svo gott í kringum hana. Það
er ofsalega gott að leita til hennar og
maður lyftist upp þegar maður hefur
hitt hana. Hún veitir okkur hlýju og
andlegan innblástur. Innan hópsins
er hún mjög virt og dáð, það er al-
veg óhætt að segja að hún sé leiðtogi
fjölskyldunnar. Sem leiðtogi veit-
ir hún hópnum andlegan innblást-
ur, hennar boðskapur og lífsskoðun
er eitthvað sem okkur hugnast vel,“
segir Hildur.
Dularfull manneskja
Kleopatra Krist-
björg Stefáns-
dóttir fædd-
ist árið 1957
á Vopna-
firði og þá
var móð-
ir henn-
ar nokk-
uð ung
eða sextán
ára gömul.
Í bænum var
hún alltaf kölluð
Gúa og fara af henni
ýmsar dularfull-
ar sögur í bæn-
um. Einn við-
mælenda DV
sagði Kleo-
pötru Krist-
björgu hafa
aðhyllst and-
leg málefni
um nokkurt
skeið. Viðmæl-
andinn fullyrðir
að snemma hafi
hún safnað í
kringum sig að-
dáendum sem
nokkurs konar
andlegur leið-
togi. „Þau
voru
nokk-
ur
sam-
an
og lágu á leiðum í kirkjugarðinum.
Hópurinn var í einhverju kukli hérna
á árum áður,“ segir viðmælandinn.
Sjöfn Erlingsdóttir, húsmóðir á
Vopnafirði, segir að ýmsar sögur hafi
gengið í bænum um Kleopötru Krist-
björgu. Þrátt fyrir að sonur Sjafnar
og dóttir Kleopötru hafi verið vinir
til margra ára kynntust mæðurnar
ekkert. „Krakkarnir okkar voru voða
góðir vinir. Sonur minn fékk sjaldan
að fara inn fyrir hússins dyr hjá vin-
konu sinni heldur kom dóttirin til
okkar. Sjálf hitti ég konuna aldrei því
það var ávallt maðurinn sem kom til
dyra eða svaraði símanum. Krakk-
arnir hennar eru hins vegar voða
góðir krakkar,“ segir Sjöfn.
Erfið æska
„Það vita mjög fáir nokkuð um þessa
dularfullu manneskju. Það er ein-
hver söfnuður í kringum hana og í
bænum hafa gengið sögur um hana.
Bæjarbúar kynntust henni lítið og
töluðu um að hún væri dálítið furðu-
leg en sjálf kynntist ég henni ekkert
allan þennan tíma. Hún virðist vera
mjög dularfull,“ bætir Sjöfn við.
Kleopatra var í upphafi nefnd
Borghildur Kristbjörg Stefánsdótt-
ir en amma hennar, sem hún hélt
mikið upp á, gaf henni síðar nafnið
Kleopatra. Henni til heiðurs ákvað
Kleopatra að breyta nafni sínu form-
lega árið 1999 og tilkynnti nafna-
breytingu til þjóðskrár. Kleopatra á
mörg systkini en er ekki í miklu sam-
bandi við ættingja sína. Hún viður-
kennir að æska hennar hafi verið
nokkuð erfið og því vilji hún lítið tala
um fortíðina. Aðspurð segist hún lít-
ið velta sér upp úr sögum sem um
hana ganga, einkum í netheimum.
Nákvæmlega sama
„Mér er svo nákvæmlega sama um
umræðuna um mig. Þjóðarsálin er
svo sjúk. Óvildarmenn mínir vilja
greinilega hefna sín á mér og það
fólk er andlega veikt. Ég er ekki svo
hégómleg og vitlaus að hafa áhyggj-
ur af því sem aðrir segja og hvað
öðrum finnst um mig. Mér er svo
nákvæmlega, nákvæmlega sama.
Sem betur fer er til rosalega gott fólk
í kringum mig og ég er sem betur fer
mjög rík af vinum sem ég kalla fjöl-
skylduna mína. Ég á fullt, fullt af vin-
um,“ segir Kleopatra Kristbjörg.
Fyrrverandi starfsmaður fyrir-
tækisins bendir á í samtali við DV
að forstjórinn sinni lítið daglegum
rekstri fyrirtækisins. Á þeim tíma
sem hann starfaði þar segist hann
hafa tvisvar rekist á Kleopötru. „Ég
10 föstudagur 6. nóvember 2009 fréttir
„Ég á fullt, fullt af vinum og er föðmuð alls staðar sem ég kem,“
segir Kleopatra Kristbjörg Stefánsdóttir, forstjóri Gunnars
Majoness. Fortíð hennar þykir dularfull og um hana ganga
sögur í gamla heimabænum. Kleopatra á dyggan aðdáendahóp
sem lítur á hana sem andlegan leiðtoga sinn. Sjálf gerir hún
lítið úr áhrifamætti sínum en viðurkennir vinsældirnar.
DÝRKUÐ OG DULARFULL
MAJÓNESDROTTNING
TrauSTi hafSTEiNSSoN
blaðamaður skrifar: trausti@dv.is
alveg sama Kleopatra
blæs á allar kjaftasögur og
segist vera nákvæmlega
sama um þær sögur sem
ganga um hana.
Leiðtogi fjölskyldunnar Bræður og systur Kleopötru
innan „fjölskyldu Kleopötru“ segja hana veita hlýjan og
andlegan innblástur.