Dagblaðið Vísir - DV - 12.03.2010, Blaðsíða 46

Kvikmyndir
„Ég verð að viðurkenna að ég bjóst alls ekki við þessu, enda
engir smá risar sem ég var að keppa við,“ segir Þórunn Hafstað,
höfundur og framleiðandi heimildamyndarinnar Íslensk al-
þýða sem fékk Menningarverðlaun DV í kvikmyndum. Þetta er
fyrsta mynd Þórunnar en á meðal tilnefndra voru reynsluboltar
í íslenskri kvikmyndagerð á borð við Friðrik Þór Friðriksson og
Ragnar Bragason.
Myndin gefur innsýn inn í líf nokkurra íbúa í verkamannabú-
stöðunum við Hringbraut en húsin standa við Ásvallagötu og
Hofsvallagötu auk Hringbrautar. Þórunn hefur ekki búið í nein-
um húsanna sjálf en hefur í gegnum tíðina kynnst fólki sem býr
og bjó þarna. „Ég fór svo að viða að mér upplýsingum um sam-
félagið og fór þannig smám saman að fá innsýn inn í Húsfélag
alþýðu, samfélagið sem þrífst þarna og söguna á bak við það.
Ég ólst sjálf upp í Vesturbænum og það var svolítið sérstakt að
uppgötva eiginlega þarna samfélag sem var fyrir framan augun
á mér allan tímann. Og ég nálgaðist myndina eins og ég væri
að fara að skoða samfélag inni í samfélagi, og ég er líka svolítið
að skoða samband fólks við íbúðirnar sínar. Þetta eru nefnilega
litlar íbúðir, mjög fúnksjónal íbúðir, og ég er svolítið að skoða
hvernig arkitektúrinn hefur áhrif á íbúana og öfugt.“
Aðspurð hvort myndin fari í dreifingu erlendis segir Þórunn
þreifingar í gangi í þeim efnum sem hún geti því miður ekki sagt
frá að sinni. kristjanh@dv.is
Rökstuðningur dómnefndar:
Það er ávallt gleðiefni þegar fyrsta kvikmynd ungs kvik-
myndahöfundar heppnast svo vel að áhorfandinn fær
nýja sýn á veruleikann. Heimildamyndin Íslensk alþýða
eftir Þórunni Hafstað er þannig mynd. Þórunn, sem ný-
lokið hefur námi í sjónrænni mannfræði, beinir sjónum
að verkamannabústöðunum við Hringbraut og nokkrum
íbúum þeirra. Áherslan er bæði skemmtileg og nýstár-
leg; þetta er saga um samskipti fólks við það rými sem það
hrærist í. Með því að skoða þessi samskipti nær Þórunn að
sýna okkur venjulegt fólk í því samhengi sem við leiðum
oftast hjá okkur. Smáatriði opinbera óvæntar hliðar. Hið
ofur hvunndagslega reynist áhugaverðara en áhorfandinn
ætlar. Húsið hefur sál og aðgát skal höfð í allri nærveru og
umgengni. Myndin vakti mikla athygli á Skjaldborg, hátíð
íslenskra heimildamynda, síðastliðið vor og á Alþjóðlegri
kvikmyndahátíð í haust. Vonandi ber Sjónvarpið gæfu til
að sýna hana sem fyrst, enda á hún fullt erindi við íslenska
alþýðu.
Þórunn Hafstað hlaut Menningarverð-
launin í flokki kvikmynda fyrir heimilda-
mynd sína Íslensk alþýða.
Leiklist
Bjóst ekki við að
vinna risana
„Mér finnst gaman að fá verðlaun, mér finnst gott að fá verðlaun
í hóp, veit ekki hvernig það færi í mig sem einstaklingur, kannski
yrði ég of montin, en mér finnst ægilega gaman að deila verð-
launum með Bergi og Benedikt,“ segir Halldóra Geirharðsdótt-
ir leikkona. „Benedikt kom um borð og gaf okkur mikinn kraft.
Hann er félagi okkar og talar sama tungumál og við. Það er gam-
an að landa þessu saman.“
Halldóra og Bergur Þór Ingólfsson hafa leikið trúðaparið Bar-
böru og Úlfar í langan tíma en þau segjast þó aðeins vera á
miðri leið í verki sem hafi ekki afmörkuð endalok.
„Við höfum unnið að þessu í 15 ár og þetta er viðurkenning
fyrir úthald. Vonandi verðum við enn að um sjötugt og leikum
trúða,“ segir Bergur.
Halldóra segir að trúðarnir séu í stöðugri þróun. „Trúðarnir
verða til svo lengi sem við verðum til. Markmiðið er að þetta sé
leikhúsform sem aðrir kveikja á og fá líka áhuga á að leika. Það
eru komnir fleiri trúðar, þeir sem voru með okkur í Dauðasynd-
unum, þeir sem voru með okkur í Jesú litla, margir grípa bolt-
ann,“ segir hún.
„Við stefndum alltaf að trúðboði og það hefur heppnast,“ bætir
Bergur við.
Halldóra segir að lokum að hún hafi fundið frelsi þegar hún
lærði leiktækni trúðanna í Nemendaleikhúsinu fyrir 15 árum.
„Þegar við lærðum þessa leiktækni, þá hugsaði ég: „já, nú skil ég
hvers vegna ég er í leikhúsi“ og „ég vil taka þátt í svona leikhúsi“.
Og ég fann andlegt frelsi.“ helgihrafn@dv.is
Rökstuðningur dómnefndar:
Bergur Þór Ingólfsson og Halldóra Geirharðsdóttir hafa á und-
anförnum árum þróað trúðaparið Barböru og Úlfar í ýmsum
sýningum. Þau hafa þar kveikt nýjan áhuga á trúðleik hér á landi
og skapað honum áður óþekktan sess innan íslensks leikhúss.
Þetta starf þeirra hefur sjaldan borið betri ávöxt en í sýningunni
Jesú litli undir leikstjórn Benedikts Erlingssonar.
Halldór Geirharðsdóttir og Bergur Þór
Ingólfsson léku trúða Jesú litla í leikstjórn
Benedikts Erlingssonar:
„Trúðarnir verða til svo
lengi sem við verðum til.“
46 FÖSTUDAGUR 12. mars 2010 HELGARBLAÐ
Þórunn Hafstað Leikstjóri og framleiðandi
Íslenskrar alþýðu sem Þórunn gerði í tengslum
við nám sitt í sjónrænni mannfræði.
MYND SIGTRYGGUR ARI
Aðstandendur Jesú litla
Halldóra Geirharðsdóttir
og Bergur Þór Ingólfsson
hafa þróað trúðana
Barböru og Úlfar í langan
tíma. Þau segja Benedikt
Erlingsson hafa veitt þeim
mikinn kraft og innblástur.
?