Dagblaðið Vísir - DV - 12.03.2010, Blaðsíða 66

SONY KYNNIR 3D-GLERAUGU Samhliða mark-
aðssetningu á þrívíddarsjónvörpum kynnti Sony á
dögunum þrívíddargleraugu sem hægt er að kaupa
sér. Fyrir fjögurra manna fjölskyldu kosta gleraugun
587 dollara eða um 75 þúsund krónur. Þess má geta
að með flestum þrívíddarsjónvörpum fylgja tvenn
slík gleraugu og búnaður (infrared emitter) til að
nota þau með sjónvarpinu.
RAFMAGNIÐ
SOGIÐ UPP
Vísindamenn í Suður-Kóreu kynntu í
vikunni fréttamönnum nýjan
vistvænan almenningsvagn sem
sýgur rafmagn bókstaflega upp úr
jörðinni. Hugmyndin byggist á því
að sérstökum raflögnum er komið
fyrir undir yfirborði þess vegar sem
vagninn keyrir um en farartækið
„sýgur“ síðan orkuna upp með
segultækni. Farartækið verður fyrst
um sinn notað í skemmtigarði í
Seoul og ef tilraunin tekst vel hafa
borgaryfirvöld ákveðið að hefja
tilraunir með þessa tækni í
almenningsvagnakerfi borgarinnar.
Í KJÖLFARIÐ Á IPAD
iPad-tölvan frá Apple hefur heldur
betur valdið usla hjá öðrum
tölvuframleiðendum en talið er að
um fimmtíu svipaðar tölvur frá
ýmsum framleiðendum verði
kynntar á Computex-raftækjasýning-
unni í Taipai á Taívan sem er ein
stærsta sinnar tegundar í Asíu. Því
hefur verið spáð að árið 2010 verði
ár töflunnar (tablet) en vitað er að
stórir framleiðendur eins og Dell, HP
og HTC munu setja svipaðar tölvur á
markað á árinu.
UPP, UPP MÍN SÁL
OG ALLT MITT GEÐ
Ef þú hefur séð gamlar James Bond
myndir veistu að myndin hér að ofan
er engin ný bóla. Þotubelti (Jetpack/
Rocketbelt) voru fyrst þróuð af
bandaríska hernum á sjöunda
áratug síðustu aldar en náðu aldrei
meir en hálfrar mínútu flugtíma auk
þess sem þau þóttu of hættuleg.
Hugmyndin er hins vegar ekki
gleymd og þetta nýja þotubelti sem
er hannað af nýsjálenska fyrirtækinu
Martin Aircraft gengur á venjulegu
bílabensíni og nær 30 mínútna
flugtíma. Hægt er að panta eitt
stykki á vefsíðu fyrirtækisins seinna á
árinu fyrir áætlaðar 10 milljónir
króna.
UMSJÓN: PÁLL SVANSSON, palli@dv.is
Sigurganga þrívíddarmyndarinnar
Avatar, sem frumsýnd var í desem-
ber síðastliðnum, markar ákveð-
in tímamót í heimi afþreyingar-
miðla. Ekki ólíkt því þegar hljóð
kom fyrst í kvikmyndir eða litir
tóku við af svarthvítu í sjónvarpi
og kvikmyndahúsum. Avatar er þó
að sjálfsögðu ekki fyrsta þrívíddar-
myndin sem kemur fyrir almenn-
ingssjónir en hún staðfestir ræki-
lega að þrívíddin er loks komin til
að vera, markaðurinn hefur fest sig
varanlega í sessi og framleiðendur
skynja gífurlegan áhuga almenn-
ings að upplifa þessa skemmtilegu
tækni. Þrívíddarmynd Tim Burton,
Alice, sem frumsýnd var um síð-
ustu helgi, ætlar að slá Avatar út í
aðsókn, en þessa fyrstu sýningar-
helgi rakaði myndin samanlagt inn
um 210 milljónum Bandaríkjadala
víðsvegar um heiminn.
Aldargömul tækni
Það er farið að nálgast heila öld
síðan fyrsta stóra þrívíddarmyndin
var gerð, The Power of Love, árið
1922. Kostnaður og erfiðleikar við
framleiðslu og sýningar urðu þó
til þess að þrívíddarmyndir festu
aldrei rætur í kvikmyndaheimin-
um næstu áratugina. Það er ekki
fyrr en á sjötta áratug síðustu ald-
ar að hálfgert þrívíddaræði skall
á í Bandaríkjunum og tugir slíkra
kvikmynda litu dagsins ljós, einna
frægust var Creature from the
Black Lagoon. Á áttunda og níunda
áratugnum urðu þrívíddarmyndir
vinsælar á nýjan leik með tilkomu
sérstakra kvikmyndahúsa á veg-
um IMAX og Disney-fyrirtækisins.
Síðustu níu árin hafa þrívíddar-
myndir stöðugt verið að ryðja sér
til rúms og á síðasta ári voru hátt á
annan tug slíkra mynda framleidd-
ar. Margir spá því að þetta ár verði
sögulegt því stærstu og dýrustu
myndirnar verði flestar í þrívídd.
Þrívídd í sjónvarp
Áhugi almennings á að upplifa þrí-
vídd heima í stofu hefur heldur ekki
farið fram hjá sjónvarpsframleið-
endum síðustu árin. Það sem hef-
ur hins vegar vantað upp á er nægi-
legt úrval myndefnis til að réttlæta
kaup hins hefðbundna neytanda
á slíku tæki. En mörkunum virðist
nú hafa verið náð, bæði hvað varð-
ar úrval efnis og fyrirætlanir margra
sjónvarpsstöðva á að hefja að ein-
hverju leyti útsendingar í þrívídd. Til
að byrja með verða það einna helst
kvikmyndir og íþróttaviðburðir sem
njóta þessarar tækni í sjónvarpi.
Opnunarhátíð Ólympíuleikanna
í Vancouver var til dæmis send út í
þrívídd en ólíklegt er talið að hefð-
bundið sjónvarpsefni njóti þessar
tækni fyrr en hægt verður að fram-
leiða tæki sem þarfnast ekki sér-
stakra gleraugna við áhorf. Slík tæki
eru væntanleg á markað innan fimm
ára.
Stefnt á jólin
Allir stærstu sjónvarpstækjaframleið-
endur heimsins eru nú í óða önn að
koma þrívíddarsjónvörpum á mark-
að, Samsung og Panasonic eru leið-
andi í markaðssetningunni og koma
nokkrum útgáfum slíkra tækja í versl-
anir í þessari viku og mánuði. Þrí-
víddaræðið verður þó í hámarki fyrir
næstu jól, enda flestir framleiðend-
ur þá búnir að koma tækjum sínum
á markað og úrval myndefnis hefur
aukist. Yfir tuttugu þrívíddarmynd-
ir verða frumsýndar á þessu ári en
einnig verða eldri kvikmyndir end-
urgerðar fyrir þrívíddina. Talið er að
hálfgerð sprenging verði í gerð þrí-
víddarefnis á næstu árum til að metta
þann markað sem er að skapast.
Verð
Sérfræðingar spá því að þrívídd-
artæki muni yfirtaka markaðinn á
næstu árum því tæknin sem ligg-
ur að baki þeim sé ekki kostn-
aðarsamari en við framleiðslu
hefðbundinna viðtækja. Þrívídd-
argleraugun sem fylgja tækjun-
um séu helsti kostnaðaraukinn og
þegar ný tæki án gleraugna komi á
markað innan nokkurra ára komi
verð á þessum tækjum til með að
lækka.
Sem dæmi um verð á þrívídd-
arsjónvarpi býður Sony uppá 40“
tæki á 411 þúsund krónur í Japan
og Samsung er með fjölda stærða
og gerða á bilinu 250 til 500 þús-
und krónur í Bandaríkjunum.
66 FÖSTUDAGUR 12. mars 2010 HELGARBLAÐ
Þrívíddartæknin hefur aldrei náð að festa virkilegar rætur þrátt fyrir aldargamla sögu
í heimi kvikmyndagerðar. En vitjunartími þessarar áhugaverðu tækni er loks kominn
ef marka má þær breytingar sem nú eru að verða í heimi kvikmynda og sjónvarps.
Avatar Þrívíddarmyndin sem setti allt af stað.
3D-ÆÐIÐ
SKELLUR Á Alice Þrívíddarmynd Tim Burton ætlar að slá öll
aðsóknarmet.