Dagblaðið Vísir - DV - 15.10.2010, Blaðsíða 4

4 fréttir 15. október 2010 Föstudagur
Kettirnir Kæfðir
„Ég er ennþá í sjokki og veit ekki al-
veg hvað ég á að segja,“ segir Dan-
íel Tumason, eigandi tveggja læða
sem drepnar voru á hrottalegan
hátt um helgina. Fjölskylda hans
fékk símhringingu frá dýralækni á
mánudagsmorgun þar sem þeim
var tilkynnt að læðurnar þeirra,
Fred og Jethro, væru dauðar. Þær
höfðu fundist sundurskornar
skammt frá heimili þeirra í Njörva-
sundi og þótti strax ljóst að dauða
þeirri hefði ekki borið að með eðli-
legum hætti.
Innyflin farin
„Við fengum símhringingu frá
dýraspítalanum í Víðidal en þá
hafði lögreglan komið þeim þang-
að. Dýralæknir þar sá að það var
ekki allt með felldu og lét okkur
vita. Það voru engir áverkar sýni-
legir og við fengum þær upplýs-
ingar að líkast til hefði verið eitrað
fyrir þeim eða þær kæfðar,“ segir
Daníel sem er mjög brugðið vegna
málsins og veltir fyrir sér hvers
konar mannvonska liggi að baki.
„Þær voru skornar upp og garnirn-
ar voru fjarlægðar. Það er augljóst
að það var ekki ekið á þær,“ segir
hann og bætir við að ekkert blóð
hafi verið á hræjunum. Það bendi
til þess að þær hafi verið skornar
upp eftir að þær drápust.
Katrín Harðardóttir, dýralæknir
í Víðidal, tók við læðunum og stað-
festir hún að það virðist sem kett-
irnir hafi verið skornir upp.
Engar upplýsingar
Daníel segir að fjölskylda hans
hafi strax haft samband við lög-
reglu eftir að dýralæknirinn
hringdi til að afla frekari upplýs-
inga um málið. En Daníel segist
hafa komið að tómum kofunum
því lögregla sagðist engar upplýs-
ingar hafa um málið. Líkast til hafi
þeir lögregluþjónar sem komu
köttunum til dýralæknisins ekkert
bókað um málið. „Við héldum að
það væri búið að stofna eitthvað
mál í kringum þetta en það hafði
ekkert verið gert. Við fengum því
engar upplýsingar um það hvort
málið hefði yfir höfuð eitthvað
verið skoðað. Mér finnst það vera
algjört hneyksli. Í Bandaríkjunum
fengju menn fangelsisdóm fyr-
ir svona lagað. Þetta er klárt brot
á dýraverndarlögum. Við vitum
ekkert og það eina sem maður get-
ur gert er að láta almenning vita af
þessu,“ segir hann.
Öskunni dreift um garðinn
Daníel segir að læðurnar, Jethro
og Fred, hafi komið inn á heimil-
ið fyrir þremur árum en þær voru
undan sömu læðunni. Hann seg-
ir að Fred hafi verið nefnd eftir
grænlenskum vini litlu systur hans
en Jethro hafi verið nefndur eftir
hljómsveitinni Jethro Tull. „Þær
voru nefndar áður en við vissum
kynin. Við fengum þær þegar þær
voru bara kettlingar og þær voru
yndislegar. Jethro var mjög góð-
ur vinur hundsins á heimilinu
og svaf oft á sama stað og hann.
Fred var líka mjög skemmtileg og
elti hundinn oft þegar hann fór í
göngutúr.“
Daníel segir að hann hafi ekki
lagt í að fara á dýraspítalann
til að skoða hræin. „Við létum
brenna þær og ætlum að dreifa
öskunni í garðinum,“ segir hann
að lokum.
Kattareigandinn Daníel Tumason er miður sín yfir afdrifum tveggja læða í hans
eigu. Þær fundust dauðar skammt frá heimili þeirra og bendir flest til þess að ann-
aðhvort hafi verið eitrað fyrir þeim eða þær kæfðar. Eftir voðaverkið voru innyflin
fjarlægð. Öskunni verður dreift í garðinum við heimili foreldra hans.
Við létum brenna þær og
ætlum að dreifa ösk-
unni í garðinum.
EInar þór sIgurðsson
blaðamaður skrifar: einar@dv.is
Miður sín DaníelermiðursínafdrifumþeirraJethroogFred.
Fallegur köttur HérséstlæðanFredíþægilegristöðu.MynD Úr EInkasaFnI
góður vinur Jethrovargóðurvinur
hundsinsáheimilinuogkúrðioftmeð
honum.MynD Úr EInkasaFnI
Krónan nálgast
Bónus
Aðeins 85 króna verðmunur var á
vörukörfu ASÍ milli Bónuss og Krón-
unnar eða 1 prósent. 23 prósenta
verðmunur reyndist vera á matar-
körfunni þegar verðlagseftirlit ASÍ
kannaði verð í matvöruverslunum
síðastliðinn þriðjudag. Vörukarfan
var ódýrust í Bónus þar sem að hún
kostaði 6.879 krónur, en aðeins 85
krónum dýrari í Krónunni.
Vörukarfan var dýrust í Nóatúni
á 8.469 krónur. Lítill verðmunur var
á milli Kosts, Samkaupa Úrvals og
Nóatúns en karfan var 20–23 prósent
dýrari en í Bónus og Krónunni. Mun-
urinn á milli dýrustu og ódýrustu
vörukörfunnar er 1.590 krónur. Svo
um umtalsverða fjárhæð er að ræða
fyrir neytendur. Vörukarfan sam-
anstendur af 31 almennri neysluvöru
til heimilisins, til dæmis mjólkur-
vörum, morgunkorni, grænmeti,
kjöti, drykkjarvörum, ásamt ýmsum
pakkavörum, dósamat og fleiru.
fjölskylduhjálpinni
vísað frá
„Það er mjög slæmt fyrir starfið okk-
ar á næsta ári að verða af styrkn-
um,“ segir Ásgerður Jóna Flosadóttir
framkvæmdastjóri Fjölskylduhjálpar
Íslands en Fjölskylduhjálpin fær ekki
fjögurra milljóna styrk frá fjárlaga-
nefnd Alþingis eins og vaninn hefur
verið undanfarin ár. Ástæðan er sú að
styrkumsóknin barst hálfum mánuði
eftir að frestur rann út. Ásgerður Jóna
segir fjárlaganefnd sýna ósveigjan-
leika.
Í bréfi frá fjárlaganefnd Alþingis
sem DV hefur fengið afrit af og sent
var til Fjölskylduhjálpar Íslands þann
12. október segir: „Þar sem umsókn
ykkar barst eftir lok tilskilins umsókn-
arfrests er hún hér með endursend.“
Ásgerður Jóna staðfestir að hún hafi
fengið bréfið í hendurnar og segir að
slíka endursendingu hafi hjálparsam-
tökin ekki fengið áður. Líklegast sé
um nýjar reglur að ræða. „Mér finnst
það vera svolítið mikill ósveigjanleiki
af fjárlaganefnd að senda umsóknina
til baka, þó svo að við höfum ekki sent
þetta inn á nákvæmlega réttum tíma.
Hingað til hefur alltaf verið ákveðinn
sveigjanleiki í þessu,“ segir hún.
Baldur Guðlaugsson, fyrrverandi
ráðuneytisstjóri í fjármálaráðuneyt-
inu, gæti átt von á allt að sex ára
fangelsi verði hann fundinn sekur
um innherjasvik samkvæmt lögum
um verðbréfaviðskipti. Greint var frá
því í gær að settur ríkissaksóknari í
málefnum bankahrunsins, Björn L.
Bergsson, hefði ákært Baldur fyrir
umrætt brot, sem og brot í opinberu
starfi samkvæmt almennum hegn-
ingarlögum.
Innherjasvik geta varðað sekt-
um eða allt að sex ára fangelsi sam-
kvæmt lögum um verðbréfavið-
skipti. Þá segir í 147. grein laganna:
„Heimilt er að gera upptækan með
dómi beinan eða óbeinan hagn-
að sem hlotist hefur af broti gegn
ákvæðum laga þessara.“
Með setu sinni í samráðshópi
stjórnvalda um fjármálastöðugleika
og sem ráðuneytisstjóri í fjármála-
ráðuneytinu er Baldur talinn hafa
hagnýtt sér vitneskju sem hann fékk
í opinberu starfi sem aðrir höfðu
ekki þegar hann seldi hlutabréf sín
í Landsbankanum fyrir 192 milljón-
ir króna. Sá gjörningur fór fram 18.
september 2008, rúmum tveimur
vikum fyrir bankahrunið. Er því lit-
ið svo á að vegna stöðu sinnar hafi
Baldur haft stöðu tímabundins inn-
herja samkvæmt lögum um verð-
bréfaviðskipti.
Rannsókn á máli Baldurs var
hætt þann 7. maí í fyrra. Fjármála-
eftirlitið ákvað hins vegar á fundi
sínum rúmum mánuði síðar að
hefja rannsókn á nýjan leik á grund-
velli nýrra gagna í málinu. Mun
þetta vera fyrsta mál sinnar tegund-
ar hér á landi.
mikael@dv.is
Baldur guðlaugsson verður dreginn fyrir dóm:
sex ár við meintum brotum
Ákærður BaldurGuðlaugsson,fyrrver-
andiráðuneytisstjóriífjármálaráðuneyt-
inu.SeldihlutabréfíLandsbankanumfyrir
192milljónirskömmufyrirhrun.