Dagblaðið Vísir - DV - 15.10.2010, Blaðsíða 53

FÖSTUDAGUR 15. október 2010 SPORT
ÞRUMUFLEYGARNIR
ÞAULÆFÐIR
djamminu. „Ég fékk nú bara bílprófið í fyrra
þannig að ég var bara gaurinn aftur í, edrú. Eftir
að ég fékk bílprófið hef ég bara verið gaurinn á
bílnum,“ segir Gylfi og hlær.
Vínið er einfaldlega ekkert sem heillar hann.
„Það hjálpar mér örugglega að
drekka ekki því ég held að áfengi
sé ekkert það besta sem þú færð
fyrir vöðvana. Það er samt alveg
hægt að drekka þó maður sé í
íþróttum en ég bara ákvað að
gera það ekki og sé ekki eftir því.
Svo lengi sem mig langar ekki í
þá mun ég ekki fá mér. Strákarn-
ir voru eitthvað að skjóta á mig
eftir leikinn að ef ég fengi mér ekki bjór eftir að
hafa komist á EM, þá myndi ég aldrei fá mér. Ef
við komumst einhvern tíma á HM fæ ég mér
kannski einn ískaldan.“
LENGI Í LANDSLIÐIÐ
Þrátt fyrir velgengnina með Reading í hinni
mjög svo sterku Championship-deild á Eng-
landi, þar sem hann skoraði í hverri viku, tók
það Ólaf Jóhannesson landsliðsþjálfara nokk-
uð langan tíma að velja Gylfa í landsliðið. Gekk
Ólafur svo langt að segja í byrjun árs að Gylfi
væri einfaldlega ekki einn af tuttugu bestu leik-
mönnum sem Ísland ætti. Þau orð vöktu furðu
margra. „Það var ekki skemmtilegt að heyra
það,“ segir Gylfi um ummæli Ólafs. „Ég von-
aðist alltaf til þess að vera í hópnum hjá lands-
liðinu þannig að ég varð mjög reiður þegar ég
sá hópinn. Þá var samt ekkert annað að gera
en að einbeita sér að Reading því ég vissi að ef
ég myndi halda áfram að skora gæti hann ekki
skilið mig eftir heima endalaust. Svo fékk ég á
endanum minn fyrsta leik gegn Andorra og hef
spilað nokkra leiki eftir það,“ segir Gylfi sem var
valinn maður leiksins af flestum miðlum fyrir
frammistöðu sína gegn Noregi og Danmörku í
fyrstu leikjum undankeppninnar.
„Þetta hefur gengið ágætlega hjá mér per-
sónulega og í raun liðinu þannig séð. Við höf-
um spilað vel gegn Noregi og Danmörku en því
miður ekkert fengið út úr því. Það eru kynslóða-
skipti í liðinu og ungu strákarnir eru að brjóta
sér leið inn í liðið. Þótt við séum ekki með neitt
stig á töflunni núna getum við miðað að því að
spila betur og svo verðum við bara betri í næstu
keppni.“
NOKKUR VINABOÐ Á FACEBOOK
Gylfi fékk ekki tækifæri til að mæta stórstjörn-
unum í portúgalska landsliðinu þar sem hann
var upptekinn við að koma Íslandi á EM. Óhætt
er að segja að íslenska þjóðin hafi einfaldlega
farið á hliðina á mánudagskvöldið en áður
hafði hún sýnt stuðning sinn í verki þegar ríf-
lega sjö þúsund manns flykktust á Laugardals-
völlinn til að fylgjast með liðinu gegn Skotum.
Þannig áhorfendatölur í þessum aldursflokki
eru án fordæmis hér heima en vanalega mæta
nokkrar hræður að horfa á þessa leiki. Mest-
megnis foreldrar og umboðsmenn.
„Þetta var náttúrulega rosalegt á mánudag-
inn. Ég er varla enn búinn að ná því að ég sé
á leið á lokakeppni EM þar sem eru bara átta
bestu lið Evrópu. Þetta er náttúrulega alveg fá-
ránlegur árangur. Maður fékk alveg „nokkur“
vinaboð á Facebook eftir leikinn. Það er alveg
frábært að sjá hversu mikinn áhuga og stuðning
þjóðin hefur sýnt U21 liðinu eins og sást í leikj-
unum gegn Þýskalandi og Skotlandi,“ segir Gylfi
en hafði hann dreymt um að ganga út á Laug-
ardalsvöll fyrir framan sjö þúsund manns þrátt
fyrir að áhuginn væri til staðar?
„Nei, ég bjóst ekki við því. Ég var ekki ánægð-
ur með KSÍ, að það skyldi rukka inn á völlinn,
en það var frábært að sjá hversu margir komu á
völlinn. Það skipti líka máli því þó að við lentum
undir nýttum við stuðning áhorfendanna til að
rétta okkur við.“
KEYPTI HÚS
Gylfi er nú kominn til þýska liðsins Hoffenheim
þar sem hans bíður spennandi vetur í þýsku
úrvalsdeildinni. En hvernig líkar honum lífið í
Þýskalandi þessar fyrstu vikur? „Lífið er mjög
fínt hérna og veðrið alveg fáránlega gott mið-
að við að það sé kominn október. Ég var að fá
lykla að nýju húsi sem ég flyt inn í um helgina.
Ég bjó fyrstu tvær vikurnar á hóteli áður en fé-
lagið reddaði mér síðan íbúð á
leigu. En nú er maður loks bú-
inn að finna sér hús, rétt hjá æf-
ingasvæðinu sem er mjög fínt.
Ég nenni ekki að vakna snemma
til að keyra í einhverjar fjörutíu
mínútur upp á æfingasvæði. Það
tekur mig einhverjar þrjár mín-
útur að keyra héðan,“ segir Gylfi
en það var faðir hans sem fann
húsið fyrir strákinn.
„Ég var búinn að skoða einhver fimmtán til
tuttugu hús en fann ekkert. Pabbi hjálpaði mér
við þetta og á endanum sagði hann mér að taka
þetta hús þótt ég væri ekki búinn að líta á það.
Ég er mjög ánægður með það, þetta er nýlegt
hús, mjög flott,“ segir Gylfi sem ætlar að láta
senda sér innbúið frá Englandi. „Ég sagði fólk-
inu sem bjó hér að taka allt í burtu. Ég flyt síðan
dótið mitt frá Englandi. Ég var búinn að safna
mér nóg af dóti þar,“ segir hann.
VONANDI Í BYRJUNARLIÐINU
UM HELGINA
Gylfi hefur ekki enn fengið að
vera í byrjunarliði Hoffein-
heim. Hann hefur þó fjór-
um sinnum komið inn á
sem varamaður. „Maður
er auðvitað pirraður að
byrja ekki þó ég skilji það
vel. Ég kann lítið í þýsk-
unni og skil því lítið hvað
menn eru að segja. Það
hefur samt gengið ágæt-
lega hjá mér þegar ég hef
komið inn á. Tvö mörk á
einhverjum níutíu mín-
útum er fínt held ég. Ég
vonast til að fá tækifæri
í byrjunarliðinu. Það
var einhver frá liðinu
á leiknum gegn Skot-
um þannig að vonandi
hjálpaði það,“ segir Gylfi
sem dreymir eins og svo
marga unga drengi um
að leika í ensku úrvals-
deildinni.
„Draumurinn er úr-
valsdeildin eða La Liga
á Spáni. Mig hefur alltaf
langað að spila á völlum
Real Madrid og Barce-
lona auk þess sem mik-
il gæði eru í spænska
boltanum. Svo hefur
maður auðvitað horft
á enska boltann frá
því maður var sex
eða sjö ára gamall,“
segir Gylfi sem er
þó með hugann
við sitt verkefni
núna.
„Nú er það
bara að koma sér
í liðið hjá Hoffen-
heim og sýna hvað
maður getur. Mað-
ur veit aldrei hvað
gerist í fótboltanum.
Það er æfing á morg-
un og ég vonast svo
innilega til þess að
ég fái að byrja næsta
leik en ef það verður
ekki um þessa helgi, þá
verður það bara um þá
næstu,“ segir gullfótur-
inn þolinmóði, Gylfi Þór
Sigurðsson.
tomas@dv.is
Ég var ekki ánægður
með KSÍ, að það
skyldi rukka inn
á völlinn.
HETJAN Gylfi Þór
skoraði tvö rosaleg mörk
á mánudagskvöldið þegar
hann skaut Íslandi á EM.
Árið hefur verið draumi
líkast hjá honum.
MYND TOMASZ KOLODZIEJSKI