Dagblaðið Vísir - DV - 29.10.2010, Síða 55

föstudagur 29. október 2010 umsjón: tómas þór þórðarson tomas@dv.is sport 55
Seinnipart laugardags heimsækir
Tottenham lið Manchester United
í ensku úrvalsdeildinni. Totten-
ham er með fimmtán stig í fimmta
sæti deildarinnar og getur sjálfu sér
um kennt að vera ekki ofar. Totten-
ham hefur ekki mætt stóru liði frá
því í fyrstu umferð þegar það gerði
jafntefli gegn Manchester City og er
kominn tími á strákana hans Harrys
að taka fram skotskóna. Manchest-
er United vann sinn fyrsta útisigur
um síðustu helgi á Stoke með marki
hins sjóðheita Chicharito. United-
menn eru enn taplausir og vilja án
efa halda því þannig. Á sunnudag-
inn fer fram leikur Newcastle og
Sunderland þar sem vanalega er
hart barist.
Glimrandi fótbolti
Tottenham hefur vakið mikla at-
hygli á leiktíðinni fyrir frábæra
spilamennsku en fótboltinn sem
liðið hefur spilað hefur verið magn-
aður. Þó liðið sé með fimmtán stig
í fimmta sæti endurspeglast spila-
mennskan ekki alveg í úrslitum hjá
liðinu. Það hefur aðeins unnið einn
leik með meira en eins marks mun
og tapað fyrir Wigan og gert jafntefli
við West Bromwich Albion. Í síðustu
umferð gerði liðið svo aftur jafntefli
gegn Everton á heimavelli en stöð-
ugleiki hefur verið eitt helsta vanda-
mál Tottenham í gegnum tíðina.
Liðið hefur þó á að skipa líklega
besta leikmanni ensku úrvalsdeild-
arinnar til þessa ásamt Florent Ma-
louda hjá Chelsea, Hollendingn-
um Rafael van der Vaart. Hollenski
landsliðsmaðurinn er nú þegar bú-
inn að skora fjögur mörk í fyrstu
sex leikjum tímabilsins og leika
hreint frábærlega. Harry Redknapp
er þekktur fyrir að gera kostakaup
á leikmönnum og að landa van der
Vaart fyrir tólf milljónir punda gæti
auðveldlega orðið bestu kaup tíma-
bilsins.
Bale kemur úr fríi
Ásamt van der Vaart hefur Wales-
verjinn Gareth Bale verið frábær fyr-
ir Tottenaham á tímabilinu og svo
sannarlega haldið áfram þar sem
frá var horfið á síðustu leiktíð. Þessi
ungi kantmaður sem var ekki í sigur-
liði í fyrstu þrjátíu og sex leikjum sín-
um með Tottenham brunar nú upp
kantinn að vild og skorar þegar hon-
um dettur það í hug. Eftir þrennu
hans í Meistaradeildinni gegn Inter
fékk hann nokkurra daga frí þannig
að hann væri klár í að salta hægra
vænginn hjá Manchester United um
helgina.
„Bale hefur verið algjörlega frá-
bær. Við hlæjum oft að því hversu
lengi hann var að vinna leik en það
var greinilega bara lognið á undan
storminum,“ segir Tom Huddles-
tone, miðjumaður Tottenham. „Það
er meira álag á okkur í ár að vera
í Meistaradeildinni en það breyt-
ir því ekki að við vildum vera með
fleiri stig en taflan segir til um. Við
höfum hlakkað í nokkurn tíma til
þess að fara á Old Trafford og mæta
Manchester United. Okkur finnst við
vera tilbúnari en nokkru sinni fyrr til
að mæta þessu flotta liði á heima-
velli þess,“ segir Huddlestone.
sjóðheitur Chicharito
„Litla baunin“, Javer Hernandez,
hefur reynt að gera sitt besta til að
fá alla stuðningsmenn Manchester
United til að gleyma vandamálinu
með Wayne Rooney. Hann skor-
aði sitt þriðja og fjórða mark í fimm
leikjum um síðustu helgi þegar
Manchester United vann loksins úti-
leik og bætti svo fimmta markinu við
í vikunni þegar hann tryggði United
annan sigurinn í röð, þá í deildar-
bikarnum gegn Úlfunum. Chichar-
ito-treyjurnar rjúka nú úr hillunum
en án efa verður litið til hins smáa
en knáa Mexíkóa um helgina þegar
kemur að því að skora mörk.
„Þessir dagar hafa verið draumi
líkastir,“ segir Chicharito. „Fyrst tvö
mörk gegn Stoke og svo annað gegn
Úlfunum. Ég gæti ekki verið ánægð-
ari. Þetta er samt allt liðsfélögunum
mínum að þakka. Ég sá það í leikn-
um gegn Úlfunum þar sem margir
ungir strákar fengu að spila og byrj-
unarliðinu var gjörbreytt, hvers lags
rosalega breidd við erum með. Ef
ég held ekki áfram að standa mig og
skora þá fer ég bara á bekkinn, það
er alveg augljóst. Svona umhverfi
hvetur mann til að gera eins vel og
maður getur og þess vegna kom ég
hingað,“ segir Chicharito.
Stórleikur helgarinnar í enska boltanum er viðureign Manchester United og Tottenham.
Strákarnir hans Harrys redknapps eru í bullandi toppbaráttu en þeir hafa verið eilítið
brokkgengir á tímabilinu. Sigrarnir hafa ekki verið sannfærandi þótt spilamennskan
hafi verið flott. Nú er komið aftur að leik gegn stóru liði og á útivelli.
erfitt
próf
hjá Tottenham
tómas þór þórðarson
blaðamaður skrifar: tomas@dv.is
sjóðHeitur „Litla baunin“ hefur tryggt manchester united sigur í síðustu tveimur leikjum. mynd reuters
Hefur farið á kostum Hollenski lands-
liðsmaðurinn Rafael van der Vaart hefur verið
magnaður í liði Tottenham. mynd reuters
Laugardagur 30. október
14.00 Arsenal – West Ham
14.00 Blackburn - Chelsea
14.00 Everton – stoke
14.00 Fulham - Wigan
14.00 Úlfarnir – man. City
16.30 man. united - tottenham
sunnudagur 31. október
11.00 Aston Villa – Birmingham
12.30 newcastle – sunderland
15.00 Bolton – Liverpool
um helgina
Lið L u j t m st
1. Chelsea 9 7 1 1 25:2 22
2. Arsenal 9 5 2 2 21:10 17
3. man. utd 9 4 5 0 20:12 17
4. man. City 9 5 2 2 12:8 17
5. Tottenham 9 4 3 2 11:8 15
6. WBA 9 4 3 2 13:15 15
7. sunderland 9 2 6 1 8:7 12
8. Bolton 9 2 6 1 13:13 12
9. newcastle 9 3 2 4 14:13 11
10. Aston Villa 9 3 2 4 9:13 11
11. Everton 9 2 4 3 9:8 10
12. Birmingham 9 2 4 3 10:12 10
13. stoke City 9 3 1 5 10:13 10
14. Blackpool 9 3 1 5 13:20 10
15. Wigan 9 2 4 3 7:16 10
16. Fulham 9 1 6 2 10:11 9
17. Blackburn 9 2 3 4 8:10 9
18. Liverpool 9 2 3 4 9:14 9
19. Wolves 9 1 3 5 8:15 6
20. West Ham 9 1 3 5 7:17 6
staðan