Dagblaðið Vísir - DV - 25.02.2011, Qupperneq 40

40 | Fermingar 25.–27. febrúar 2011 Helgarblað
Seljavegur 2 | Sími: 511-3340
Fax: 511-3341 | www.reyap.is
Reykjavíkur Apótek er
sjálfstætt starfandi apótek sem
leggur áherslu á persónulega
þjónustu og hagstætt verð.
Apótekið er í gamla
Héðinshúsinu við Seljaveg 2.
Við þökkum góðar viðtökur
á þeim tæplega 2 árum sem
apótekið hefur starfað.
Öryrkjar og eldri borgarar
njóta sérkjara hjá okkur.
Apótekið þitt
í gamla Héðinshúsinu
við Seljaveg 2.
Í hjarta Reykjavíkur!
Nanna Rögnvaldardóttir gefur foreldrum uppskriftir:
Smáréttir
með lítilli fyrirhöfn
Þ
að er ekkert mál að halda góða
veislu með girnilegum réttum
með litlum tilkostnaði,“ segir
Nanna Rögnvaldardóttir og talar
af reynslu enda er hún ókrýnd drottning
smárétta og veislumatar og veit fátt
skemmtilegra en að gleðja sína eigin
gesti með girnilegum kræsingum. Nanna
gaf út bókina Smárétti Nönnu sem er
fjölbreytt bók með fjölda uppskrifa sem
henta í veislur við öll tækifæri. „Það er
alltaf hentugt að útbúa litla en gómsæta
brauðrétti,“ bendir Nanna á og gefur því
foreldrum fermingarbarna uppskriftir að
skinkuhornum, pepperóní- og skinkusnúð-
um, smápítsum,og ítölskum kjötbollum
með sósu.
Allir kannast við skinkuhorn sem eru
sívinsæl í veislum og á hlaðborðum eða
bara með kaffinu. Þau eru oftast gerð úr
gerdeigi eða bökudeigi en það er ekki síður
einfalt og gott að gera þau úr smjördeigi.
Og auðvitað er hægt að hafa aðra fyllingu
en skinku.
Skinkuhorn
12–16 horn
n 1 rúlla útflatt smjördeig (eða bökudeig)
n 100 g góð skinka, smátt söxuð
n 100 g rjómaostur, mjúkur
n 3 msk. beikonsmurostur (má sleppa)
n Nýmalaður pipar
n Egg til penslunar
n Nýrifinn parmesanostur eða annar ostur
Hitaðu ofninn í 200°C. Skerðu deigið í
tvennt eftir endilöngu og skerðu hvorn
helming í geira, um 5–6 cm breiða neðst –
það má líka skera stóran hring úr deiginu
og skipta honum í geira en nýtingin á
deiginu verður betri svona. Ef þú ert með
frosið deig er best að fletja hverja plötu
fyrir sig út þannig að hún teygist sem
mest á lengdina og skera hana svo í geira.
Blandaðu skinku, rjómaosti og beikonosti
saman í skál og kryddaðu með örlitlum
pipar. Settu um 1 tsk. af fyllingu á breiðari
endann á hverjum smjördeigsgeira, rúllaðu
honum upp og sveigðu hornin svolítið fram.
Penslaðu hornin með slegnu eggi og stráðu
svolitlum osti yfir. Settu þau með dálitlu
millibili á pappírsklædda bökunarplötu og
bakaðu þau í um 15 mínútur í miðjum ofni.
Smjördeigssnúða er mjög einfalt að útbúa,
oftast er deigið bara flatt út, fyllingunni
stráð eða raðað á það og deigið síðan
vafið upp eða utan um fyllinguna, skorið í
sneiðar eða bita og síðan bakað.
Pepperónísnúðar
um 30 snúðar
n 1 rúlla útflatt smjördeig eða 3–4 plötur
frosið
n 3 msk. tapenade
n 10–15 steinlausar ólífur, saxaðar
n 10–12 sneiðar af pepperóní, saxaðar (má
sleppa)
n 100 g rifinn ostur
n Egg til penslunar
Hitaðu ofninn í 200°C. Leggðu deigplötuna
á borðið (ef þú ert með frosnar deigplötur
skaltu raða þeim á hveitistráð borð hlið við
hlið og láta brúnirnar skarast, pressa þær
saman með fingurgómunum og fletja síðan
út). Smyrðu tapenade á allt deigið nema
aðra lengri brúnina og stráðu söxuðum
ólífum, pepperóní og osti yfir. Penslaðu
auðu brúnina með eggi og rúllaðu svo
deiginu upp frá hinni langhliðinni. Skerðu
rúlluna í 8–10 mm þykkar sneiðar með
beittum hníf, raðaðu þeim á bökunarplötu
og penslaðu e.t.v. með eggi. Bakaðu
snúðana ofarlega í ofni í 12–15 mínútur.
Skinkusnúðar
n 1 rúlla útflatt smjördeig eða 3–4 plötur
frosið
n 3–4 msk. rautt pestó
n 150 g skinkustrimlar
n 100 g rifinn ostur
n ½ tsk. óreganó, þurrkað
Farðu að eins og við pepperónísnúðana,
smyrðu deigið með pestói og stráðu skinku,
osti og óreganó yfir.
Kjötbollur eru auðvitað sígildur pinna-
matur sem er mjög einfalt að útbúa, ekki
síst ef bollurnar eru bakaðar í ofni eins og
hér er gert. Það er hægt að nota svína-,
nauta- eða lambahakk eða blöndu og svo
má líka gera kjúklingabollur. Svo er hægt
að krydda og bragðbæta bollurnar á ýmsa
vegu og bera fram með þeim margs konar
ídýfur og sósur.
Ítalskar kjötbollur
30–40 bollur
n 3 brauðsneiðar, rifnar niður
n ½ lítill laukur, saxaður
n 1 hvítlauksgeiri, saxaður
n 2 tsk. ítölsk kryddjurtablanda eða
„herbes de provence“
n 1 msk. rautt pestó
n 1 tsk. salt, eða eftir smekk
n ¼ tsk. nýmalaður pipar, eða eftir smekk
n 400 g svínahakk
Hitaðu ofninn í 200°C. Settu brauð, lauk
og hvítlauk í matvinnsluvél og láttu ganga
þar til brauðið er orðið að mylsnu. Bættu
kryddjurtum, pestói, salti og pipar út í og
hrærðu saman. Blandaðu svo hakkinu
saman við, mótaðu litlar bollur og bakaðu
þær í miðjum ofni í 15–18 mínútur. Ég dreifi
þeim á plötu klædda með bökunarpappír
og ýri oftast svolítilli olíu yfir. Ég nenni
sjaldnast að snúa þeim en liturinn verður
auðvitað jafnari ef þeim er snúið einu sinni
eða hrært í þeim tvisvar eða þrisvar. Með
þeim mætti til dæmis hafa steinseljupestó.
Steinseljupestó
n 1 knippi steinselja
n 2 hvítlauksgeirar
n Rifinn börkur af 1 sítrónu
n 1 msk. nýkreistur sítrónusafi, og meira
eftir smekk
n ¼ rautt chili-aldin, fræhreinsað og saxað
n 25 g heslihnetur (eða aðrar hnetur eftir
smekk)
n 100–150 ml ólífuolía
n Salt og pipar
Skerðu sverustu leggina af steinseljunni
(fínt að nota þá í súpu eða soð) og settu
hana svo í matvinnsluvél ásamt hvítlauk,
sítrónuberki og -safa, chili og hnetum.
Láttu vélina ganga þar til allt er fínsaxað.
Helltu olíunni saman við smátt og smátt,
magnið fer eftir því hvað þú vilt hafa
pestóið þykkt. Kryddaðu með pipar og salti
eftir smekk.
Smápítsur eru einfaldar, sívinsælar og
fljótlegar – ég tala nú ekki um ef notað er
tilbúið, útflatt pítsudeig. Auðvitað er ódýr-
ara að búa til sitt eigið en þetta tilbúna er
býsna drjúgt, það má vel fá 30–40 litlar
pítsur úr einni deigplötu. Ég sting yfirleitt
út hringi sem eru um 5 cm í þvermál. Það
er hægt að setja býsna margt á svona
pítsur en best að hrúga ekki of miklu á þær.
Reyndar henta svona pítsur mjög vel til
að nýta alls konar afganga úr krukkum og
dósum sem maður á í ísskápnum. Pítsurnar
eru svo bakaðar við 220°C í 8–10 mínútur
og bornar fram heitar eða kaldar.
Pepperónípítsur
n Pepperónísneiðar
n Rifinn ostur, um ½ tsk. á hverja pítsu
n Þurrkað óreganó
Settu pepperónísneið á hverja pítsu og
þrýstu aðeins niður, settu ost ofan á og
stráðu ögn af óreganó yfir.
Kartöflupítsur með gráðaosti
n Svolítil ólífuolía
n Nokkrar kartöflur, fremur litlar
n Mulinn gráðaostur, um ½ tsk. á hverja
pítsu
n Ögn af fersku rósmaríni, smátt söxuðu
n Nýmalaður pipar
Penslaðu pítsurnar með svolítilli olíu.
Skerðu kartöflurnar í 1–2 mm þykkar
sneiðar og settu eina sneið á hverja pítsu.
Dreifðu muldum gráðaosti og söxuðu
rósmaríni yfir og kryddaðu með nýmöluð-
um pipar.
Skinkupítsur
n Rautt pestó, ½ – ¼ tsk. á hverja pítsu
n Skinkustrimlar, um 1 tsk. á hverja pítsu
n Rifinn ostur, um ½ tsk. á hverja pítsu
n Lítil basilíkublöð (má sleppa)
Smyrðu hverja pítsu með rauðu pestói og
stráðu skinkustrimlum og osti yfir. Settu
basilíkublað á hverja pítsu þegar þær koma
úr ofninum eða rétt áður en þær eru bornar
fram.
n Mörgum foreldrum vex í augum að bjóða til stórrar ferming-
arveislu n Það má vel útbúa smárétti og girnilegar veitingar
á auðveldan máta sem reynist ekki of kostnaðarsamur