Dagblaðið Vísir - DV - 06.07.2012, Blaðsíða 14

M
eð honum fór ekki að­
eins ein manneskja held­
ur fallegt líf og framtíð
ungs drengs. Vegna þess
að önnur manneskja tek­
ur þá ákvörðun að hegða sér með
ábyrgðarlausum og ófyrirleitnum
hætti og að aka á þessum ógeðfellda
hraða. Og fyrir það er hann dæmd­
ur í sex mánaða fangelsi sem er
skilorðsbundið til tveggja ára, segir
Róbert Ólafsson, faðir Eyþórs Darra
Róbertssonar sem lést eftir bílslys á
gatnamótum Geirsgötu og Tryggva­
götu í Reykjavík í ágúst í fyrra. Eyþór
lést, 14. ágúst, degi fyrir 18 ára af­
mælið sitt.
Dæmdur fyrir manndráp
af gáleysi
Ökumaður bílsins var á fimmtudag
dæmdur í Héraðsdómi Reykjavíkur
í sex mánaða fangelsi fyrir mann­
dráp af gáleysi en fresta skal fulln­
ustu þeirrar refsingar haldi hann
skilorð í tvö ár frá birtingu dómsins.
Þá var pilturinn sviptur ökuréttind­
um í þrjú ár og gert að greiða for­
eldrum Eyþórs Darra sex milljónir í
miskabætur.
Þrír voru í bílnum þegar árekstur­
inn átti sér stað, Eyþór Darri sem sat
í aftursæti bílsins, ökumaður bíls­
ins og vinur þeirra. Tveir þeir síðar­
nefndu sluppu með skrámur. Sér­
fræðingar segja bílinn hafa verið
á 119 kílómetra hraða þar sem há­
markshraði er 50 en öku maðurinn
segist hafa verið á 70 kílómetra
hraða. Hann játaði fyrir dómi að
bera ábyrgð á dauða vinar síns en
ágreiningur var um hraðann. Fyrir
dómi lýstu ökumaðurinn og eftirlif­
andi farþegi tildrögum þannig að
þeir hefðu stöðvað við hlið annars
bíls á umferðarljósum við Hörpu. Í
næsta bíl voru þrjár stelpur á svip­
uðum aldri og þeir hafi verið að fífl­
ast í þeim. Á grænu ljósi hefðu þeir
gefið aðeins í en ekki hefði verið
ætlun þeirra að fara í spyrnu. Stúlk­
urnar hægðu fljótlega á sér en þeir
hafi farið fram fyrir bíl stelpnanna
og sveigt á milli bíla og skyndilega
misst stjórn á bílnum með fyrr­
greindum afleiðingum.
„Reynir að fegra sinn hlut“
Róbert er ósáttur við ökumanninn
sem hann segir hafa reynt að fegra
sinn hlut. Ökumaðurinn var einn
af bestu vinum Eyþórs Darra en
Róbert segir hann ekki hafa verið
í neinu sambandi við fjölskylduna
eftir slysið. „Hann reynir að fegra
sinn hlut með því að segjast hafa
ekið á sjötíu þegar sérfræðingar
hafa sagt að hann hafi verið á um
119 kílómetra hraða. Þannig er
hann að neita ábyrgð og gera lítið
úr verknaði sínum. Þetta er graf­
alvarlegt mál og vegna hans gjörða
dó Eyþór,“ segir faðir Eyþórs en öku­
maðurinn hafði ekki ökuréttindi.
„Eyþór Darri og vinur hans sem var
í bílnum bera ábyrgð á því að hafa
setið í bíl með honum, vitandi að
hann væri bílprófslaus en á hrað­
anum ber ökumaður einn, það er
ekki slys að aka á ofsahraða – það er
ákvörðun tekin af frjálsum vilja.“
Stundaði ekki hraðakstur
Róbert segir Eyþór Darra ekki hafa
stundað hraðakstur. „Það voru tve­
ir bílar á heimilinu og ég hafði
keypt ökurita í þá báða. Þannig
fylgdist ég með því hvernig þeir
bræður keyrðu og þeir voru ekki að
stunda hraðakstur, það get ég stað­
fest. Eyþór myndi aldrei hafa keyrt
svona,“ segir hann.
Kvöldið sem Eyþór dó voru for­
eldrar hans og eldri bróðir í óða
önn að undirbúa 18 ára afmælis­
veisluna hans sem halda átti daginn
eftir. „Við höfðum verið að undir­
búa afmælið hans um daginn, ætl­
uðum að halda duglega upp á það.
Hann átti afmæli á mánudeginum.
Svo horfði maður á drenginn sinn á
spítalanum og hugsaði með sér að
hann yrði ábyggilega orðinn hress
á morgun.“ Það var ekki raunin.
Eyþór hafði slasast lífhættulega.
Ofboðslegur tómleiki
„Svo segir læknirinn okkur að það
sé ekkert eftir, hann sé kominn í
heiladá og næsta skref sé bara að
taka hann úr öndunarvélinni,“ segir
hann. Róbert segir ekkert erfiðara
en að horfa upp á sitt eigið barn yfir­
gefa þennan heim. „Það er martröð
og nokkuð sem ég held að ekkert
foreldri jafni sig nokkurn tímann
á. Það er búið að rista upp á manni
hjartað og partur af manni er farinn
og verður aldrei endurheimtur. Því
fylgir ofboðslegur tómleiki og þung­
bær tilfinning. Sú tilfinning að vera
búinn að jarðsetja son sinn og vit­
andi að með honum fór framtíðin.“
Engin áfallahjálp
Róbert segir það hafa komið sér á
óvart að engin hjálp hafi verið í boði
eftir áfallið. „Viðmótið uppi á spítala
var ofsalega hlýtt og gott. En eftir að
þetta var búið að gerast þá var ekk­
ert meira fyrir okkur að gera en að
fara bara heim. Okkur var ekki boð­
in nein hjálp eða neitt þannig. Ekk­
ert áfallateymi eða neitt. Þannig
kom maður bara heim og þar var
allt dótið og maður vissi ekkert hvað
tæki við. Eftir jarðskjálfta er fólki
boðið áfallahjálp og um daginn var
starfsmaður í einhverju fyrirtæki
rændur og allir fengu áfallahjálp
en í svona þá er manni engin hjálp
boðin.“
Róbert segist hugsa til Eyþórs
Darra hvern einasta dag en hann
hafi verið einstaklega gamansamur
og hlýr drengur. „Hann var svo
skemmtilegur og skapandi. Það var
svo mikil gleði í honum og gam­
an að vera í kringum hann. Hann
gat líka verið ofboðslega alvörugef­
inn og margir leituðu til hans. Hann
var með gríðarlega sterka réttlætis­
kennd og var fyrsti maðurinn til að
mæta á staðinn ef eitthvað bjátaði á
hjá fólki. Hann var alveg ofboðslega
vandaður strákur.“
Vill þyngja dómana
Róbert vill að dómar í svona málum
verði þyngdir. „Það á að senda skýr
skilaboð í samfélagið um að glæfra­
akstur verði aldrei liðinn. Svona
glæfraakstur er ávísun á örkuml og
dauða, eins og hefur sannað sig í
þessu tilviki. Það á að þyngja dóma
í svona málum. Þeir eru með öllu
úr takt við alvarleikann. Ef maður
horfir til annarra landa þá eru mikið
þyngri dómar þar.“
14 Fréttir 6.–8. júlí 2012 Helgarblað
„Var ofboðslega
Vandaður drengur“
n Faðir Eyþórs Darra segir ökumann bílsins reyna að fegra sinn hlut n Lýsir Eyþóri sem hlýjum dreng
Jarðarförin Mynd frá jarðarför Eyþórs Darra.
Dó daginn fyrir 18 ára
afmælisdaginn
Eyþór Darri dó daginn fyrir
18 ára afmælið sitt. Myndin
er tekin skömmu áður en
hann dó.
Fegðarnir Róbert og Eyþór Darri þegar
Eyþór var ungur.
„Það er búið að rista
upp á manni hjartað og
partur af manni er farinn og
verður aldrei endurheimtur
Viktoría Hermannsdóttir
blaðamaður skrifar viktoria@dv.is
Bíllinn Hér sést bíllinn á slysstað. Hann var
mjög illa farinn eftir áreksturinn en Eyþór
Darri var farþegi í aftursæti.