Dagblaðið Vísir - DV - 03.08.2012, Blaðsíða 18

18 Fréttir 3.–7. ágúst 2012 Helgarblað
L
iðsmenn félaga sem íslensk
lögregluyfirvöld hafa sett á
athugunarlista yfir samtök
sem stunda skipulagða glæpa-
starfsemi eru ekki með há laun
miðað við álagningarskrá ríkisskatt-
stjóra. DV kannaði laun nokkurra
einstaklinga sem opinberlega hafa
verið kenndir við eða kenna sig sjálf-
ir við samtök sem sögð eru tengjast
skipulagðri glæpastarfsemi. Meðal
annars kannaði DV tekjur liðsmanna
Hells Angels, Outlaws, liðsmanna
stuðningsklúbba þessara félaga auk
þekktra ofbeldismanna. Í ljós kom að
aðeins einn einstaklingur af sautján
sem flett var upp er með launatekj-
ur sem nema meira en 400 þúsund
krónum á mánuði.
Liðsmaður í S.O.D. tekjuhæstur
Jón Ólafsson, sem er liðsmað-
ur í S.O.D., stuðningsklúbbi Hells
Angels, er launahæstur á listanum
með 418 þúsund krónur á mánuði.
Næstur á listanum er rúmlega tvítug-
ur karlmaður sem ákærður hefur
verið fyrir fjársvik eftir að hafa svikið
um það bil 20 milljónir út úr Íbúða-
lánasjóði ásamt fjórum öðrum karl-
mönnum. Hann var með 277 þús-
und krónur í mánaðarlaun á síðasta
ári samkvæmt álagningarskrá.
Þriðji á listanum er einnig tengd-
ur samtökunum S.O.D. Það er Óttar
Gunnarsson, fyrrverandi meðlimur
samtakanna, sem nýverið var dæmd-
ur fyrir aðild að sérstaklega hættu-
legri líkamsárás í Hafnarfirði. Hann
var með um það bil 240 þúsund
krónur í mánaðarlaun á síðasta ári.
Nær ekki 200 þúsundum
Ríkharð Júlíus Ríkharðsson, formað-
ur Outlaws á Íslandi, var með um
190 þúsund krónur í mánaðartekjur
samkvæmt álagningarskránni á síð-
asta ári. Hann er þrátt fyrir það einn
af tekjuhærri einstaklingunum á lista
DV, í níunda sætinu. Outlaws eru
samtök sem stofnuð voru hér á landi
í kjölfar þess að mótorhjólaklúbb-
urinn Fáfnir fékk inngöngu í Hells
Angels. Lögreglan lýsti yfir áhyggj-
um, í skýrslu um glæpahópa, um að
til átaka kæmi á milli þessara tveggja
hópa. Sú hefur enn ekki verið raun-
in og hefur Ríkharð verið dæmdur í
fangelsi fyrir að ráðast á mann sem
tengist hans eigin félagi.
Annþór Kristján Karlsson og
Börkur Birgisson, sem hafa ver-
ið dæmdir fyrir mörg ofbeldisbrot,
eru í fjórða og fimmta sæti á listan-
um. Annþór hafði aðeins meiri tekj-
ur á mánuði samkvæmt álagningar-
skránni en Börkur. Hann var með 230
þúsund krónur á mánuði en Börkur
með 202 þúsund krónur.
Pabbi stjórnar
Hilmar Þór Leifsson er fyrrverandi
meðlimur Hells Angels, eða Fáfnis
eins og samtökin hétu þá. Á þeim
tíma sem Hilmar var meðlimur var
Fáfnir í formlegu inngönguferli fyr-
ir Vítisengla. Hilmar er sagður hafa
hætt í samtökunum vegna áreitisins
sem þeim fylgir. Hann var samkvæmt
ríkisskattstjóra með lág laun, aðeins
19.010 krónur á mánuði.
Skúli Þór, sonur Hilmars, var sam-
kvæmt álagningarskrá skattstjóra
föðurbetrungur með rétt rúmlega
tvöföld laun föður síns. Laun Skúla
voru samkvæmt ríkisskattstjóra
41.663 krónur á mánuði.
Árið 2010 var Skúli dæmdur í fang-
elsi fyrir að kýla mann „… margsinnis
með krepptum hnefa í andlitið með
þeim afleiðingum að hann hlaut opið
beinbrot á nefi, bólgu og mar um-
hverfis hægra auga og mar við vinstra
auga.“ Segir í dómnum að Skúli hafi
talið að fórnarlambið væri í tygjum
við kærustu sína. Einnig kom fram
að Skúli hefði hótað fórnarlambi sínu
og sagt að faðir hans væri háttsettur í
„stærstu glæpasamtökum heims“ og
að lítið mál væri að láta menn á hans
vegum vinna barnshafandi konu
fórnarlambsins mein.
Miklu munar í Torpedo Crew
Andrea Kristín Unnarsdóttir, Andr-
ea „slæma stelpa“, hlaut í júní síð-
astliðnum fjögurra og hálfs árs fang-
elsisdóm fyrir sérstaklega hættulega
líkamsárás og kynferðisbrot. Andrea
er formaður Torpedo Crew, stuðn-
ingssamtaka Vítisengla, en hún fékk
þyngsta dóminn í málinu. Andrea
var samkvæmt álagningarskrá ríkis-
skattstjóra með 65.924 krónur í laun
á mánuði í fyrra. Jón Ólafsson, launa-
hæsti einstaklingurinn á listanum, er
kærasti Andreu.
Samkvæmt þessu er kynbundinn
launamunur nokkur innan Torpedo
Crew en Elías Valdimar Jónsson,
sem einnig hefur opinberlega ver-
ið bendl aður við samtökin var með
189.800 krónur í mánaðarlaun,
næstum þreföld laun Andreu. Elías
hlaut fjögurra ára dóm fyrir þátt sinn
í sömu líkamsárás og Andrea hlaut
dóm fyrir.
Fimm fræknu
Hans Aðalsteinn Helgason var tekju-
hæstur af fimmmenningunum sem
ákærðir eru fyrir að svíkja milljóna-
tugi út úr Íbúðalánasjóði. Laun Hans
voru 276.656 krónur á mánuði í fyrra
samkvæmt skattstjóra. Það er rúm-
lega 120 þúsund krónum hærra en
laun Jens Tryggva Jenssonar, sem
kemur næstur á lista fimmmenning-
anna. Vilhjálmur Símon Hjartarson
kemur þar á eftir með 132.133 krón-
ur. Næstur er Jón Ólafur Róbertsson
með 93.270 krónur en lægstu laun-
in var Helgi Ragnar Guðmunds-
son með, 89.256 krónur á mánuði.
Fjársvikamál fimmmenninganna
er talið hafa verið síðasta prófraun
Fáfnis til að fá inngöngu í samtökin
Vítisengla. Málarekstri er ekki lokið
en málið er rekið fyrir Héraðsdómi
Reykjaness.
Reiknað út frá útsvari
Tölurnar byggja á útreikningum út
frá útsvarsstofni einstaklinganna
miðað við upplýsingar sem fram
koma í álagningarskrá ríkisskatt-
stjóra. Fjármagnstekjur og verktaka-
tekjur koma ekki fram í þessum upp-
lýsingum og eru því tölurnar sem hér
koma fram ekki endilega tæmandi.
Við gerð listans var farið yfir þau nöfn
sem komið hafa fram opinberlega og
tengjast einhverjum af þeim hópum
sem lögreglan fjallaði um í skýrslu
sem gerð var um skipulagða glæpa-
starfsemi á Íslandi. Að öðru leyti var
engin sérstök regla á því hverjir fóru
á listann og hverjir ekki. Ekki er hægt
að fullyrða að allir þeir sem eru á list-
anum hafi gerst brotlegir við lög þó
að þeir tengist umræddum hópum.
n Mánaðarlaun opinberra meðlima í íslenskum undirheimasamtökum ekki há
LágLaunamenn
í undirhei um
Launahæstur Jón Ólafsson, launahæsti
einstaklingurinn á listanum, er kærasti
Andreu „slæmu stelpu“.
Forsetinn
láglaunaður
Ríkharð Júlíus, forseti
Outlaws, fær ekki há
laun. Hann var með
190 þúsund krónur
á mánuði á síðasta
ári samkvæmt ríkis-
skattstjóra.
„Samkvæmt þessu er kynbundinn
launamunur nokkur innan Torpedo Crew
Laun í undirheimum Þúsundir króna á mánuði
Jón Ólafsson tengist S.O.D. 418
Hans Aðalsteinn Helgason tengist Hells Angels 277
Óttar Gunnarsson fyrrverandi meðlimur í S.O.D. 240
Annþór Kristján Karlsson dæmdur ofbeldismaður 230
Börkur Birgisson dæmdur ofbeldismaður 201
Ríkharð Júlíus Ríkharðsson forseti Outlaws 190
Elías Valdimar Jónsson tengist Torpedo Crew 190
Davíð Freyr Rúnarsson tengist Outlaws 161
Jens Tryggvi Jensson tengist Hells Angels 150
Vilhjálmur Símon Hjartarson tengist Hells Angels 132
Davíð Smári Helenarson tengist Semper Fi 98
Jón Ólafur Róbertsson tengist Hells Angels 93
Jón Hilmar Hallgrímsson forseti Semper Fi 90
Helgi Ragnar Guðmundsson tengist Hells Angels 89
Andrea „slæma stelpa“ Kristín Unnarsdóttir tengist Torpedo Crew 66
Skúli Þór Hilmarsson dæmdur ofbeldismaður 42
Hilmar Þór Leifsson fyrrverandi meðlimur Hells Angels 19