Dagblaðið Vísir - DV - 03.08.2012, Blaðsíða 44

Tónlist og fjör
í Vatnaskógi
12 3.–7. ágúst 2012 Verslunarmannahelgin
n Sérstök dagskrá fyrir unglinga á kvöldin n Vímulaus hátíð
„Vill nokkur vera nauðgari?“
n Þjóðhátíðarnefnd snýr vörn í sókn og ætlar að uppræta nauðganir
Þ
rjár nauðganir voru kærðar
eftir Þjóðhátíð í Vestmanna-
eyjum, stærstu úthátíð sum-
arsins, í fyrra. Einn dómur
féll á endanum og var nauðgar-
inn dæmdur í fimm ára fangelsi
á báðum dómsstigum. Í kjölfarið
var mikil umræða um Þjóðhátíð
og kynferðisbrot. Hart var geng-
ið fram í gagnrýni á Þjóðhátíð sem
gat illa borið ábyrgð á nauðgunun-
um fyrir utan að lítið hafði verið
gert til þess að sporna beinlínis við
kynferðisbrotum. Engin sérstök
fræðsla var í gangi, eða sýnilegt
forvarnarstarf. Sögulegur stirðleiki
hefur verið í samskiptum Stíga-
móta og Þjóðhátíðarnefndar og
því lítið fyrir samstarfi að fara auk
þess sem Nei-hópnum gegn nauð-
gunum hafði ekki verið boðið.
Hundrað karlmenn skrifuðu þjóð-
hátíðarnefnd og bentu á að þögnin
væri ærandi og spurðu hvort það
ætti að þegja vandamálið í hel.
Vörn í sókn
Svo var ekki og Þjóðhátíðarnefnd
hefur nú blásið til sóknar. Forvarn-
arhópur ÍBV var stofnaður og
hann setur markið hátt. Hópnum
er ætlað sjá um fræðslu um kyn-
ferðisbrot og forvarnir gegn þeim
og segir ÍBV ekki lengur hægt að
horfa framhjá vandamálinu. „Við
neitum að taka þátt í því. Það er
bleikur fíll í stofunni. Hann heit-
ir nauðgun. Við ætlum að moka
honum út. Við viljum með þessu
opna umræðuna. Nauðgun er of-
beldisglæpur sem hefur grafalvar-
legar afleiðingar í för með sér fyrir
fórnarlambið og ekkert réttlætir
slíkt,“ segja Eyjamenn og bæta við:
„Ef samþykkið vantar er það nauð-
gun. Ef það hefur ekki heyrst skýrt
já, þá er það nauðgun. Vill nokk-
ur vera nauðgari? Vill nokkur vera
bleikur fíll?“ Yfirskrift átaksins er
sú að fólk „fíli samþykki“. Bleiki
fíllinn verður sýnilegur á Þjóðhá-
tíð en með því vonast Eyjamenn
til að kynferðisbrotamennirnir láti
sig hverfa.
Nauðsynlegt
í útileguna
Að mörgu er að hyggja áður en
haldið er af stað í útileguna um
verslunarmannahelgina og leiðin-
legt getur verið að uppgötva að
eitthvað sem hefði getað gert
helgina betri hafi gleymst heima.
Um helgina er spáð góðu veðri
og ef sólarvörnin er tekin með get-
ur helgin orðið sársaukaminni en
ella. En þótt heitt gæti orðið í veðri
að degi til geta kvöldin og næt-
urnar reynst kaldar. Þess vegna
er gott að hafa nóg af hlýjum föt-
um og teppum meðferðis ef fólk
vill vera úti fram eftir kvöldi að
grilla, drekka, spjalla eða spila.
Skemmtilegt er að taka spilastokk
og önnur skemmtileg borðspil
eða svifdisk (frisbí) með. Að sjálf-
sögðu þarf að muna eftir grilli,
hvort sem það er einnota grill eða
ferðagrill, og þá eldspítum, kolum
eða gaskúti. Sömuleiðis er gott að
hafa diska og hnífapör með sér,
eldhúsrúllu og tusku. Kæliboxið
má heldur ekki gleymast ef mat-
ar- og drykkjarföng eiga að hald-
ast köld. Ef óhapp á sér stað getur
skipt sköpum að hafa fyrstuhjálp-
arkassa við höndina. Einnig er gott
að taka með sér stóran vatnsbrúsa
ef langt er að sækja vatn. Þegar
búið er að grilla, spila, borða og
drekka og ferðinni er heitið heim
er um að gera að halda náttúrunni
hreinni og hafa ruslapoka með
sér til að taka til eftir skemmtilega
helgi.
Leikur með svifdisk Útilegan verður
skemmtilegri ef spil og alls kyns leikföng
eru tekin með, til dæmis svifdiskur.
Grillið er nauðsynlegt Þá þarf að
muna eftir eldspítum og kolum eða
gaskúti.
Moka út Það vill
enginn vera bleikur fíll.
Mynd: ForVarnarhópur ÍBV
Á
rlegu Sæludagarnir í Vatna-
skógi hófust í gær, fimmtu-
dag, og munu standa yfir
fram til mánudags. Ógrynni
uppákoma og skemmti-
legra atriða verða á Sæludögum
yfir verslunarmannahelgina. Meðal
þess sem verður á dagskrá í ár eru
kvöldvökur, bátaferðir, fótboltaleik-
ir, bænastundir í kapellunni, fjöl-
skylduguðþjónusta, kassabílarallí,
dansleikur og grillveisla. Þar að
auki verður sérstök dagskrá fyr-
ir unglinga á kvöldin þegar for-
eldrarnir og börnin vilja fara að
sofa.
Mikið lagt upp úr tónlist
Töluvert verður lagt upp úr söng og
tónlist í Vatnaskógi og geta krakk-
ar sem eru sex ára og eldri meðal
annars sótt gospelæfingar og ung-
lingar sem eru fjórtán ára og eldri
sungið í gospelkór. Þar að auki
verða kvöldvökur í íþróttasalnum
í Vatnaskógi þar sem verður boð-
ið upp á söng, skemmtiatriði og
hugleiðingu út frá Guðs orði. Tón-
leikar með Hundi í óskilum verða á
laugardagskvöldið og hljómsveitin
Tilviljun? mun spila fyrir gesti
nokkrum sinnum yfir helgina.
Vímulaus hátíð
Skógarmenn KFUM ásamt KFUK
á Íslandi standa fyrir fjölskyldu-
hátíðinni. Sæludagar í Vatnaskógi
eru vímulausir og er markmiðið
með hátíðinni að skapa heilbrigða
og eftirsóknarverða hátíð fyrir fólk
á öllum aldri og á sanngjörnu verði.
hagnýtar upplýsingar
Verð á Sæludaga er 4.500 krónur en
ókeypis er fyrir 12 ára og yngri í fylgd
með fullorðnum. Verð fyrir dags-
heimsókn er 2.500 krónur. Rútuferð
á Sæludaga verður frá húsi KFUM
og KFUK, Holtavegi 28 í dag, föstu-
daginn 3. ágúst, klukkan 17:30. Þeir
sem ætla að nýta sér rútuferðina eru
beðnir um að láta þjónustumiðstöð
KFUM og KFUK vita í síma 588 8899.
Nánari upplýsingar um hátíðina má
nálgast á vefsíðunni kfum.is eða hjá
starfsfólki KFUM og KFUK í síma 588
8899.
rallíbílar Börnin sem koma í Vatnaskóg
geta skemmt sér vel í kassabílarallí.
Boðið verður upp á
bátsferðir Hægt er
að fá bát lánaðan án
endurgjalds.
Margt í boði fyrir unglinga Sérstök dagskrá er í boði fyrir unglinga á kvöldin.