Dagblaðið Vísir - DV - 15.07.2011, Blaðsíða 40

40 | Lífsstíll 8.–10. júlí 2011 Helgarblaðið
Meistarakokkarnir Völundur Snær
Völundarson, Sigurður Gíslason og
Stefán Ingi Svansson stjórna nýjum
matreiðsluþætti, Grillað, sem sýnd­
ur verður á fimmtudögum í Ríkis­
sjónvarpinu. Allir hafa þeir áratuga­
reynslu af matreiðslu og ættu þeir
því að geta kennt Íslendingum réttu
handtökin við grillin í sumar. Í þætt­
inum verður farið yfir hvernig á að
grilla allt milli himins og jarðar, frá
fiski og kjöti upp í ávexti og græn­
meti. Mikil áhersla verður lögð á að
laga kryddblöndur og barbíkjúsjós­
ur auk þess sem drykkir og eftirréttir
skipa stóran sess í hverjum þætti.
Ekkert flókið á dagskránni
„Þetta er ekkert flókið,“ segir Völund­
ur Snær um þættina. „Góður grill­
matur er bæði ótrúlega góður og
skemmtilegur að elda. Við vildum
einfaldlega sýna hvernig á að mat­
reiða góðan grillmat, hvað er nauð­
synlegt að vita, hvernig best er að
meðhöndla hráefnið og fleira á þeim
nótum. Markmiðið var að hafa þetta
í senn fræðandi og áhugavert. Ég
vona bara að það hafi tekist – en það
er áhorfendanna að dæma.“ Sjálfur
býr Völundur alla jafna á Bahama­
eyjum en hann á þar og rekur veit­
ingastað. Strákarnir ætla ekki að láta
staðar numið við sjónvarpsþátt því
samhliða þáttunum kemur út bók­
in Grillað. Í bókinni verður hægt að
finna uppskriftir úr þáttunum auk
annars fróðleiks.
Skipta með sér verkum
„Við ætlum að skipta þessu aðeins
með okkur. Við verðum alltaf með
einn fiskrétt, einn kjötrétt, einn
drykk og einn eftirrétt í hverjum
þætti. Við ætlum að leggja áherslu
á það að sýna vandaða og skemmti­
lega matreiðslu í öllum þessum
þáttum,“ segir Völundur Snær.
„Þetta eru engin vísindi en þetta
verður spennandi matreiðsla kennd
á einfaldan hátt.“
Félagar Völundar í þáttunum
hafa báðir mikla reynslu af mat­
argerð en Sigurður er fyrrverandi
meðlimur í kokkalandsliðinu og nú­
verandi framkvæmdastjóri Turns­
ins í Kópavogi þar sem Stefán Ingi
er yfir kokkur. „Við erum þrír alveg
gjörólíkir karakterar. Það er meiri
vídd en að horfa bara á sama kar­
akterinn,“ segir hann en þeir eru all­
ir góðir kunningjar og hafa þekkst í
mörg ár.
Allir geta leikið þetta eftir
„Við erum bara að reyna að gera
þetta á ferskan og skemmtilegan hátt
en reynum að gera þetta eins vand­
að og auðskiljanlegt og hægt er. Það
vill oft verða í svona þáttum að fólk
er ekkert endilega að ná því hvern­
ig hlutirnir eru gerðir ef þeir eru
of flóknir,“ segir hann. „Við grillum
allt á kolagrilli og sýnum fram á að
þú þarft ekki að vera með einhvern
Cadillac í garðinum til að vera með
góða grillmennsku. Þetta eru allt
einfaldir hlutir en gerðir á virkilega
spennandi hátt.“
Sjálfur segist Völundur vera í
hörku grillformi en hann rekur veit­
ingastaðinn Sabor á Bahamaeyj­
um þar sem hann grillar allan árs­
ins hring. Bæði hann og Sigurður
hafa starfað í Karíbahafinu og segir
Völundur að suðrænna áhrifa gæti í
nokkrum grillréttanna sem farið er
yfir í þáttunum og bókinni. „Það fer
alls ekki út í neinar öfgar samt,“ segir
hann.
n Völundur Snær, Sigurður Gíslason og Stefán Ingi Svansson með grillþátt í
Ríkissjónvarpinu n Gefa samhliða út bók með einföldum grilluppskriftum
Völundur Snær í
hörku grillformi
Grillað í allt sumar
Völundur, Sigurður og Stefán
Ingi ætla að kenna Íslendingum
að grilla í allt sumar.
Nýtt bragð í
borgarana
Það er hægt að gera smá snúning
í grillmennskunni með einföldum
hætti. Það eina sem þú þarft til að
setja eigið mark á hamborgarana
er Red Oak grill­plattarnir. Þú getur
fengið pakka af fjórum eða átta
plönkum sem hvern um sig er hægt
að nota um tvisvar. Þegar þú grillar
borgara á plönkunum færðu yndis­
legt viðarbragðið í kjötið. Það eina
sem þú þarft að passa er að eldur­
inn nái ekki að festa sig í plank­
anum því tré er jú eldfimt. Það ætti
þó ekki að vera mikið vandamál
að nota plankana sem fást fyrir um
1.880 til 2.800 krónum á netinu.
Öðruvísi
kjöthitamælir
Ef þú ætlar að ná kjötinu alveg rétt
grilluðu kemur Steak Button sér mjög
vel. Kjöthitamælirinn er gerður úr
ryðfríu stáli og gleri og sýnir hann
hitann út frá því hvort kjötið er lítið,
miðlungs eða vel steikt. Þú getur því
verið viss um að fá steikina þína grill­
aða nákvæmlega eftir smekk og þarft
ekki lengur að treysta á tilfinninguna.
Þannig getur þú líka orðið meistara­
kokkur í grillveislunum í sumar án
þess að þurfa rosalega mikla æfingu.
Skelltu grill-
inu á bakið
Þú ert ekki bara bundinn af því að
grilla í bakgarðinum heima hjá þér.
Þú getur farið með Fuego Element­
grillið með þér hvert sem er. Þú
skellir því bara á bakið eins og tösku
og ert ekki lengur bundinn af því að
grilla alltaf á sama staðnum. Gæði
grillsins líða ekki fyrir hversu ein­
falt er að færa það frá einum stað
til annars og ættirðu að geta grillað
dýrindis mat í sumar – ef þú ert með
réttu hráefnin auðvitað. Þú þarft þó
að borga tæpar 18.000 krónur fyrir
grillið og panta það í gegnum netið.
Grillaðu forréttinn
og meðlætið
Ef þú ert að slá upp grillveislu er ekki
vitlaust að bjóða gestunum upp á
forrétt eða eitthvað til að borða með
grillkjötinu eða fisknum. Það er lítið
mál að taka nachos­pakka og hella
úr honum á grillplatta, smella smá
guacamole yfir og rifnum osti. Þú
getur náttúrulega líka skorið kart­
öflur í tvennt, sett rjómaost, beikon­
kurl og rifinn ost yfir og smellt því
grillplatta. Til þess þarftu þó að eiga
góðan grillplatta, en þú getur fengið
mjög fínan slíkan platta frá Willi­
ams­Sonoma fyrir um 5.900 krónur.
Appelsínu-, engifer- og timjan
BBQ-sósa
1 msk. skalottulaukur, flysjaður og saxaður
1 msk. sítrónugras, saxað (notaðu hvíta
laukinn og u.þ.b. 7 cm af því græna)
½ msk. ferskur grænn chili, fræhreinsaður
og saxaður
2 msk. rifin engiferrót
10 stiklar ferskt timjan
1 msk. canola-olía
4 msk. Kikkoman sojasósa
1 bolli Heinz-chilisósa
2 bollar frosið appelsínuþykkni
½ bolli Meli hunang
1 þéttfull msk. Dansukker púðursykur
Blandaðu saman í skál skalottlauk,
sítrónugrasi, ferskum grænum chili og
timjani. Settu til hliðar. Flysjaðu og rífðu
engiferrótina og settu í litla skál. Hitaðu
canola-olíuna í potti við miðlungshita.
Settu skalottulauk, sítrónugras, chili, og
timjan í pottinn og brúnaðu í 2 mínútur.
Bættu sojasósu, chilisósu, appelsínuþykkni,
hunangi og púðursykri út í og láttu malla í
5 mínútur. Helltu blöndunni gegnum sigti
í skál. Helltu henni svo aftur í pott og láttu
suðuna koma upp. bættu fersku engiferinu
saman við og láttu sjóða í 1 mínútu. Taktu af
hitanum og kældu.
Notaðu sósuna á timjan-appelsínukjúkling
eða annað kjöt. Sósuna má búa til fyrir fram
og geyma í ísskáp í allt að viku.