Fréttatíminn - 16.10.2015, Blaðsíða 30

segir hann. „Rithöfundar eru samt
dæmdir harkalega. Þeir eru nánast
dæmdir sem manneskjur þegar
bækurnar eru dæmdar. Í hljómsveit
geturðu gefið fingurinn og tekið
aðra tónleika og öllum er sama hvað
einhver gagnrýnandi sagði.
Þessi saga getur öðlast líf,“ segir
Bibbi. „Þessi saga er bara brot af
ferli mannsins sem hún er skrifuð
um. Þetta er samt engin hljómsveit-
arbók. Miklu frekar um mannlega
bresti og fávitaskap. Eða ég vona
það allavega,“ segir hann.
Sex bækur á fimmtán árum
Bibbi er alinn upp á Húsavík og
er elstur þriggja systkina. Baldur
bróðir hans er með honum í Skálm-
öld og Ljótu hálfvitunum og fengu
þeir ósköp eðlilegt uppeldi, eins og
hann orðar það. Það var þó mikið
lagt upp úr því að tala gott mál en
pressan um það að fara í tónlist var
engin, þrátt fyrir að faðir þeirra hafi
verið tónlistarkennari.
„Ég skrifaði aldrei mikið en ég
rifjaði það samt upp um daginn að
ég skrifaði sögu þegar ég var átta
ára gamall,“ segir hann. „Alvöru
sögu með framvindu og söguþræði.
Svo hef ég ekkert verið mikið í því
að skrifa. Ég datt inn í það að skrifa
fyrir sjónvarpið fyrir nokkrum
árum, þegar hálfvitafélagar mínir
voru að skrifa fyrir Stundina okk-
ar. Það kveikti í mér að halda því
áfram,“ segir hann.
„Ég skrifaði einhver leikrit sem
hafa verið sýnd úti um allt. Mikið
af barnaleikritum og fannst alltaf
gaman að segja sögu. Mikið af hálf-
vitatextunum eru sögur með fram-
vindu. Mér finnst gaman að búa til
karaktera og aðstæður en ég les
mjög lítið,“ segir Bibbi. „Ég er ný-
byrjaður að lesa bækur upp á nýtt.
Ætli ég hafi ekki lesið svona sex
bækur á síðustu fimmtán árum. Ég
les þeim mun meira af teiknimynda-
sögum, sem eru bókmenntir út af
fyrir sig. Síðustu jól settist ég niður
og las Sjálfstætt fólk. Ég þurfti að
gera það á hnefanum, og mér fannst
hún frábær. Mér finnst samt svona
lestur mjög óyfirstíganlegur. Þetta
eru allt of margar blaðsíður, mað-
ur,“ segir Bibbi. „Þess vegna var það
mikil áskorun fyrir mig að skrifa
bók.“
Minnst gaman að rífa kjaft
Þungarokkarinn varð faðir í fyrsta
sinn í vor og margir lásu færslu
hans um ástandið á Landspítalan-
um, þar sem hann og unnusta hans,
Agnes Grímsdóttir, lentu í vægast
sagt erfiðari fæðingu þar sem mátti
litlu muna að allt hefði farið á versta
veg. Allt gekk þó að lokum og stúlk-
an kom frísk í heiminn. Bibbi segir
það hafa verið mjög skrýtna tilfinn-
ingu að vera kominn með lítið líf í
hendurnar, sem hann bæri ábyrgð
á.
„Það var alveg jafn skrýtið fyrir
mig eins og aðra, en þetta er alveg
geðveikt,“ segir hann með bros á
vör. „Ég er voða feginn að hafa gert
þetta 37 ára en ekki 17 eða bara 27
ára. Þetta kemur á fínum tíma fyrir
mig. Ég er vel mannaður líka,“ segir
hann. „Agnes er djöfull góð í þessu.
Þegar ég stend bara og veit ekkert
hvað ég er að gera þá er eins og hún
hafi gert þetta tvö hundruð sinnum
áður. Þetta er líka miklu skemmti-
legra en ég hélt,“ segir hann. „Ég
hélt að þetta yrði kannski hátíðlegra
og rómantískt en stundum er þetta
bara eins og að vera í Playstation.
Mikið stuð. Stelpan er hálfs árs og
hún getur ekki neitt, og veit ekk-
ert,“ segir hann og hlær. „Þetta er
gaman. Fæðingin var samt erfið.
Það er rosalegt að lenda í svona að-
stæðum þar sem maður getur ekk-
ert gert. Maður reynir að gera þetta
pínu gagn sem maður getur gert.
Að öðru leyti er maður upp á aðra
kominn,“ segir Bibbi.
„Aðstæðurnar voru þannig að ég
gat ekki annað en tjáð mig um það.
Í hvaða heilabúi verður til sá sann-
leikur að það eigi að skera niður á
þessum vettvangi? Á kostnað ein-
hvers sem er svo mikið minna mikil-
vægt, og allir eru sammála um það.
Ég er ekki gaurinn sem lætur allt
fara í taugarnar á sér og rífur kjaft
þrisvar í viku,“ segir Bibbi. „Það
verður samt að velta þessum hlut-
um fyrir sér. Ég hef gengið of langt
og hef verið skammaður. Í því til-
viki var ég að drulla yfir fólk og ég
á ekkert að vera að drulla yfir fólk.
Ég gekk kannski ekkert of langt
með málefnið, en ég fór með það á
rangan stað. Öllum fannst ég samt
frábær við lesturinn en ég las yfir
og sá að þarna var ég bara að vera
fáviti, eins og mér hafði verið bent
á, og það þurfti að benda mér á það.
Maður lærir á meðan maður lifir, en
mér finnst voða gaman að rífa kjaft,“
segir hann.
Reykt inni í Rúmeníu
Bibbi er ekki bara að gefa út bók
heldur eru hljómsveitin Ljótu hálf-
vitarnir að gefa út sína fimmtu breið-
skífu á næstu vikum, og Skálmöld
fer í tvær ferðir til útlanda að spila
fyrir áramót. „Ég er að fara bara á
morgun með Skálmöld til Póllands
og Rúmeníu að spila,“ segir hann.
„Við höfum gert það áður og Pól-
land er stórkostlegt land. Rúmenía
er aðeins vafasamara. Það er alveg
reykt inni þar,“ segir hann sposkur.
„Svo förum við aðeins lengri ferð í
lok nóvember. Þangað til ætla ég að
koma þessari bók út og kynna hana,
sem og nýju hálfvitaplötuna sem við
tókum upp í sumar. Við fórum svo-
lítið aftur í grunninn með þessa
nýju plötu og tókum hana upp í
Hrísey í góðu yfirlæti. Það var mjög
skemmtilegt og ég hef ekki verið
jafn spenntur yfir nýju hálfvitaefni
í langan tíma. Skálmöld kemur svo
líklega með nýja plötu á næsta ári,
svo það er alltaf eitthvað í pípunum,“
segir Snæbjörn Ragnarsson, eða
Bibbi hálfviti.
Skáldsagan Gerill kemur út
hjá bókaútgáfunni Sögur þann 5.
nóvember og plata Ljótu hálfvitanna
kemur út í sama mánuði.
Hannes Friðbjarnarson
hannes@frettatiminn.is
„Ég endaði á því að finna einhverja mjög týpíska byrjun eins og „Hann vaknaði í
rúminu,“ og gat því haldið áfram,“ segir Bibbi. „Ég breytti svo fyrstu 50 blaðsíð-
unum og bókin byrjar ekkert á því að hann vaknar í rúminu sínu. Hann vaknar uppi á
eldhúsborði, sem er skemmtilegra.“ mynd/Hari
Helgin 16.-18. október 201530 viðtal
Ofurnett - ósýnileg í eyra eða falin á bak við eyra
Heyrnartækni | Glæsibæ | Álfheimum 74 | 104 Reykjavík | Landsbyggðaþjónusta | Sími 568 6880
Heyrðu með bleiku
Fáðu heyrnartæki
til prufu í 7 daga
Október er mánuður Bleiku slaufunnar,
árverknis- og fjáröflunar átaks Krabba-
meins félagsins gegn krabba meini hjá
konum. Heyrnartækni vill leggja þessu
málefni lið og mun allur ágóði af sölu
heyrnartækjarafhlaða og 10.000 kr. af
hverju seldu bleiku heyrnartæki í október
renna óskiptur til Krabbameinsfélagsins.
Bókaðu tíma í fría heyrnar mælingu
Sími 568 6880
www.heyrnartaekni.is
Taktu þátt og njóttu þess að
heyra vel í öllum aðstæðum með
heyrnartæki frá Oticon. Áratuga
þróunarstarf hefur nú fært
okkur nýja tækni sem kallast
BrainHearing™. Þessi tækni
gerir þér kleift að heyra talmál
skýrar en nokkurn tíma áður.