Dagblaðið Vísir - DV - 09.09.2011, Blaðsíða 10

10 | Fréttir 9.–11. september 2011 Helgarblað
A
rion banki á 6,6 milljarða
króna veð í Blikastaðaland­
inu í Mosfellsbæ en eigandi
félagsins er Bleiksstaðir ehf.,
félag sem að 80 prósenta
leyti er í eigu Holtasels, móðurfélags
verktakafyrirtækisins Eyktar. Bleiks­
staðir ehf. keypti landið fyrir 65 millj­
ónir evra, rúmlega 6,2 milljarða króna
á þávirði, í febrúar 2008. Pétur Guð­
mundsson, stjórnarformaður og eig­
andi Eyktar, segir aðspurður að Bleiks­
staðir eigi landið enn en að Arion
banki eigi veð í því. „Það er sama félag
sem keypti það sem á það: Bleiksstað­
ir eiga það. Bankinn á bara áfram veð í
landinu,“ segir Pétur.
Blikastaðalandið, sem er um 150
hektara byggingarland í nágrenni
Mosfellsbæjar, var í eigu Íslenskra
aðalverktaka þegar ríkið seldi 40 pró­
senta hlut sinn í fyrirtækinu til þá­
verandi æðstu stjórnenda verk­
takafyrirtækisins árið 2003. Eftir
einkavæðinguna kom í ljós að landið
hafði verið verulega vanmetið þeg­
ar íslenska ríkið seldi hlutinn í Ís­
lenskum aðalverktökum. Verðmatið á
Blikastaðalandinu fyrir einkavæðingu
var tæplega 900 milljónir króna en í
ársreikningi Íslenskra aðalverktaka
árið 2003 hafði verið framkvæmt „sér­
stakt endurmat“ á landinu þar sem
verðmat þess hækkaði upp í tæplega
4,5 milljarða króna. Blikastaðalandið
var svo selt til Bleiksstaða fyrir rúma
6 milljarða króna árið 2008. Meira en
fimm milljarða munur var því á bók­
færðu verðmæti landsins þegar ríkið
seldi hlut sinn í fyrirtækinu og þegar
kaupendurnir seldu Blikastaðalandið
til Eyktar 2008.
Blikastaðalandið og
einkavæðingin
Helstu stjórnendur Íslenskra aðal­
verktaka, meðal annars Stefán Frið­
finnsson forstjóri og Jón Sveinsson
stjórnarformaður, voru gagnrýndir
harkalega fyrir aðkomu sína að einka­
væðingarferlinu en þeir störfuðu náið
með þeim aðila, eignarhaldsfélaginu
EAV, sem keypti hlut ríkisins í Íslensk­
um aðalverktökum. Jón sat jafnframt í
einkavæðingarnefnd þegar gengið var
frá sölunni á hlut ríkisins.
Hæstiréttur dæmdi einkavæðingu
Íslenskra aðalverktaka ólögmæta í
maí 2008, meðal annars á þeim for­
sendum að stjórnendur verktakafyrir­
tækisins hefðu verið fruminnherjar í
fyrirtækinu og að þeir hefðu ekki átt
að koma að sölu þess með þeim hætti
sem þeir gerðu. Blikastaðalandið spil­
aði stóra rullu í málinu þar sem talið
var að stjórnendur Íslenskra aðalverk­
taka hefðu vitað að jörðin var vanmet­
in í bókum fyrirtækisins og því hefðu
þeir vitað að hlutur ríkisins var verð­
metin of lágt.
Átti að byggja 1.800 íbúðir
Þegar Blikastaðalandið var selt í árs­
byrjun 2008 stóð til að byggja um
1.800 íbúðir á svæðinu. Kaupand­
inn var eitt stærsta verktakafyrirtæki
landsins, Eykt, og mikil eftirspurn
hafði verið eftir húsnæði á Íslandi á
árunum þar á undan þegar íslenska
góðærið gekk yfir. Reiknað var með að
íbúðirnar myndu seljast á næstu sjö
til tíu árum þar á eftir. Íslenska efna­
hagshrunið setti strik í reikninginn hjá
Eykt, líkt og hjá flestum öðrum verk­
takafyrirtækjum í landinu, og varð
ekkert af því að hafist væri handa við
þessa miklu uppbyggingu á svæðinu.
Þrjú og hálft ár er liðið frá þessari fjár­
festingu Eyktar í Blikastaðalandinu
og félagið hefur ekki fengið til baka
þá fjármuni sem reiknað var með við
sölu á íbúðunum á svæðinu og hefur
því ekki getað greitt Arion banka af
lánum sínum.
Pétur vill ekki svara því hvort Arion
banki muni leysa Blikastaðalandið til
sín eða hvort Eykt muni hefja fram­
kvæmdir á landinu í náinni fram­
tíð. „Bara eins og ég sagði þér áðan
þá er ekkert meira um þetta að segja.
Bleiksstaðir eiga þetta og þar til annað
verður ákveðið þá eiga þeir það.“
Rekstrarhæfi félagsins brostið
Í ársreikningi Bleiksstaða fyrir árið
2009 kemur fram að vafi leiki á um
rekstrarhæfi félagsins en félagið tap­
aði 2,3 milljörðum króna það árið og
var eigið fé þess neikvætt um tæpa
fimm milljarða. Í ábendingu Deloitte,
endurskoðanda félagsins, segir að fé­
lagið uppfylli ekki skilyrði lánasamn­
inga sinna og að Arion banki hafi
gjaldfellt lán félagsins árið 2009: „Af
því gefnu að ekki náist samningar við
lánveitanda er rekstrarhæfi félagsins
brostið,“ segir í ábendingu Deloitte.
Heildarskuldir félagsins námu rúm­
um 12 milljörðum króna í lok árs 2009.
Í skýringu í ársreikningi Bleiks­
staða kemur fram að í árslok hafi
Bleiksstaðir verið að reyna að fá eftir­
gjöf skulda hjá viðskiptabanka sínum
en ekki kemur fram hvernig þessar
viðræður gengu. Orðrétt segir í skýr­
ingunni: „Einn af viðskiptabönkum
félagsins gjaldfelldi á árinu lánveit­
ingar sínar að eftirstöðvum í
árslok 8.389 milljónir króna auk
málskostnaðar sem nam tæpum 210
milljónum króna í árslok. Þrátt fyrir
gjaldfellingu á láninu þá eru stjórn­
endur félagsins í samráði við við­
skiptabanka félagsins enn að vinna
að lausnum fyrir félagið. Náist ekki
samningar við lánveitendur félagsins
um eftirgjöf skulda þá er rekstrarhæfi
félagsins brostið.“ Samkvæmt því mun
Arion banki því eignast Blikastaða­
landið með tíð og tíma.
n Blikastaðalandið gæti lent hjá Arion banka n Stjórnarformaður Eyktar vill ekki
gefa upp hvaða gera á við landið n Lán eiganda Blikastaðalandsins gjaldfelld 2009
„Bankinn á bara
áfram veð í landinu“
Ingi Freyr Vilhjálmsson
fréttastjóri skrifar ingi@dv.is
6.6 milljarða veð Veð Arion banka,
sem Höskuldur Ólafsson stýrir, sem hvíla á
Blikastaðalandinu í Mosfellsbæ nema um
6.6 milljörðum króna. Í ársreikningi eiganda
Bleiksstaða kemur fram að rekstrarhæfi
félagsins sé brostið.
Forstjórinn varð stjórnarformaður
Stefán Friðfinnsson var forstjóri Íslenskra
aðalverktaka við einkavæðingu fyrirtækisins
árið 2003. Hann hélt áfram að vinna með
nýjum eigendum félagsins og varð síðar
stjórnarformaður þess.
Blikastaðalandið Blikastaðaland-
ið er í eigu móðurfélags Eyktar í dag
en Arion banki á veð í því. Myndin er af
bænum Blikastöðum sem Blikastaða-
landið er kennt við. mynd FRéttABLAðið
Er virkur
sprautufíkill
HIV­smituð kona sem Haraldur
Briem sóttvarnalæknir fór fram á
að yrði sett í tímabundna ein­
angrun árið 2007, er talin hafa
smitað fjölda einstaklinga af
sjúkdómnum. Haft var eftir Har­
aldi í Fréttablaðinu á fimmtudag
að kröfunni um einangrun hafi
verið synjað en dómara þótti ekki
hafa verið sýnt fram á að hún hefði
smitað aðra og hafði hennar orð
fyrir því að hún myndi ekki smita
aðra einstaklinga.
Í blaðinu sagði einnig að konan
hafi verið virkur sprautufíkill og
hún hefði haldið því fram við sótt­
varnalækni í upphafi að hún treysti
sér ekki til að gæta sín úti í samfé­
laginu. Úrræði eru til staðar í sótt­
varnalögum til að taka á smituðum
einstaklingum sem sýnt þykir að
geti ekki gætt fyllstu varúðar til að
koma í veg fyrir að aðrir smitist.
Þetta tilvik árið 2007 var í fyrsta og
eina skipti sem reynt hefur verið að
beita þessu úrræði. Konan breytti
framburði sínum fyrir héraðsdómi
og var kröfunni um tímabundna
einangrun því synjað þar sem hún
kvaðst ætla að fylgja öllum reglum.
„Talið er að mörg smit megi
rekja til hennar,“ er haft eftir Har­
aldi í Fréttablaðinu.
hanna@dv.is
HiV-smituð kona talin hafa smitað marga:
85 þúsund fermetra nýbyggingar rísa á lóð Landspítalans:
Nýr Landspítali kostar 100 milljarða
Allt stefnir í að 85 þúsund fermetra
nýbyggingar rísi á lóð Landspítalans
og heilbrigðisvísindasviðs Háskóla
Íslands á næstu 6 árum. Verkið verð­
ur boðið út næsta vor og áætlað er að
kostnaður við fyrsta áfangann, sem
ljúka á árið 2017, muni nema um
40 milljörðum króna. Öll starfsemi
Landspítalans mun þar með færast
á lóðina við Hringbraut. Til saman­
burðar má nefna að heildarkostn­
aður við byggingu tónlistarhússins
Hörpu mun líklega koma til með að
nema tæpum 30 milljörðum króna.
Starfsemi Landspítalans fer nú
fram í tæplega hundrað byggingum
á 17 stöðum á höfuðborgarsvæð­
inu og hefur Guðbjartur Hannes­
son velferðarráðherra sagt að um
þriggja milljarða króna hagræðing
á ári hljótist af því að hafa starfsemi
spítalans á einum stað. Heildar­
rekstarkostnaður spítalans sam­
kvæmt fjárlögum þessa árs er rúmir
35 milljarðar króna.
Á heimasíðu Nýs Landspítala
kemur fram að þegar uppbyggingu
á umræddri lóð ljúki verði bygging­
ar Landspítala Háskólasjúkrahúss
og Háskóla Íslands samtals um 166
þúsund fermetrar, þar af 141 þúsund
fermetrar undir spítalastarfsemi.
35 þúsund fermetrar munu tilheyra
Háskóla Íslands og tilraunastöðinni
á Keldum. Gunnar Svavarsson, for­
maður bygginganefndar Nýs Land­
spítala, segir þó að þessar tölur um
fermetrafjölda geti tekið breyting­
um. „Það liggur ekki nákvæmlega
fyrir hverjir fermetrarnir verða en við
sýnum hins vegar möguleika á upp­
byggingu spítalans til framtíðar, eða
til ársins 2027, á þessum reit.“ Gunn­
ar bendir í því samhengi á að Alþingi
hafi enn ekki gefið leyfi fyrir fjár­
festingunni í þessum fyrsta áfanga,
hvað þá að búið sé að gefa heimild til
framtíðar. Ætla má að heildarkostn­
aður við byggingu Nýs Landspítala
komi til með að verða um 100 millj­
arðar króna fram til ársins 2027.
solrun@dv.is
Vinningstillaga Tölvumynd af vinningstillögu sem sýnir nokkurn veginn umfang nýs
spítala við Hringbraut.
St. 36-41
Grensásvegur 8 &
Nýbýlavegur 12
Sími 517 2040
Opið
mánud-föstud. 11-18
laugard. 11-16
SKÓMARKAÐUR
St. 40-46
St. 37-41
St. 36-41
Verð: 6.575
Verð: 6.595
Verð: 6.295
Verð: 5.895