Dagblaðið Vísir - DV - 09.09.2011, Blaðsíða 46

46 | Sport 9.–11. september 2011 Helgarblað
Rúnar Kristinsson
þjálfari KR
1. „Ég hef svo sem enga brjálæðis-
lega skoðun á því. Það er allt í lagi að
líta út fyrir landsteinana en ég hef
ekkert ákveðið svar í þessum efnum.
KSÍ þarf bara að skoða þetta og velja
rétta manninn. Ég er ekki hrifinn af
Roy Keane en Lagerbäck yrði ágætis
kostur. Það þarf samt ekkert að velja
útlending þótt þjóðfélagsumræðan sé þannig.“
2. „Mér finnst það þurfi að fá aðila inn í KSÍ sem hjálpar til við ákvarðan-
irnar. Einhvern sem mótar stefnu, yfirmann knattspyrnumála eða hvað má
kalla hann. Mann sem hefur smá reynslu innan sem utan vallar.“
Heimir Hallgrímsson
þjálfari ÍBV
1. „Ég vil sjá íslenskan þjálfara en styð erlendan
verði hann ráðinn. Mér finnst vanta virðingu
í kringum þetta allt saman. Það er hægt að
kaupa stórt nafn en þú kaupir ekki virðingu.
Það fæst ákveðin virðing með stóru nafni en
myndum við fá sömu virðingu til baka er það
sem ég veit ekki. Íslenskur þjálfari myndi líta á
þetta sem stærsta starfið á sínum ferli en ég
veit ekki hvort stórt erlent nafn myndi líta það sömu augum.“
2. „Mér finnst þetta alltaf vera spurning um virðingu. Það þarf að ríkja
gagnkvæm virðing hjá öllum sem koma að liðinu. Frá þjálfurum, leikmönn-
um, íþróttafréttamönnum og allt upp í knattspyrnuforystuna. Almenningi
finnst hann kannski ekki eiga nægilega mikið í landsliðinu. Landsliðið og
sambandið þurfa að sýna þessa gagnkvæma virðingu og leyfa almenningi
að vera með. Við eigum samt alltaf að vera stolt af okkar landsliði. Ekki
förum við að halda með Hollandi í Evrópukeppni.“
Heimir Guðjónsson
þjálfari FH
1. „Af þessum tveimur kostum sem hafa verið nefnd-
ir finnst mér Svíinn góður kostur. Ég hef setið fyrir-
lestra sem hann hefur haldið á vegum KSÍ og fannst
þeir mjög góðir. Hann hefur líka náð góðum árangri
með sænska liðið. Hvort sem ráðinn verður íslenskur
eða erlendur þjálfari er bara aðalatriðið að ráðningin
verði fagleg og ráðist ekki af almannarómi.“
2. „Það væri sniðugt að ráða einhvern sem er yfir landsliðsmálum og mótar
stefnu í samráði við þjálfarana. Þannig fáum við einhvern strúktúr í þetta.
Ég held að það skipti töluverðu máli að þegar þjálfarar eru ráðnir til starfa í
yngra landsliðið séu þeir að fylgja hugmyndafræði sambandsins frekar en
að allir séu með sína eigin.“
Kristján Guðmundsson
þjálfari Vals
1. „Mín afstaða er sú að það eigi að vera Íslendingur.
Við eigum vel menntaða þjálfara, bæði skólagengna í
þjálfunarfræðunum og reynslumikla menn sem hafa
spilað í útlöndum. Ég hef ekki enn séð nein rök fyrir því
að ráðning útlendings sé betri en ráðning Íslendings.“
2. „Það er alveg ljóst að það þarf að breyta hlutunum í kringum umgjörð-
ina. Það þarf að skoða hana vel. Það er ekki endilega bara lausnin að skipta
um þjálfara heldur þarf einnig að rannsaka hvernig umhverfi þeir hafa verið
að vinna í.“
Bjarni Jóhannsson
þjálfari Stjörnunnar
1. „Ég er búinn að lýsa því yfir að ég vilji erlendan,
flottan þjálfara. Báðir kostirnir sem hafa komið
upp eru góðir en mér líst betur á Svíann.“
2. „Það þarf að taka alla hugmyndafræði lands-
liðsins í gegn frá a-ö og þar er enginn einn þáttur
frekar en annar sem þarf að laga. Við eigum að
ráða fólk í kringum þetta sem hefur vit og er vel
menntað og fara að gefa í. Það þarf að taka hluti
til gagngerrar endurskoðunar eins og landsliðs-
nefndina. Það þarf að taka hlutverk hennar og
ákvarðanatökur rækilega í gegn. Menn sem eru í þessu þurfa að bera gagn-
kvæma virðingu hver fyrir öðrum, kunnáttu þeirra og hæfni.“
Ólafur Þórðarson
þjálfari Fylkis
1. „Ég vil sjá Íslending í starfinu. Hann mun
þekkja betur til leikmannanna. Mér hugn-
ast alls ekki erlendur þjálfari. Útlendingar
hafa komið hingað og gert vel en það hafa
íslenskir þjálfarar líka gert. Það verður líka
að hugsa út í það hversu margfalt dýrara
það verður fyrir KSÍ að ráða útlending.“
2. „Ég held að umgjörðin í kringum liðið sé
ágæt. Við þurfum frekar bara að hafa hugfast að við eigum ekki jafnmarga
leikmenn sem spila reglulega í toppdeildum í Evrópu eins og við áttum áður.
Það hefur orðið breyting þar á. Hverjum það er svo um að kenna er önnur
umræða.“
Ólafur H. Kristjánsson
þjálfari Breiðabliks
1. „Mér persónulega finnst umræðan
vera á villigötum. Sérstaklega í
kringum þetta Roy Keane-mál. Af
hverju fannst mönnum hann góður
kostur? Fyrir mér snýst þetta um
það hvað maðurinn hefur fram að
færa og fyrir hvað hann stendur. Er
það maður sem er hæfur til að vinna
eftir ákveðinni hugmyndafræði og
vinna það sem þarf að vinna hjá
sambandinu? Af þessum tveimur
kostum líst mér betur á Lagerbäck því hann hefur unnið slíka vinnu og hans
skandínavíski bakgrunnur er líkari því sem við höfum. Einn af göllunum
við erlendan þjálfara er að hann mun vera lengi að komast inn í hlutina en
kosturinn er að hann er engum tengdur.“
2. „Það er gríðarlega margt sem þarf að breyta. Það þarf að móta stefnu
sem þarf að vinna eftir. Það þyrfti að vera með aðila sem er eins konar
fótboltastjóri sem samræmir vinnu landsliðsþjálfaranna. Þjálfarar koma
og fara en þessi maður á að vera ráðinn til lengri tíma til að byggja slíkt upp.
Maður sem gæti tekið ákvörðun um hvort henti leikmanni til dæmis betur að
spila níutíu mínútur með U-21 liðinu eða fjórar mínútur með A-liðinu. Þetta
væri hans ákvörðun, ekki þjálfaranna.“
Páll Viðar Gíslason
þjálfari Þórs
1. „Ætli ég sé ekki hrifnastur af þessu
Lagerbäck-dæmi. Ég held að það sé bara
klár karl sem nýtur virðingar og getur aðeins
hrist upp í þessu. Hann hefur mikla og góða
reynslu og gæti komið með innspýtingu inn
í þetta.“
2. „Ég held að allt sé nú bara í góðu lagi hjá KSÍ. Gengi landsliðsins truflar
náttúrulega allt því þá finna menn að öllu. En ég held að það sé ekki hægt
að kvarta yfir umgjörðinni. Lagerbäck hefur komið hingað nokkrum sinnum
og veit hvernig er í pottinn búið. Hann væri ekki að bjóða sig fram í þetta ef
hann héldi að hér væri allt í lamasessi.“
Ólafur Örn Bjarnason
þjálfari Grindavíkur
1. „Persónulega hallast ég að Svíanum. Ég held
að hann muni koma með ákveðinn leikstíl inn í
fótboltann. Svíarnir eru með ákveðinn leikstíl og
hafa alltaf fylgt honum sama hvort þeir spila á
móti góðu eða slæmu liði. Vegna þessa hallast ég
að Guðjóni Þórðarsyni ætlum við að ráða íslenskan
þjálfara. Hann var með einn stíl, sama gegn hverjum var spilað. Markmiðið
var bara að tapa ekki leiknum. Þótt hann hafi spilað mikinn varnarbolta var
alltaf fullt á leikjunum því árangur laðar að fólk.“
2. „Það vantar völl án hlaupabrautar. Völl sem tekur 10–15.000 manns í
sæti og er bara fótboltavöllur. Þannig myndi myndast mun meiri stemning.“
Willum Þór Þórsson
þjálfari Keflavíkur
1. „Ég hef alltaf verið þeirrar skoðunar að ís-
lenskur þjálfari eigi að stýra landsliðinu. Það er
bara prinsipp. Ég held líka að það skipti máli að
vera svolítið hagkvæmir í þessu en það er samt
ekki aðalatriðið.“
2. „Ég er þeirrar skoðunar að það þurfi að fara gaumgæfilega ofan í
saumana á öllu sem snertir þetta. Spurningin er hvort það liggi eitthvað í
umgjörðinni. Mig grunar meira að þetta tengist því hvernig við nálgumst
skipulagið og það sé ekki hægt að kenna bara einum manni um.“
Þorvaldur Örlygsson
þjálfari Fram
1. „Þetta snýst ekki um hvern á að
ráða heldur hvað menn ætla svo
að gera. Hvernig hugsa menn sér
framtíð íslenska landsliðsins. Það
þarf að ákveða hvernig strúktúrinn
á að vera í framtíðinni.“
2. „Það er spurning hvort eigi að ráða einhvern yfirþjálfara. En þetta snýst
um tölur líka. Það kostar allt í heiminum.“
Bjarnólfur Lárusson
þjálfari Víkings
1. „Ég held að ég myndi vilja sjá erlendan
þjálfara eða mann með erlendan bakgrunn
og þar sé ég kannski Teit Þórðarson sem
góðan kost. Ég held að við þurfum mann
sem getur komið inn með nýjan vinkil og ný
sjónarmið.“
2. „Ég vil ekki að landsleikirnir séu spilaðir á Laugardalsvelli. Frekar spila í
Kaplakrika. Stemningsleysið úti á vellinum er algjört. Ég trúi því að minni völlur
myndi skapa stemningu og að leikmenn yrðu meira varir við stuðning fólksins.“
n Þjálfarar Pepsi-deildar liðanna vilja Lars Lagerbäck frekar en Roy Keane n Skiptar skoðanir um hvort ráða
eigi Íslending eða útlending n Þarf að ríkja gagnkvæm virðing n Vilja taka umgjörðina algjörlega í gegn
Fleiri hallast
að Lagerbäck
Þ
að liggur ljóst fyrir að
Ólafur Jóhannesson verð-
ur ekki lengur þjálfari ís-
lenska landsliðsins í fót-
bolta. Hann á eftir einn leik,
gegn Portúgal í byrjun október,
og í kjölfarið lýkur fjögurra ára
martröð hans sem þjálfari Ís-
lands. Ráðningarferlið á nýj-
um þjálfara er hafið og er mikið
deilt um hvort ráða eigi erlendan
þjálfara eða íslenskan. Tveir er-
lendir kappar, Roy Keane og Lars
Lagerbäck, hafa sterklega verið
orðaðir við stöðuna. Keane átti
að koma til landsins á mánudag-
inn í viðræður við KSÍ en komst
ekki vegna fjölskylduaðstæðna.
Svíinn Lars Lagerbäck hefur
einnig verið orðaður við starfið
og lýsti því yfir í viðtali í Frétta-
blaðinu að hann væri tilbúinn
til viðræðna við íslensku knatt-
spyrnuforystuna. DV vildi vita
hvað þjálfarar Pepsi-deildar lið-
anna höfðu um málið að segja.
Blaðamaður hringdi í alla tólf
þjálfara deildarinnar og lagði
fyrir þá tvær spurningar.
Sú fyrri snéri að ráðning-
unni. Hvort viðkomandi hugn-
aðist annar hvor erlendi kost-
urinn sem væri í umræðunni?
Hvort þeir vildu sjá erlendan
þjálfara yfirhöfuð? Eða halda
áfram með íslenskan þjálfara.
Sú síðari snéri að því hvort
þeir vildu breyta einhverju eða
bæta í umgjörð íslenska lands-
liðsins í fótbolta.
m
y
n
d
f
o
tb
o
Lt
i.n
et
m
y
n
d
f
o
tb
o
Lt
i.n
et
Tómas Þór Þórðarson
blaðamaður skrifar tomas@dv.is