Dagblaðið Vísir - DV - 09.09.2011, Blaðsíða 28
Þ
jóðfélagsumræðan á Íslandi
hefur sjaldan verið furðulegri
á síðari árum.
Þegar Evrópusambandið
er rætt við sjálfstæðismenn er
ástandið gott á Íslandi, en hræðilegt í
Evrópu þar sem gjaldmiðillinn er við
hrun og atvinnuleysi landlægt. Þeg-
ar talað er um innanríkismál er hins
vegar allt í kaldakoli á Íslandi vegna
ríkisstjórnarinnar. Þegar talað er um
hrunið er aftur allt í lagi á Íslandi,
vegna þess hve vel Geir Haarde gerði
í hruninu.
Þegar Alþjóðagjaldeyrissjóðurinn
segir endurreisnina hafa gengið vel er
okkur sagt að hann ljúgi. Endurreisn-
in hafi ekki gengið vel. Hins vegar hafi
hrunið gengið vel. Allt hefði getað
verið miklu betra, segja þau, en ríkis-
stjórnin klúðraði því. Samt er allt verra
í Evrópusambandinu. Því við hrund-
um svo fullkomlega, en ekki þau.
Bjarni Benediktsson, formaður
Sjálfstæðisflokksins, tók þátt í frægum
viðskiptum með turn í Makaó í Kína,
en setur sig upp á móti jarðarkaupum
Kínverja á Íslandi. Fyrir skemmstu var
Ísland þjóð útrásarvíkinganna. Í nafn-
giftinni, sem fyrr var upphafning, fólst
að fjárfesta í eignum erlendis. Við vilj-
um kaupa upp eignir erlendis, en ekki
leyfa útlendingum að kaupa hérlendis.
Þórunn Sveinbjarnardóttir ákveð-
ur að hætta á þingi og læra siðfræði.
Hún finnur leið til að hámarka þau
laun sem hún getur fengið af al-
mannafé, án þess að vinna, og læt-
ur allt sumarfríið líða, og bíður rétt
fram yfir mánaðamót, svo hún nái að
fá laun í sjö mánuði á meðan hún er
í námi. Þráinn Bertelsson þingmaður
segir um málið að það sé „skamm-
arlegt“. Ekki það sem Þórunn gerði,
heldur að fjölmiðlar hafi fjallað um
það.
Maðurinn sem staðfest er að stýrði
Íslandi inn í efnahagshrun og blekkti
almenning „skammast sín“ fyrir Al-
þingi Íslendinga. Enginn hefur meira
klúður á samviskunni en Geir Haarde,
en hann finnur öllum öðrum eitthvað
til foráttu. Samábyrgir samflokks-
menn fylla stuðningsmannabekk-
inn fyrir landsdómi þar sem lögmað-
ur Geirs hneykslast á því að fylgt sé
lögum sem Sjálfstæðisflokkurinn bar
sjálfur ábyrgð á.
Jóhanna Sigurðardóttir forsætis-
ráðherra og félagar hennar í Samfylk-
ingunni hafa tekið upp sömu máls-
vörn og ríkisstjórn Sjálfstæðisflokks og
Samfylkingar beitti af skaðsemi í góð-
ærinu.
„Við eigum að sammælast um það
á vettvangi þings sem annars stað-
ar að tala ekki efnahags- og atvinnu-
líf þjóðarinnar niður,“ sagði Jóhanna
þegar hún gaf tóninn í upphafi þings.
Það var líkt og hún hefði gleymt því
þegar hún notaði síðast orðalagið að
„tala niður“. Það var þegar hún var
félagsmálaráðherra, fasteignamark-
aðurinn var alveg að fara að hrynja og
ekki mátti gagnrýna neitt fyrir hrunið.
Nú er þetta nýja línan aftur.
Látum vera ef stjórnarandstaðan
dregur upp of dökka mynd, en að lýsa
því að gagnrýnin sé „raunverulega
að verða eitt helsta efnahagsvanda-
málið“ á Íslandi er jafninnihaldslaust
og það er skaðlegt.
Ekki stela frá almenningi, jafnvel
þótt þú finnir löglega leið, ekki banna
fólki að gagnrýna, ekki skamma fjöl-
miðla fyrir að segja fréttir, ekki kenna
öllum öðrum um það sem þú gerir af
þér, ekki ljúga, ekki snúa út úr og bulla.
En svo lengi sem þau fá stuðning út á
þetta gera þau það. Það er á ábyrgð
almennings að veita þeim eftirlit. Al-
menningur mótar stjórnmál á Íslandi
með því aðhaldi sem honum tekst
að veita stjórnmálamönnum. Ef þeir
græða á því að beita áróðri munu þeir
beita honum.
Eina leiðin til að bæta stjórnmála-
menningu á Íslandi er að almenning-
ur standi fast á grundvallaratriðum,
greini áróðursbrögð frá rökum og refsi
þeim markvisst sem blekkja, svíkja og
stela. Leiðin til þess er að hver og einn
hlusti, hugsi og gagnrýni eftir bestu
getu.
28 | Umræða 9.–11. september 2011 Helgarblað
tryggvagötu 11, 101 reykjavík
Útgáfufélag: Dv ehf.
Stjórnarformaður:
Lilja Skaftadóttir
Ritstjórar:
jón trausti reynisson, jontrausti@dv.is
og reynir traustason, rt@dv.is
Fréttastjóri:
Ingi Freyr vilhjálmsson, ingi@dv.is
Umsjón helgarblaðs:
Ingibjörg Dögg kjartansdóttir, ingibjorg@dv.is
Umsjón innblaðs:
kristjana guðbrandsdóttir, kristjana@dv.is
DV á netinu: dv.is
Aðalnúmer: 512 7000, Ritstjórn: 512 7010,
Áskriftarsími: 512 7080, Auglýsingar: 512 7050.
Smáauglýsingar: 512 7004.
Umbrot: Dv. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
Notkun á efni blaðsins er óheimil án samþykkis.
Hinn óbærilegi sjúkleiki umræðunnar
Leiðari Jón Trausti Reynisson ritstjóri skrifar
Hanna gegn Bjarna
n Hanna Birna Kristjánsdóttir, odd-
viti sjálfstæðismanna í borgarstjórn,
þykir hafa styrkt sig innan flokksins
að undanförnu. Horft er til hennar
sem leiðtogaefnis flokksins og vilja
einhverjir að hún taki slaginn strax
við Bjarna Benediktsson. Hanna Birna
hefur fram að þessu ekki tjáð sig um
erlend málefni. Breyting varð þar á
þegar hún fagnaði áhuga Kínverj-
ans Huangs Nubo á að kaupa Gríms-
staði. Þetta gengur þvert á skoðun
Bjarna sem er andvígur. Jafnframt
þykir þetta vera vísbending um að
hún vilji leggja til atlögu. Hún hef-
ur einnig gefið út yfirlýsingar sem
benda til eindregins vilja til að kom-
ast til æðstu metorða.
Einkasamtök Smára
n Gunnar Smári Egilsson, fyrrverandi
fríblaðakóngur, hefur komið sér vel
fyrir á spena hjá SÁÁ og gerir sig
gildandi sem formaður með miklum
yfirlýsingum. Gaf hann út sérstakt
blað sem dreift var á höfuðborgar-
svæðinu. Þar var ein helsta skraut-
fjöðrin viðtal við hann sjálfan sem
lærisveinn hans, Mikael Torfason,
tók. Harpa Hreinsdóttir bloggari
fordæmdi þetta: „Mikael Torfason,
sem „tekur viðtalið“, aktar helst sem
bergmál í þessari langloku,“ bloggar
Harpa. DV-bloggarinn Unnur Jóhanns-
dóttir tók einnig í lurginn á formann-
inum undir fyrirsögninni Galinn
Gunnar Smári. Óhætt er að segja að
einkaframtakið hafi vakið athygli.
Þórlindur heitur
n Þess er beðið að Björn Ingi Hrafns-
son og félagar hans opni hægrivef-
inn blatt.is sem ætlað er að höfða
til hægrimanna.
Talsvert er síðan
byrjað var að aug-
lýsa eftir ritstjóra
sem eðli máls-
ins samkvæmt
þarf að koma frá
hægri. Hávær orð-
rómur er um að
Þórlindur Kjart-
ansson, áhrifamaður á meðal ungra
sjálfstæðismanna og fyrrverandi
blaðamaður Fréttablaðsins, muni
hreppa hnossið. Þórlindur starfaði á
gróðæristímanum í Landsbankanum
og var talinn einn af lykilmönnunum
að baki farsællar markaðsherferðar
Icesave.
Bankastjóri í stuði
n Höskuldur Ólafsson, bankastjóri Ar-
ion, má vel við una eftir að hafa skil-
að10 milljarða hagnaði á fyrri hluta
árs. Er almennir launþegar lepja
dauðann úr skel taka starfsmenn Ar-
ion til sín mikla launahækkun. Beðið
er eftir uppgjöri annarra banka og
hvort álíka gróði verði þar. Ekki er tal-
ið að hagnaður Landsbankans verði
jafn mikill en þar hafa menn unnið
að lækkun skulda viðskiptavina sinna
í þeirri viðleitni að þeir komist af.
Sandkorn
Á
Íslandi ræðst afstaða fólks
til manna og málefna gjarn-
an af því hvar í flokki eða liði
þeir liggja. Þannig er sjálf-
gefið að sjálfstæðismenn-
irnir Tryggvi Þór Herbertsson og
Ásbjörn Óttarsson séu undir all-
flestum kringumstæðum gjör-
spilltir. Þar má enginn vafi leika á
um afgreiðslu. Aftur á móti verða
vinstrimenn að njóta vafans því
þeirra er hreinleikinn.
Þ
egar samfylkingarþingmaður-
inn Þórunn Sveinbjarnardótt-
ir fer í feluleik með starfslok
sín og græðir þannig með lög-
legum hætti nokkrar milljónir þá
verðum við að hafa skilning á því
að hún er að upplagi strangheiðar-
leg, einstæð móðir sem á allt gott
skilið. Þegar annar samfylkingar-
þingmaður, Sigmundur Ernir Rún-
arsson, er sauðdrukkinn í ræðustól
Alþingis eigum við ekki að dæma
hann hart. Hann ætlaði sér ekki að
verða drukkinn. Það bara fór þann-
ig vegna þess að of mikið framboð
var af rauðvíni í boði golfklúbbs.
Flestir innan Samfylkingar eru
sammála um það í þessum tilvikum
að fyrirgefningin sé nauðsynleg þar
sem ekki hafi verið um lögbrot að
ræða þótt deila megi um siðferðið.
Þ
egar sjálfstæðismennirnir líta
illa út í einhverju samhengi er
nauðsynlegt að lúskra á þeim.
Ef Tryggvi Þór, Árni Johnsen
eða Ásbjörn Óttarsson hefðu nýtt
sér biðlaunaréttinn til hins ítrasta
hefði góða liðið umhverfst af æs-
ingi og fordæmingu. Ekki hefðu
verið til nógu sterk lýsingarorð
til þess að afgreiða skúrkana sem
nýttu sér almannafé til að komast
í nám eða annað. Fordæmingin
hefði verið algjör af þeirri ástæðu
að þessir gæjar eru spilltir og þeim
verður að velta upp úr tjöru og
fiðri.
Þ
egar um er að ræða fólk til
vinstri eða á miðjunni er spill-
ingin auðvitað ekki meðvituð.
Axarsköftin eru óvart. Allt öðru
máli gegnir um auðvaldsbullurnar
til hægri. Þar eru meðvitaðir glæpir
en ekki glappaskot. Þar eru hlutirn-
ir nákvæmlega eins slæmir og þeir
sýnast vera. Hjá vinaliðinu eru hlut-
irnir eins góðir og þeir virðast vera
þegar góðum vilja ert beitt til þess að
umbera og fyrirgefa. Hinir eru slæm-
ir. Við erum góð. Glæpurinn eða
siðleysið fær vigt eftir því hvaðan er
horft.
Hinir eru spilltir
Svarthöfði
V
ið erum semsagt að lögsækja
Geir á meðan Dabbi litli blaða-
drengur gengur laus. Og við
heyrum Sjálftökuflokkinn aug-
lýsa að ríkisstjórnin sé ekki að gera
neitt nema hækka skatta. Já, og við
eigum væntanlega ekki að sjá hver
andlitin eru að baki auglýsingagrím-
unni. En svona ykkur að segja, þá er
þar á ferð fólkið sem makaði krókinn;
fólkið sem olli því að núna þurfum við
að borga brúsann í formi hærri skatta.
Og svo er hér einnig ágætt fólk, sem
á þá frómu draumsýn, að allt muni
reddast ef við bara komumst á spen-
ann í Brussel.
Við erum fórnarlömb auglýsinga-
ofbeldis og innantómrar umræðu.
Við dýrkum dollara og evrur. Við njót-
um þeirra forréttinda að láta áunna
heimsku reka okkur í sleik við þá sem
slá okkur í rot.
Sérstakur saksóknari hefur ekki
enn náð að setja einn einasta glæpa-
mann á sakamannabekk. Sérstakur
ritstjóri er ekki einu sinni sakaður um
að hafa sett Seðlabankann á hliðina,
sérstakur eigandi orkuveitumæla læt-
ur okkur dæla til sín peningum og sér-
stakur forseti rífur kjaft á meðan afar
sérstök forsetafrú er á bakvið eldavél-
ina. Íslenskir andófsmenn ganga laus-
ir og gefa lýðnum langt nef.
Við veltum okkur uppúr tittlinga-
skít á meðan bandarísk stjórnvöld
hafa tilkynnt að þau ætli að höfða
mál gegn 17 bönkum, vegna taps í
tengslum við lán til húsnæðiskaupa,
en tapið hefur, nú þegar, kostað
bandaríska skattgreiðendur milljarða
dollara og á eftir að kosta helling. Og
sérstakur saksóknari er svo sérstakur
og svo sérstaklega valinn til sérstakra
verka að hann vandar sig alveg sér-
staklega við að handtaka engan sér-
stakan.
Já, kæru vinir, við eyðum tíman-
um í karp um Evrópusambandið og
veltum því upp hvort útsendari Kína-
stjórnar megi kaupa íslenska lóð. En
samt vitum við ósköp vel að Kínverj-
arnir eiga þetta allt – nú þegar. Þeir
eiga alla dollara veraldar og þeir eiga
alla bandamenn sem þeir vilja eiga.
Kínverjar eiga með húð og hári þau
sérstöku bandarísku stjórnvöld sem
ætla að knésetja bankaklíkurnar.
Við ættum að hætta viðræðum við
Evrópusambandið og taka upp tví-
hliða viðræður við Kínverja. Við get-
um stofnað með þeim Íslensk-kín-
verska alþýðulýðveldið. Þá verður
okkar sérstaki forseti kannski keisar-
inn í Kína með kerlinguna sína. Við
getum kennt þeim glímu, þeir geta
kennt okkur borðtennis og saman
geta þjóðirnar ræktað með sér græðgi
og gírugheit. Þá verða allir íslensk-kín-
verskir andófsmenn settir á sérstakan
sakamannabekk og við getum hætt
að hugsa um lýðræði og aðra hégilju.
Málverndarstefna verður óþörf og
gamla, íslenska þjóðremban gleymist.
Já, drífum í þessu – Kínverjar munu,
hvort eð er, eignast þetta allt innan ör-
fárra ára.
Það að meta rétt og rangt
er reynslu okkar bundið
þótt margur hafi leitað langt
og litla gæfu fundið.
Keisarinn í Kína
Kristján
Hreinsson
Skáldið skrifar
„Við njótum þeirra
forréttinda að láta
áunna heimsku reka
okkur í sleik við þá sem
slá okkur í rot.